Authored by Samayam Desk | Samayam Malayalam | Updated: 20 Oct 2022, 4:01 pm
കേരളത്തിൽ ലഭിക്കുന്ന പല പച്ചക്കറികളുടെയും പഴങ്ങളുടെയും ആരോഗ്യ ഗുണങ്ങൾ വളരെ വലുതാണ്. ചക്കയും കുമ്പളങ്ങയും കഴിക്കുന്ന നമ്മുടെ ആരോഗ്യത്തിന് വളരെയധികം ഗുണം ചെയ്യും.
Also Read: Sprouts: മുളപ്പിച്ച പയർ നിസാരക്കാരനല്ല; ഫൈബറും പ്രോട്ടീനും തുടങ്ങി നിങ്ങൾക്ക് വേണ്ടതെല്ലാം അതിലുണ്ട്
ചക്കയിലെ പോഷകം
ചക്കയില്‍ വൈറ്റമിന്‍ സി, പോട്ടാസ്യം, ഫോസ്ഫറസ് എന്നിവ അടങ്ങിയിട്ടുണ്ട്. പച്ച ചക്ക കൊണ്ടുള്ള വിഭവങ്ങളെല്ലാം സസ്യാഹാരം കഴിക്കുന്നവര്‍ക്ക് ഒരു മികച്ച തിരഞ്ഞെടുപ്പ് തന്നെയാണ്. ചക്ക കുരു കഴിക്കുന്നത് എല്‍ഡിഎല്‍ കൊളസ്‌ട്രോള്‍ കുറയ്ക്കാന്‍ സഹായിക്കുകയും എച്ച്ഡിഎല്‍ കൊളസ്‌ട്രോള്‍ വര്‍ധിപ്പിക്കാന്‍ സഹായിക്കുകയും ചെയ്യുന്നു. ചക്കയില്‍ ഫൈറ്റോകെമിക്കല്‍സ് പോലുള്ള പദാര്‍ത്ഥങ്ങള്‍ അടങ്ങിയിട്ടുണ്ട്. ഈ ഫൈറ്റോകെമിക്കലുകള്‍ക്ക് ആന്റിഓക്സിഡന്റ് ഗുണങ്ങളുണ്ട് ഇത് ക്യാന്‍സര്‍ പോലുള്ള മാരക രോഗങ്ങളുടെ വികസനം നിയന്ത്രിക്കാന്‍ സഹായിക്കും. ചക്കയുടെ തണ്ടുകളും ടൈപ്പ് 2 ഡയബറ്റീസ് ഇല്ലാതാക്കാനും സഹായിക്കുന്നു.
ചക്കയുടെ മറ്റ് ഗുണങ്ങള്‍
ചക്കയുടെ ചൊളകളും കുരുവുമൊക്കെ കഴിക്കാന്‍ സാധിക്കുന്നത്. ചക്ക വറുത്തത്, സ്മൂത്തീസ്, അല്ലെങ്കില്‍ പച്ചയ്ക്ക് അങ്ങനെ ഇഷ്ടമുള്ളത് പോലെ ചക്ക കഴിക്കാം. വിപണയില്‍ പച്ച ചക്ക പൊടിയായും ലഭിക്കുന്നുണ്ട്. ഇത് പ്രമേഹരോഗികള്‍ക്കും അതുപോലെ PCOS/PCOD അവസ്ഥയുള്ള സ്ത്രീകള്‍ക്കും ഏറെ ഗുണം ചെയ്യും. പച്ച ചക്ക പൊടി പതിവായി കഴിക്കുന്നത് എച്ച്ബിഎ 1 സി കുറയ്ക്കുമെന്ന് തെളിയിക്കപ്പെട്ടിട്ടുണ്ട്. ഇലകള്‍ അരച്ച് പിഴിഞ്ഞ് നീര് കുടിച്ചാല്‍ പ്രമേഹം നിയന്ത്രിക്കാന്‍ സാധിക്കും.
കുമ്പളങ്ങ നിസാരക്കാരനല്ല
പലര്‍ക്കും വലിയ താത്പര്യമില്ലാത്തൊരു പച്ചക്കറിയാണ് കുമ്പളങ്ങ. എന്നാല്‍ ഇതിന്റെ ഗുണങ്ങള്‍ പറഞ്ഞ് അറിയിക്കാന്‍ കഴിയാത്തതാണ്.
പോഷകങ്ങളുടെ ഒരു കലവറയാണ് കുമ്പളങ്ങ. കുമ്പളങ്ങയില്‍ ജലാംശം ധാരാളം അടങ്ങിയിരിക്കുന്നു. 96 ശതമാനവും ജലത്താല്‍ സമ്പന്നമായ കുമ്പളങ്ങയില്‍ ശരീരത്തിനാവശ്യമായ ഫൈബറുകളും അടങ്ങിയിരിക്കുന്നു. ഉയര്‍ന്ന ജലാംശം തന്നെയാണ് കുമ്പളങ്ങയുടെ ഔഷധമൂല്യത്തിന്റെ അടിസ്ഥാനവും.
പോഷകങ്ങളുടെ കലവറ
കാല്‍സ്യത്തിന്റെ ഫോസ്ഫറസിന്റെയും കലവറയാണ് കുമ്പളങ്ങ. വിഷാദരോഗികള്‍ ഇതൊരു മരുന്നായും പ്രവര്‍ത്തിക്കുന്നുണ്ട്. അമിനോ ആസിഡാ ട്രിപ്‌റ്റോഫന്റെ സമ്പന്നമായ ഉറവിടമാണ് കുമ്പളങ്ങ. കൊളസ്‌ട്രോള്‍ കുറയ്ക്കാനും കുമ്പളങ്ങ സഹായിക്കും. ആന്റി ഇന്‍ഫ്‌ളമേറ്ററി ആയതിനാല്‍ സന്ധിവാതവും ആസ്തമയും കുറയ്ക്കാന്‍ സഹായിക്കുന്നു.
കുമ്പളങ്ങ ജ്യൂസിന് ഇന്‍സുലിന്‍ ഉല്‍പാദനം വര്‍ദ്ധിപ്പിക്കാന്‍ സാധിക്കും. ഇത് രക്തത്തിലെ ഗ്ലൂക്കോസ് നിയന്ത്രിക്കുന്നതിലൂടെ ഷുഗറും കുറയ്ക്കുന്നു. രക്തത്തിലെ വെളുത്ത രക്തകോശം വര്‍ധിപ്പിച്ച് രോഗപ്രതിരോധ ശേഷി ഉയര്‍ത്താന്‍ സഹായിക്കുന്നു. വൃക്ക- മൂത്രാശയ രോഗങ്ങള്‍ക്കും കുമ്പളങ്ങ വളരെ നല്ലതാണ്. കുമ്പളങ്ങ വൃക്കയുടെ ആരോഗ്യം വര്‍ധിപ്പിക്കുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
