കൊച്ചി: ആനുകാലിക വിഷയങ്ങൾ പ്രമേയമാക്കിയ ‘പില്ലർ നമ്പർ.581 എന്ന ഹ്രസ്വ ചിത്രത്തിൽ ‘ നായക വേഷമിട്ട ആദി ഷാൻ റോ ഇന്റർനാഷണൽ ഫിലിം ഫെസ്റ്റിവലിൽ മികച്ച നട നുള്ള പുരസ്കാരത്തിന് അർഹനായി. 5 മുതൽ 50 മിനുട്ട് വരെ ദൈർക്യമുള്ള വിഭാഗത്തിൽ നിന്നാണ് അവാർഡിന് തിരഞ്ഞെടുക്കപ്പെട്ടത്.
കാലിക പ്രസക്തിയുള്ള വിഷയവുമായി നവാഗതനായ മുഹമ്മദ് റിയാസ് കഥയെഴുതി സംവിധാനം ചെയ്ത ചിത്രം തമിഴിലും മലയാളത്തിലുമായി രണ്ട് ഭാഷകളിലാണ് പുറത്തിറങ്ങുന്നത്. വേറിട്ട അഭിനയമികവ് കൊണ്ടും പച്ചയായ ജീവിതം കൊണ്ടും പ്രേക്ഷകരുടെ മനം കവർന്നാണ് ആദി ഷാനിന് പുരസ്കാരം നേടിയതെന്ന് ജൂറി വിലയിരുത്തി. മാഗസിൻ മീഡിയ നിർമ്മിക്കുന്ന പ്രൊഡക്ഷൻ കൺട്രോളർ ബാദുഷയും മകൾ ഷിഫ ബാദുഷയും കേന്ദ്ര കഥാപാത്രങ്ങളായിഅഭിനയിക്കുന്നു. സക്കീർ ഹുസൈൻ, അഖില അനോകി എന്നിവരാണ് മറ്റു താരങ്ങൾ.
അരുൺ രാജിന്റെ സംഗീതവും എസ്.അമൽ സുരേഷ് ഛായാഗ്രഹണവും എഡിറ്റർ :സിയാദ് റഷീദ് പ്രൊഡക്ഷൻ കൺട്രോളർ സക്കീർ ഹുസൈൻ ആർട്ട് നാസർ ഹമീദ് പുനലൂർ മേക്കപ്പ് :അമൽ ചന്ദ്രൻ, കോസ്റ്റ്യൂം എ.എം, അസോസിയേറ്റ് ഡയറക്ടർ അനീഷ് ജോർജ്, സൗണ്ട് ഡിസൈൻ
കരുൺ പ്രസാദ്, പി.ആർ.ഒ സുനിത സുനിൽ, സ്റ്റിൽസ് :ബേസിൽ സക്കറിയ, ഡിസൈൻ :അതുൽ കോൾഡ് എന്നിവരാണ് മറ്റ് അണിയറ പ്രവർത്തകർ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
