‘ഒരു കൗമാരക്കാരനെ പോലെ ഭ്രാന്ത് പിടിച്ചതായിരുന്നു ശിവശങ്കറിന് തന്നോടുള്ള പ്രണയം’; സ്വപ്നയുടെ ആത്മകഥ പുറത്ത്

Jibin George | Samayam Malayalam | Updated: 13 Oct 2022, 6:43 pm

ഒരു കൗമാരക്കാരനെ പോലെ ഭ്രാന്ത് പിടിച്ചതായിരുന്നു ശിവശങ്കറിന് തന്നോടുള്ള പ്രണയം. എൻ്റെ പ്രണയം നിലനിർത്താൻ എന്ത് വിലകൊടുക്കാനും എത്ര വേണമെങ്കിലും താഴാനും ശിവശങ്കർ തയ്യാറായിരുന്നുവെന്ന് പുസ്തകത്തിൽ സ്വപ്ന പറയുന്നുണ്ട്

swapna suresh book — Photo: Social Media

ഹൈലൈറ്റ്:

സ്വപ്ന സുരേഷ് എഴുതിയ പുസ്തം പുറത്തിറങ്ങി.
‘ചതിയുടെ പത്മവ്യൂഹം’ എന്നാണ് പുസ്തകത്തിൻ്റെ പേര്.
എം ശിവശങ്കറിനെതിരെ രൂക്ഷമായ വിമർശനമാണ് പുസ്തകത്തിലുള്ളത്.

തിരുവനന്തപുരം: നയതന്ത്ര സ്വർണക്കടത്ത് കേസ് പ്രതി സ്വപ്ന സുരേഷ് എഴുതിയ ‘ചതിയുടെ പത്മവ്യൂഹം’ എന്ന പുസ്തകം പുറത്തിറങ്ങി. തൃശൂർ ആസ്ഥാനമായ കറൻ്റ് ബുക്സാണ് പുസ്തകം പ്രസിദ്ധീകരിച്ചത്. മുഖ്യമന്ത്രി പിണറായി വിജയൻ്റെ മുൻ പ്രിൻസിപ്പൽ സെക്രട്ടറി എം ശിവശങ്കറിനെതിരെ രൂക്ഷമായ വിമർശനമാണ് പുസ്തകത്തിലുള്ളത്. സ്വപ്നയുടെ ജീവിതവും ശിവശങ്കറുമായുള്ള അടുത്ത ബന്ധവും വ്യക്തമാക്കുന്ന ചിത്രങ്ങൾ പുസ്തകത്തിൽ ഉൾപ്പെടുത്തിയിട്ടുണ്ട്.

നരബലിക്ക് ശേഷം മനുഷ്യമാംസം കഴിച്ചോ? പ്രതികരിച്ച് ഭഗവൽ സിങ്ങും ലൈലയും, പ്രതികളെ കസ്റ്റഡിയിൽ വാങ്ങും

സ്വർണക്കത്ത് കേസുമായി ബന്ധപ്പെട്ട് ഇതുവരെ വെളിപ്പെടുത്താത്ത പല വിവരങ്ങളും പുസ്തകത്തിൽ സ്വപ്ന വ്യക്തമാക്കുന്നുണ്ട്. തൃശൂർ കറൻ്റ് ബുക്സാണ് പുസ്തകം പുറത്തിറക്കുന്നത്. മുഖ്യമന്ത്രി പിണറായി വിജയനെതിരെയും പുസ്തകത്തിൽ പരോക്ഷ വിമർശനമുണ്ട്.

തിരുവനന്തപുരത്തെ യുഎഇ കോൺസുലേറ്റിലെ ഉദ്യോഗസ്ഥ എന്ന നിലയിൽ 2016ലാണ് ശിവശങ്കറിനെ പരിചയപ്പെടുന്നതെന്ന് പുസ്തകത്തിൽ സ്വപ്ന വ്യക്തമാക്കുന്നുണ്ട്. തുടക്കത്തിലെ സൗഹൃദം ഒരു വര്‍ഷത്തിനകം അടുത്തൊരു ആത്മബന്ധമായി മാറിയെന്ന് പുസ്തകത്തിലൂടെ സ്വപ്ന പറയുന്നുണ്ട്.

Zoom Dog: ഭീകരരെ പിടിക്കാൻ ഇനി അവൻ എത്തില്ല, വീരവിയോഗം വരിച്ച് ‘സൂം’

ഒരു കൗമാരക്കാരനെ പോലെ ഭ്രാന്ത് പിടിച്ചതായിരുന്നു ശിവശങ്കറിന് തന്നോടുള്ള പ്രണയം. എൻ്റെ പ്രണയം നിലനിർത്താൻ എന്ത് വിലകൊടുക്കാനും എത്ര വേണമെങ്കിലും താഴാനും ശിവശങ്കർ തയ്യാറായിരുന്നുവെന്ന് പുസ്തകത്തിൽ സ്വപ്ന പറയുന്നുണ്ട്. ശിവശങ്കറുമായുള്ള വിവാഹം, ഒരുമിച്ച് ഭക്ഷണം കഴിക്കുന്നത്, ശിവശങ്കറിൻ്റെ വീട്ടിലെ മറ്റ് ബന്ധുക്കൾക്കൊപ്പമുള്ളതുമായ ചിത്രങ്ങളും സ്വപ്നം പുസ്തകത്തിലൂടെ പങ്കുവച്ചു. ശിവശങ്കർ നൽകിയ താലിയും പുടവയും അണിഞ്ഞ ചിത്രങ്ങളും പുറത്തുവന്നു.