കരൾ രോഗം ബാധിച്ച് കിടപ്പിലായ ശ്രീലങ്കൻ യുവതിയെ തുടർചികിത്സയ്ക്കായി പ്ലീസ് ഇന്ത്യ പ്രവർത്തകർ നാട്ടിലെത്തിച്ചു

റിയാദ് : കരള്‍ രോഗം ബാധിച്ച് കിടപ്പിലായ ശ്രീലങ്കൻ യുവതി സമന്താ പുഷ്പകുമാരിയെ

തുടർചികിത്സയ്ക്കായി പ്ലീസ് ഇന്ത്യ പ്രവർത്തകർ നാട്ടിലെത്തിച്ചു. പ്ലീസ് ഇന്ത്യ പബ്ലിക് അദാലത്തിൽ ഇവരുടെ പരാതി ലഭിച്ച സാഹചര്യത്തിലായയിരുന്നു നടപടി. ഒരു വര്‍ഷമായി കരൾ രോഗം ബാധിച്ച് ചികിത്സയിലായിരുന്നു സമന്താ.

റിയാദില്‍ എത്തിയ യുവതി രണ്ട് വർഷത്തോളം വീട്ടുജോലിക്കാരിയായി ജോലി ചെയ്തു. എന്നാല്‍ കുറെ വർഷങ്ങളായി ഇഖാമ പുതുക്കാൻ കഴിയാതെ പലയിടങ്ങളിലായി ജോലി ചെയ്ത് വരികയായിരുന്നു. 46 വയസുകാരിയായ സമന്ത പുഷ്പകുമാരി ശ്രീലങ്കയിലെ പുത്തല ജില്ലയിൽ മനാത്ത വില്ലൂവ് സ്വദേശിനിയാണ്. ഇവർക്ക് കസൂൺ, സഹാൻ എന്നീ രണ്ട് ആൺകുട്ടികളും ഔഷധി എന്ന ഒരു പെൺകുട്ടിയും ഉണ്ട്.

ഏഴ് വർഷങ്ങൾക്ക് മുമ്പ് ഒരു മാൻ പവർ സപ്ലൈ കമ്പനി മുഖേന ശ്രീലങ്കയിൽ നിന്ന് സൗദിയിൽ എത്തിയ സമന്തായെ ആദ്യം ഏജൻ്റ് അയച്ചത് ഒരു സ്വദേശിയുടെ വീട്ടിലേക്ക് ആയിരുന്നു. രണ്ട് വർഷം ജോലി ചെയ്തതിന് ശേഷം മറ്റ് ഒരു സ്വദേശിയുടെ വീട്ടിൽ എത്തി, തുടർന്ന് ജോലി ഭാരം കൂടുകയും തുടർച്ചയായി ശമ്പളം കിട്ടാതെയും ആയപ്പോൾ അവിടെ നിന്ന് മാറ്റി തരാൻ ആവശ്യപ്പെട്ടു. ഇഖാമ പുതുക്കി തരാനും പറഞ്ഞു എന്നാല്‍ ഒന്നും നടന്നില്ല, പിന്നീട് 2 വർഷത്തോളം റിയാദ്-ശുമേഷി ആശുപത്രിയിൽ ക്ലീനിംഗ് ജോലി ചെയ്തു. പിന്നീട് അറബി സ്കൂൾ, മറ്റ് മദ്രസ്സ ക്ലീനിംഗ് ജോലികൾ ചെയ്ത് ഏഴ് വർഷം പൂർത്തിയാക്കി ഇതിനിടയിൽ രോഗിയായി മാറി.

Also Read: ആറു മാസത്തിനിടെ കുവൈറ്റ് നാടുകടത്തിയത് 8,000 പ്രവാസികളെ

സമന്തയെ ചികിൽസിച്ച ഡോക്ടറുമായി ബന്ധപ്പെട്ടതിന്റെ അടിസ്ഥാനത്തിൽ സമന്തയെ നാട്ടിലെത്തിച്ച് തുടർചികിത്സയ്ക്ക് വിധേയമാക്കുന്നതാണ് നല്ലതെന്ന് മനസിലാക്കിയ പ്ലീസ്‌ ഇന്ത്യ വെൽഫെയർ വിംഗ് ശ്രീലങ്കൻ എംബസിയുമായി ബന്ധപ്പെട്ട് അവരെ നാട്ടിലെത്തിക്കാനുള്ള പ്രവർത്തനങ്ങൾ ആരംഭിച്ചു.ലേബർ ഓഫീസിനെ സമീപിക്കാൻ ആയിരുന്നു എംബസി നിർദേശം. എന്നാൽ സമന്തയുടെ അസുഖം മൂർച്ചിക്കുകയും മരുന്ന് പോലും കഴിക്കാൻ പറ്റാത്ത ദുര അവസ്ഥവന്നെത്തുകയും ചെയ്തു. പ്ലീസ് ഇന്ത്യാ പ്രവർത്തകർ റിയാദ് ജവാസാത്ത് അധികൃതരെ സമീപിക്കുകയും ഫൈനൽ എ ക്ലിറ്റ് നടപടികൾ പൂർത്തിയാക്കി നിയമ നടപടികളിലൂടെ യുദ്ധകാല അടിസ്ഥാനത്തിൽ അവരെ നാട്ടിൽ എത്തിക്കാൻ ഉള്ള ശ്രമം നടത്തുകയായിരുന്നു.

പ്ലീസ് ഇന്ത്യ ചെയർമാൻ ലത്തീഫ് തെച്ചിയോടൊപ്പം പ്ലീസ്‌ ഇന്ത്യ ഡിപ്ലോമാറ്റിക് ജനറൽ സെക്രട്ടറി അൻഷാദ് കരുനാഗപ്പള്ളി, മിഡ്ഡിൽ ഈസ്റ്റ് സെക്രട്ടറി ബക്കർ മാസ്റ്റർ, ഗ്ലോബൽ നേതാക്കളായ അഡ്വക്കേറ്റ് ജോസ് എബ്രഹാം, അഡ്വക്കേറ്റ് റിജി ജോയ്, നീതു ബെൻ, വിജയശ്രീ രവിരാജ്, മൂസ മാസ്റ്റർ, റബീഷ് കോക്കല്ലൂർ, രാഗേഷ് മണ്ണാർക്കാട്, സുധീഷ അഞ്ചുതെങ്ങ് എന്നിവർ വിവിധ ഘട്ടങ്ങളിൽ സഹായവുമായി എത്തിയിരുന്നു. കഴിഞ്ഞ ദിവസം ശ്രീലങ്കൻ എയർലൈൻസിൽ സമന്താ പുഷ്പകുമാരിയെ പ്ലീസ് ഇന്ത്യ പ്രവർത്തകർ യാത്രയാക്കി.