സ്വപ്നയുടെ ആത്മകഥ സിനിമയാകുമോ? അവകാശം ചോദിച്ച് സിനിമാക്കാരെത്തിയെന്ന് പ്രസാധകർ

Authored by Samayam Desk | Samayam Malayalam | Updated: 13 Oct 2022, 7:55 pm

സ്വപ്ന സുരേഷും ശിവശങ്കറും തമ്മിലുള്ള അടുപ്പം വ്യക്തമാക്കുന്ന ചിത്രങ്ങൾ പുസ്തകത്തിൽ പ്രസിദ്ധീകരിച്ചിട്ടുണ്ട്. ശിവശങ്കറുമൊത്ത് മദ്യപിക്കുന്നതിന്റെയും ഡിന്നർ കഴിക്കുന്നതിന്റെയും ചിത്രങ്ങൾ പുസ്തകത്തിലുണ്ട്.

swapna suresh — ശിവശങ്കറും സ്വപ്ന സുരേഷും

ഹൈലൈറ്റ്:

‘ചതിയുടെ പത്മവ്യൂഹം’ എന്നാണ് പുസ്തകത്തിന്റെ പേര്
തൃശൂർ കറന്റ് ബുക്സാണ് പുസ്തകത്തിന്റെ പ്രസാധകർ
ആദ്യ പതിപ്പ് വിറ്റ് തീർന്നതായി കറന്റ് ബുക്സ് വ്യക്തമാക്കുന്നു

സ്വർണ്ണക്കടത്ത് കേസ് പ്രതി സ്വപ്ന സുരേഷിന്റെ ആത്മകഥയായ ‘ചതിയുടെ പത്മവ്യൂഹം’ സിനിമയാക്കാൻ താൽപര്യപ്പെട്ട് ചിലർ എത്തിയിരുന്നതായി പുസ്തകത്തിന്റെ പ്രസാധകരായ കറന്റ്ബുക്സ്. അയ്യായിരം കോപ്പിയാണ് ആദ്യം എച്ചടിച്ചത്. പുറത്തിറക്കിയ എല്ലാ കോപ്പിയും വിറ്റ് തീർന്നതായി പ്രസാധകർ പറയുന്നു. രണ്ടാം പതിപ്പ് ഉടൻ പുറത്തിറക്കുമെന്നും കറന്റ് ബുക്സ് വ്യക്തമാക്കി.

സ്വപ്ന സുരേഷും ശിവശങ്കറും തമ്മിലുള്ള അടുപ്പം വ്യക്തമാക്കുന്ന സ്വകാര്യ ചിത്രങ്ങൾ പുസ്തകത്തിൽ പ്രസിദ്ധീകരിച്ചിട്ടുണ്ട്. സ്വർണ്ണക്കടത്തുമായി ബന്ധപ്പെട്ട് സ്വപ്ന ഇതുവരെ പറഞ്ഞ കാര്യങ്ങളും സ്വകാര്യ ജീവിതത്തെക്കുറിച്ചും പുസ്തകത്തിൽ പ്രതിപാദിക്കുന്നുണ്ട്.

‘ഒരു കൗമാരക്കാരനെ പോലെ ഭ്രാന്ത് പിടിച്ചതായിരുന്നു ശിവശങ്കറിന് തന്നോടുള്ള പ്രണയം’; സ്വപ്നയുടെ ആത്മകഥ പുറത്ത്

ശിവശങ്കറുമൊത്ത് മദ്യപിക്കുന്നതിന്റെയും ഡിന്നർ കഴിക്കുന്നതിന്റെയും ചിത്രങ്ങൾ പുസ്തകത്തിലുണ്ട്. ശിവശങ്കർ നൽകിയ താലിയും പുടവയും അണിഞ്ഞുള്ള ചിത്രങ്ങളും പ്രസിദ്ധീകരിച്ചവയിൽ പെടുന്നു. തൃശൂർ കറന്റ് ബുക്സാണ് പുസ്തകത്തിന്റെ പ്രസാധകർ.

‘അശ്വത്ഥാമാവ് വെറും ഒരു ആന’യ്ക്കു പിന്നാലെ ‘ചതിയുടെ പത്മവ്യൂഹം’; ഞെട്ടിപ്പിക്കുമോ സ്വപ്ന സുരേഷ്?

തിരുവനന്തപുരത്തെ യുഎഇ കോൺസുലേറ്റിലെ ഉദ്യോഗസ്ഥ എന്ന നിലയിൽ 2016ലാണ് ശിവശങ്കറിനെ പരിചയപ്പെടുന്നതെന്ന് പുസ്തകത്തിൽ സ്വപ്ന പറയുന്നു. തുടക്കത്തിലെ സൗഹൃദം ഒരു വർഷത്തിനകം അടുത്തൊരു ആത്മബന്ധമായി മാറിയെന്ന് സ്വപ്ന പറയുന്നുണ്ട്. ഒരു കൗമാരക്കാരനെ പോലെ ഭ്രാന്ത് പിടിച്ചതായിരുന്നു ശിവശങ്കറിന് തന്നോടുള്ള പ്രണയം. എൻ്റെ പ്രണയം നിലനിർത്താൻ എന്ത് വിലകൊടുക്കാനും എത്ര വേണമെങ്കിലും താഴാനും ശിവശങ്കർ തയ്യാറായിരുന്നുവെന്ന് സ്വപ്ന അവകാശപ്പെടുന്നു.