സുറുമ എഴുതിയ മിഴികളേ…!
ഒരു കാലത്ത് ഹിറ്റായിരുന്നു സുറുമ. സുറുമ എഴുതിയ മിഴികളോടെ പെണ്‍കുട്ടികളും ആണ്‍കുട്ടികളും വിലസിനടന്നിരുന്ന ഒരു കാലമുണ്ട്. കണ്ണുകള്‍ക്ക് നല്ല അഴക് നല്‍കാന്‍ മാത്രമല്ല, കണ്ണുകളെ മൊത്തത്തില്‍ സംരക്ഷിക്കാനും ഈ സുറുമകള്‍ക്ക് സാധിച്ചിരുന്നു. സുറുമ കല്ല് പൊടിച്ച് അതില്‍ ഔഷധങ്ങളും ചേര്‍ത്ത് ഉണ്ടാക്കി എടുക്കുന്നതാണ് സുറുമ. കണ്ണിന്റെ അടിയില്‍ സാധാ കണ്‍മഷി എഴുതുന്ന പോലെയാണ് സുറുമയും എഴുതുന്നത്. എന്നും സുറുമ എഴുതാന്‍ ആരംഭിച്ചാല്‍ ഇത് നിങ്ങളുടെ കണ്ണുകളെ സംരക്ഷിക്കുകയും ക്ലീന്‍ ആക്കി നിലനിര്‍ത്തുകയും ചെയ്യും.
അള്‍ട്രാവയ്‌ലറ്റ് രശ്മികളില്‍ നിന്നും സംരക്ഷിക്കുന്നു
നമ്മള്‍ പുറത്ത് നിന്ന് ബ്യൂട്ടി പ്രോഡക്ട്‌സ് വാങ്ങുമ്പോള്‍ ചിലപ്പോള്‍ അള്‍ട്രാവയ്‌ലറ്റ് രശ്മികളില്‍ നിന്നും സംരക്ഷണം നല്‍കുന്നുണ്ടോ എന്ന് പരിശോധിക്കാറുണ്ട്. അതുപോലെ, സുറുമയില്‍ ചേര്‍ക്കപ്പെടുന്ന ചേരുവകള്‍ നല്ലൊരു യുവി പ്രോട്ടക്ഷന്‍ ഏജന്റാണ്. അതിനാല്‍ സുറുമ എഴുതുന്നത് കണ്ണുകള്‍ക്ക് നല്ലതാണ്.
കാഴ്ച്ചശക്തിയ്ക്ക് സഹായിക്കുന്നു
നമ്മളുടെ കണ്ണിന്റെ ഭംഗി എന്നത് അതിന്റെ കാഴ്ച്ച തന്നെയാണ്. ഏത് പ്രായത്തിലും നല്ല കാഴ്ച്ച ശക്തി ഉള്ളവരായി ഇരിക്കാന്‍ സാധിക്കുക എന്നത് തന്നെ നല്ലൊരു കാര്യമാണ്. ഇതിന് ഏറ്റവുമധികം സഹായിക്കുന്ന ഘടകങ്ങളില്‍ ഒന്നാണ് സുറുമ. സുറുമയില്‍ ചേര്‍ക്കുന്ന ഔഷധങ്ങള്‍ നിങ്ങളുടെ കണ്ണുകളെ പരിപാലിക്കുകയും കാഴ്ച്ച ശക്തി നിലനിര്‍ത്താന്‍ സഹായിക്കുകയും ചെയ്യും.
കണ്ണുകളിലെ സമ്മര്‍ദ്ദം കുറയ്ക്കാന്‍ സഹായിക്കുന്നു
അമിതമായി ഗാഡ്‌ജെറ്റ്‌സ് ഉപയോഗിക്കുന്നത് വഴി കണ്ണുകള്‍ക്ക് അമിതമായി സമ്മര്‍ദ്ദം ഉണ്ടാകാം. ഇത് കണ്ണുകള്‍ക്ക് വേദന മുതല്‍ പിന്നീട് തലവേദന വരെ ഉണ്ടാക്കുന്ന കാര്യമാണ്. എന്നാല്‍, സുറുമ എഴുതുമ്പോള്‍ ഇത് കണ്ണുകളെ ശാന്തമാക്കുകയും കണ്ണുകള്‍ക്ക് നല്ല സുഖം ലഭിക്കുകയും ചെയ്യും. ഒട്ടും ഉറക്കം കിട്ടാതെ രാത്രിയില്‍ ഇരിക്കുന്നവര്‍ക്ക് ഇത് കണ്ണില്‍ തേച്ചാല്‍ കണ്ണുകള്‍ക്ക് നല്ല സുഖം ലഭിക്കുകയും നല്ല ഉറക്കം ലഭിക്കുകയും ചെയ്യും.
