കുവൈറ്റ് സിറ്റി> കുവൈറ്റിൽ ആതുര സേവന രംഗത്തു പ്രവർത്തിക്കുന്നവരുടെ കൂട്ടായ്മയായ കേരളൈറ്റ്സ് മെഡിക്കൽ ഫോറം -കെ എം എഫ് കുവൈറ്റ് ഓണാഘോഷം സംഘടിപ്പിച്ചു.”പൊന്നോണം 2022″ ഓണാഘോഷം ഇന്ത്യൻ ഡോക്ടർസ് ഫോറം കൾച്ചറൽ സെക്രട്ടറി ഡോക്ടർ തോമസ് കോശി ഉദ്ഘാടനം ചെയ്തു. കെ എം എഫ് പ്രസിഡന്റ് ഗീത സുദർശൻ അധ്യക്ഷത വഹിച്ചു.ജനറൽ സെക്രട്ടറി ബിൻസിൽ വർഗീസ്‌ ചടങ്ങിന് സ്വാഗതം ആശംസിച്ചു.കല കുവൈറ്റ് ജനറൽ സെക്രട്ടറി ജെ സജി,വനിതാ വേദി കുവൈറ്റ് കേന്ദ്ര കമ്മിറ്റി അംഗം ജിജി രമേശ് ,കെ എം എഫ് ഉപദേശക സമിതി അംഗം ടി കെ സൈജു,ശ്രീജിത്ത് മോഹൻദാസ് (Al Ansari Exchange) തുടങ്ങിയവർ ആശംസകൾ അർപ്പിച്ചു സംസാരിച്ചു.കെ എം എഫ് ട്രഷറർ ലിൻഡ സജി,ഉപദേശക സമിതി അംഗങ്ങളായ സജി തോമസ് മാത്യു,റ്റി വി ഹിക്മത്ത് ,ഡോ.ബീന തോമസ് എന്നിവർ സന്നിഹിതരായിരുന്നു.
വർണ്ണാഭമായ ഘോഷയാത്രയിലെ മഹാബലി ,താലപൊലി,ചെണ്ട മേളം തുടങ്ങിയവ ശ്രധേയമായി.കെ എം എഫ് അംഗങ്ങളുടെ തിരുവാതിര ,ഓണപ്പാട്ട് ,ഗാനമേള തുടങ്ങി വിവിധ കലാ പരിപാടികളും വേദിയിൽ അരങ്ങേറി.കായിക മൽസരങ്ങളുടെ ഭാഗമായി വടം വലി മത്സരത്തിൽ വനിതകളുടെയും,കുട്ടികളുടെയും പങ്കാളിത്തം ആവേശം പകർന്നു.കെ എം എഫ് അംഗങ്ങൾ ഒരുക്കിയ അത്തപൂക്കളവും,വിഭവ സമൃദ്ധമായാ ഓണസദ്യയും ആഘോഷങ്ങളുടെ മാറ്റുകൂട്ടി.”പൊന്നോണം 2022″ന്റെ സംഘാടക സമിതി ജനറൽ കൺവീനർ ജോർജ് ജോൺ ചടങ്ങിന് നന്ദി അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
