ചക്കയും മാങ്ങയും ഉപയോഗിച്ച് ഇനി മദ്യം ഉണ്ടാക്കാം; ചട്ടം നിലവിൽ വന്നു

Jibin George |

Samayam Malayalam | Updated: 22 Oct 2022, 10:12 pm

മദ്യം നിർമ്മിക്കുന്ന യൂണിറ്റുകൾക്ക് പ്രവർത്തനാനുമതി നൽകാനുള്ള ചട്ടം സംസ്ഥാനത്ത് നിലവിൽ വന്നു. കേരളാ സ്മോൾ സ്കേൽ വൈനറി റൂൾസ് ആണ് നിയമസഭാ സബ്ജക്ട് കമ്മിറ്റിയുടെ ഭേദഗതികൾ ഉൾപ്പെടുത്തി അംഗീകരിച്ചത്

liquor production — Photo: THE ECONOMIC TIMES

ഹൈലൈറ്റ്:

പഴ വർഗങ്ങളിൽ നിന്ന് വീര്യം കുറഞ്ഞ മദ്യമുണ്ടാക്കാൻ അനുമതി.
പ്രവർത്തനാനുമതി നൽകാനുള്ള ചട്ടം സംസ്ഥാനത്ത് നിലവിൽ വന്നു.
നിയമസഭാ സബ്ജക്ട് കമ്മിറ്റിയുടെ ഭേദഗതികൾ ഉൾപ്പെടുത്തി.

തിരുവനന്തപുരം: സംസ്ഥാനത്ത് പഴ വർഗങ്ങളിൽ നിന്ന് വീര്യം കുറഞ്ഞ മദ്യമുണ്ടാക്കാൻ അനുമതി. ഉൽപാദന യൂണിറ്റുകൾക്ക് പ്രവർത്തനാനുമതി നൽകിക്കൊണ്ടുള്ള ചട്ടം നിലവിൽ വന്നു.

വിഷ്ണുപ്രിയയുടെ ശരീരത്തിൽ 18 മുറിവുകൾ; കൈയിലും കഴുത്തിലും കാലിലും വെട്ടേറ്റു, ഇൻക്വസ്റ്റ് റിപ്പോർട്ട്

പഴങ്ങൾ ധാന്യങ്ങൾ ഒഴികെയുള്ള കാർഷികോൽപ്പന്നങ്ങൾ എന്നിവയിൽ നിന്നും വീര്യം കുറഞ്ഞ മദ്യം തയ്യാറാക്കാനുള്ള അനുമതിയാണ് ലഭിച്ചത്. ചക്ക, മാങ്ങ, കശുമാങ്ങ, വാഴപ്പഴം ഉൾപ്പെടെയുള്ള പഴവർഗങ്ങളിൽ നിന്നും ധാന്യങ്ങളൊഴികെയുള്ള കാർഷികോൽപ്പന്നങ്ങളിൽ നിന്നും വീര്യം കുറഞ്ഞ മദ്യം സംസ്ഥാനത്ത് ഉത്പാദിപ്പിക്കുന്നതിന് അനുമതി നൽകാം.

മദ്യം നിർമ്മിക്കുന്ന യൂണിറ്റുകൾക്ക് പ്രവർത്തനാനുമതി നൽകാനുള്ള ചട്ടം സംസ്ഥാനത്ത് നിലവിൽ വന്നു. കേരളാ സ്മോൾ സ്കേൽ വൈനറി റൂൾസ് ആണ് നിയമസഭാ സബ്ജക്ട് കമ്മിറ്റിയുടെ ഭേദഗതികൾ ഉൾപ്പെടുത്തി അംഗീകരിച്ചത്. ഇതിനായി അബ്കാരി ചട്ടങ്ങളിൽ നിയമ ഭേദഗതിക്ക് നേരത്തെ അനുമതി നൽകിയിരുന്നു.

രാത്രി 8 മുതല്‍ 10 വരെ പടക്കം പൊട്ടിക്കാം, ഹരിത പടക്കങ്ങള്‍ മാത്രം വില്‍ക്കണം; സര്‍ക്കാര്‍ ഉത്തരവിറക്കി

പ്രാദേശികമായി ലഭിക്കുന്ന കാർഷികോത്പന്നങ്ങളിൽ നിന്ന് മദ്യം നിർമ്മിക്കുന്നതിലൂടെ കർഷകർക്ക് ഉയർന്ന വരുമാനം ലഭിക്കുമെന്ന് തദ്ദേശ സ്വയം ഭരണ എക്‌സൈസ് വകുപ്പ് മന്ത്രി എം.ബി. രാജേഷ് പറഞ്ഞു.