സുറുമ എങ്ങിനെയാണ് ഉപയോഗിക്കേണ്ടത് എന്ന് നോക്കാം
കണ്‍മഷിയെല്ലാം നമ്മള്‍ കൈകൊണ്ടാണ് എഴുതാറുള്ളത്. എന്നാല്‍ സുറുമ എഴുതാന്‍ ഒരു ഗ്ലാസ് സ്റ്റിക്ക് നമുക്ക് വാങ്ങുമ്പോള്‍ ലഭിക്കും. അത് ഉപയോഗിച്ചാണ് എഴുതുക. ഇത് എഴുതുന്നതിന് മുന്‍പ് നന്നായി കുലുക്കുന്നു. അതിനുശേഷം അമിതമായിട്ടുള്ള സുറുമ തട്ടികളഞ്ഞ് കണ്ണില്‍ എഴുതാവുന്നതാണ്. സുറുമ വാങ്ങുമ്പോള്‍ എല്ലായ്‌പ്പോഴും നല്ല ക്വാളിറ്റി ഉള്ള സാധനം വാങ്ങാന്‍ ശ്രദ്ധിക്കേണ്ടത് അനിവാര്യമാണ്.
ഇളനീര്‍ കുഴമ്പ്
കണ്ണുകളുടെ പ്രശ്‌നം പരിഹരിക്കുന്നതിനായിട്ടാണ് ഇളനീര്‍ കുഴമ്പ് കാലങ്ങളോളമായി ഉപയോഗിച്ച് വന്നിരുന്നത്. കണ്ണിന് ചൊറിച്ചില്‍ അല്ലെങ്കില്‍ കാഴ്ച്ചക്കുറവ്, എന്തെങ്കിലും അലര്‍ജി എന്നീ പ്രശ്‌നങ്ങള്‍ ഉണ്ടാകുമ്പോള്‍ ഇളനീര്‍ കുഴമ്പ് ഉപയോഗിക്കുന്നത് മലയാളികള്‍ക്കിടയില്‍ ഒരു പതിവാണ്. ഇത് ഉപയോഗിക്കുമ്പോള്‍ നമുക്ക് ലഭിക്കുന്ന ഒരു സുഖമുണ്ട്. ഇത് പറഞ്ഞറിയിക്കാന്‍ സാധിക്കാത്തതാണ്.
അമിതമായി ചൂട് ഏറ്റാല്‍, പൊടി അടിച്ചാല്‍, പുകവലിക്കുന്നത്, അതുപോലെ, ചില മരുന്നെല്ലാം നമ്മളുടെ കണ്ണിന്റെ ആരോഗ്യത്തെ ബാധിക്കുന്ന കാര്യങ്ങളാണ്. ഇത്തരം പ്രശ്‌നങ്ങള്‍ മാറ്റി കണ്ണിന് നല്ല കാഴ്ച്ചയും ക്ലിയറുമാക്കി നിലനിര്‍ത്താന്‍ ഇളനീര്‍ കുഴമ്പ് സഹായിക്കുന്നുണ്ട്. ഇത് കണ്ണിന്റെ ഉള്ളില്‍ ഒഴിക്കുന്നത് നിങ്ങളുടെ കണ്ണിന്റെ ആരോഗ്യം നിലനിര്‍ത്താന്‍ സഹായിക്കുന്നു. അതുപോലെ, അമിതമായി ഉപയോഗിക്കുന്നത് നല്ലതല്ല. ഒരു ഡോക്ടറുടെ നിര്‍ദ്ദേശപ്രകാരം ഉപയോഗിക്കുന്നതാണ് നല്ലത്. ഒപ്പം നല്ല ഡയറ്റും പിന്തുടര്‍ന്നാല്‍ ഇത് കണ്ണുകളെ നല്ല തെളിച്ചമുള്ളതാക്കി നിലനിര്‍ത്തുന്നു.
ശരീരഭാരം കുറയ്ക്കുമ്പോൾ ശ്രദ്ധിക്കേണ്ട ശീലങ്ങൾ
