Jibin George |
Samayam Malayalam | Updated: 22 Oct 2022, 10:51 pm
പീഡനക്കേസിൽ പ്രതിയായതോടെ എംഎൽഎയ്ക്കെതിരെ നടപടിയുണ്ടാകുമെന്ന് കോൺഗ്രസ് നേതൃത്വം വ്യക്തമാക്കിയിരുന്നു. എംഎൽഎയ്ക്ക് കോടതിയിൽ നിന്നും ജാമ്യം ലഭിച്ചാലും പാർട്ടി നടപടി സ്വീകരിക്കുമെന്ന് കെപിസിസി പ്രസിഡൻ്റ് കെ സുധാകരൻ അറിയിച്ചിരുന്നു
ഹൈലൈറ്റ്:
- ബലാത്സംഗ കേസ്.
- എൽദോസ് കുന്നിപ്പിള്ളിൽ എംഎൽഎയെ സസ്പെൻഡ് ചെയ്ത് കോൺഗ്രസ്.
- ആറ് മാസത്തേക്കാണ് സസ്പെൻഷൻ.
വിഷ്ണുപ്രിയയുടെ ശരീരത്തിൽ 18 മുറിവുകൾ; കൈയിലും കഴുത്തിലും കാലിലും വെട്ടേറ്റു, ഇൻക്വസ്റ്റ് റിപ്പോർട്ട്ജനപ്രതിനിധി എന്ന നിലയിൽ എൽ ദോസ് വേണ്ടത്ര ജാഗ്രത പുലർത്തിയില്ലെന്ന് കെപിസിസി വിലയിരുത്തി. ആറുമാസത്തെ നിരീക്ഷണ കാലയളവിന് ശേഷമാകും അടുത്ത നടപടി. പാർട്ടി നടപടി അംഗീകരിക്കുന്നുവെന്ന് പെരുമ്പാവൂർ എംഎൽഎ എൽദോസ് അറിയിച്ചു. തൻ്റെ നിരപരാധിത്വം വൈകാതെ തെളിയിക്കുമെന്നും അദ്ദേഹം കൂട്ടിച്ചേർത്തു.
പീഡനക്കേസിൽ പ്രതിയായതോടെ എംഎൽഎയ്ക്കെതിരെ നടപടിയുണ്ടാകുമെന്ന് കോൺഗ്രസ് നേതൃത്വം വ്യക്തമാക്കിയിരുന്നു. എംഎൽഎയ്ക്ക് കോടതിയിൽ നിന്നും ജാമ്യം ലഭിച്ചാലും പാർട്ടി നടപടി സ്വീകരിക്കുമെന്ന് കെപിസിസി പ്രസിഡൻ്റ് കെ സുധാകരൻ അറിയിച്ചിരുന്നു.
എംഎൽഎയോട് വിശദീകരണം തേടിയിട്ടുണ്ടെന്നും മറുപടി കിട്ടിയ ശേഷം ബാക്കി നടപടികൾ എങ്ങനെ വേണമെന്ന് തീരുമാനിക്കുമെന്നും കെ സുധാകരൻ പറഞ്ഞിരുന്നു. എൽദോസിനെതിരായ പരാതിയിൽ കഴമ്പുണ്ടെങ്കിൽ ശക്തമായ നടപടി വേണമെന്ന നിലപാടിലായിരുന്നു കെപിസിസി പ്രസിഡൻ്റും പ്രതിപക്ഷ നേതാവ് വി ഡി സതീശനും.
‘തന്നെ ആക്രമിച്ചപ്പോൾ പിഎക്കും പരിക്കേറ്റു’; ബലാത്സംഗക്കേസിൽ എംഎൽഎയുടെ ഡ്രൈവർ ഉൾപ്പടെയുള്ളവരെ ചോദ്യം ചെയ്യുന്നു
എൽദോസ് വിവാഹ വാഗ്ദാനം നൽകി ലൈംഗികമായി പീഡിപ്പിച്ചുവെന്ന് കാട്ടി അധ്യാപികയായ ആലുവ സ്വദേശിനി പോലീസിൽ പരാതി നൽകിയിരുന്നു. കേസ് ഒത്തുതീർപ്പാക്കാൻ കോവളം പോലീസ് നീക്കം നടത്തിയെന്ന് മജിസ്ട്രേറ്റിന് മൊഴി നൽകുകയും ചെയ്തു. ഇതിന് പിന്നാലെയാണ് എൽ ദോസിനെതിരെ ബലാത്സംഗം, തട്ടിക്കൊണ്ട് പോകൽ, വധശ്രമം എന്നീ കുറ്റങ്ങൾ കൂടി ചുമത്തിയത്. പോലീസ് അന്വേഷണം ആരംഭിച്ചതോടെ ഒളിവിൽ പോയ എംഎൽഎ മുൻകൂർ ജാമ്യം നേടിയിരുന്നു. കർശനമായ 11 ഉപാധികളോടെയാണ് എൽദോസിന് കോടതി മുൻകൂർ ജാമ്യം അനുവദിച്ചത്. ജാമ്യം ലഭിച്ചതിന് പിന്നാലെയാണ് എൽദോസ് പോലീസിന് മുന്നിൽ എത്തിയത്.
Read Latest Kerala News and Malayalam News
വെള്ളയടിച്ചിട്ടും സ്‌കൂള്‍ കുട്ടികളുമായി പോയ ടൂറിസ്റ്റ് ബസ് അപകടത്തില്‍പെട്ടു | tourist bus
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
