ബെംഗളൂരു: ഭര്‍ത്താവിന്റെ ആത്മഹത്യയില്‍ മനംനൊന്ത് യുവതി കുഞ്ഞിനെ കൊലപ്പെടുത്തിയ ശേഷം ജീവനൊടുക്കി. കര്‍ണാടകയിലെ ബെലഗാവി വന്തമുരി ഗ്രാമത്തിലാണ് സംഭവം. 22കാരിയായ വാസന്തിയേയും ഒന്നരവയസുളള കുഞ്ഞിനേയും വെള്ളിയാഴ്ച വൈകിട്ടോടെയാണ് മരിച്ച നിലയില്‍ കണ്ടെത്തിയത്.
‘ലോകത്തിന് ഞങ്ങളെ ആവശ്യമുണ്ട്’; ചൈനീസ് പ്രസിഡൻ്റായി മുന്നാമതും ഷീ ജിൻപിങ്
വാസന്തിയുടെ ഭര്‍ത്താവ് ഹോലെപ്പ മാരുതി മാസ്തിയെന്ന 25കാരന്‍ വ്യാഴാഴ്ചയാണ് ജീവനൊടുക്കിയത്. വാസന്തിയും ഹോലെപ്പയും തമ്മില്‍ കുറച്ചു നാളുകളായി വഴക്ക് പതിവായിരുന്നു. വ്യാഴാഴ്ചയും മദ്യപിച്ചെത്തിയ ഹോലെപ്പയും വാസന്തിയും തമ്മില്‍ വഴക്കുണ്ടായി. വിഷം കഴിക്കുമെന്ന് വാസന്തിയെ ഭീഷണിപ്പെടുത്തിയ ശേഷം ഇയാള്‍ കൃഷിയിടത്തിലേക്ക് പോയി. അവിടെവെച്ച് വിളകള്‍ക്ക് തളിക്കാനായി വാങ്ങിവെച്ചിരുന്ന കീടനാശിനി കുടിക്കുകയായിരുന്നുവെന്ന് പോലീസ് പറയുന്നു.
Read Latest National News and Malayalam News
അവശനിലയിലായിരുന്ന ഹോലെപ്പയെ കണ്ട നാട്ടുകാര്‍ ഉടന്‍ തന്നെ ഇയാളെ ആശുപത്രിയില്‍ എത്തിച്ചുവെങ്കിലും വെള്ളിയാഴ്ച രാവിലെയോടെ മരണം സംഭവിക്കുകയായിരുന്നു. മരണവാര്‍ത്ത അറിഞ്ഞ വാസന്തി ഉച്ചയോടെ ഒന്നരവയസുകാരനായ മകനോടൊപ്പം വീടുവിട്ടിറങ്ങുകയായിരുന്നു. വാസന്തിയെ കാണാതായതോടെ ബന്ധുക്കള്‍ നടത്തിയ അന്വേഷണത്തിലാണ് ഗ്രാമത്തിന് പുറത്തുള്ള പാടത്ത് വാസന്തിയുടെയും കുഞ്ഞിന്റേയും മൃതദേഹം കണ്ടെത്തിയത്. കുഞ്ഞിന്റെ കഴുത്ത് ഞെരിച്ച് കൊലപ്പെടുത്തിയ ശേഷം വാസന്തി ജീവനൊടുക്കുകയായിരുന്നുവെന്നാണ് പ്രാഥമിക നിഗമനം. മൂന്ന് വയസുകാരിയായ ഒരു മകള്‍ കൂടിയുണ്ട് ദമ്പതികള്‍ക്ക്‌.
പാർട്ടി എടുത്ത ഏത് തീരുമാനവും അംഗീകരിക്കുന്നെന്ന് എൽദോസ് കുന്നപ്പിള്ളിൽ
