സംസ്ഥാനത്ത് കൂടുതൽ ഇളവുകൾ; ജിമ്മുകൾ പ്രവർത്തിക്കും; ടിപിആര്‍ മാനദണ്ഡങ്ങളിലും മാറ്റം

തിരുവനന്തപുരം: ടെസ്റ്റ് പോസിറ്റി നിരക്കിന്റെ അടിസ്ഥാനത്തിൽ ഏർപ്പെടുത്തിയ നിയന്ത്രണങ്ങളിൽ ഇളവ്. ഇന്നു ചർന്ന കൊവിഡ് അവലോകന യോഗത്തിലാണ് തീരുമാനം. ടിപിആർ അഞ്ചിൽ താഴെയുള്ള പ്രദേശങ്ങൾ എ വിഭാഗത്തിലും അഞ്ച് മുതൽ പത്ത് വരെയുള്ള പ്രദേശങ്ങൾ ബി വിഭാഗത്തിലുമാണ് ഉൾപ്പെടുക. പത്ത് മുതൽ പതിനഞ്ച് വരെയുള്ള പ്രദേശങ്ങൾ സി വിഭാഗത്തിലും പതിനഞ്ചിനു മുകളിൽ ഉള്ള പ്രദേശങ്ങൾ ഡി വിഭാഗത്തിലായിരിക്കും ഉൾപ്പെടുക.



Also Read: ഇന്ന് 14,373 പേര്‍ക്ക് കൊവിഡ് സ്ഥിരീകരിച്ചു; 142 മരണം; ടെസ്റ്റ് പോസിറ്റിവിറ്റി നിരക്ക് 10.9

എ,ബി വിഭാഗത്തിൽ ഉൾപ്പെടുന്ന പ്രദേശങ്ങളിൽ റെസ്റ്റോറന്റുകൾ, ഹോട്ടലുകൾ, ഹോം ഡെലിവറി, ടേക്ക് എവേ സംവിധാനം രാത്രി 9.30 വരെ പ്രവർത്തിക്കാം. അടുത്ത ശാരീരിക സമ്പർക്കമില്ലാത്ത ഇൻഡോർ ഗെയിമുകൾ, എസി ഒഴിവാക്കി ജിമ്മുകൾ എന്നിവയും പ്രവർത്തിക്കാം. വായു സഞ്ചാരമുള്ള ഹാളോ, തുറന്ന പ്രദേശമോ ഇതിനായി തെരഞ്ഞെടുക്കാം. ഒരേ സമയം 20 പേരെ മാത്രമേ അനുവദിക്കൂ.

എ, ബി വിഭാഗത്തിലെ സർക്കാർ ഓഫീസുകളിലെ മുഴുവൻ ജീവനക്കാരും സി വിഭാഗത്തിലെ 50 ശതമാനം ജീവനക്കാരും പ്രവർത്തിക്കണം. കേന്ദ്ര ആരോഗ്യ മന്ത്രാലയത്തിന്റെ സ്റ്റാന്റേർഡ് ഓപ്പറേറ്റിങ് നടപടി ക്രമവും ടൂറിസം മന്ത്രാലയത്തിന്റെ മാർഗ നിർദ്ദേശവും അനുസരിച്ച് വിനോദ സഞ്ചാര മേഖലയിലെ താമസ സൗകര്യങ്ങൾ തുറന്നു പ്രവ‍ര്‍ത്തിക്കാം. വാക്സിൻ എടുത്തവ‍ര്‍ക്കും ആ‍ര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റ് ഉള്ളവര്‍ക്കുമാണ് പ്രവേശനം.

കസ്റ്റംസ് തന്നെ നഗ്നനാക്കി മർദ്ദിച്ചു; പരാതിയുമായി അർജ്ജുൻ ആയങ്കി കോടതിയിൽ

കൊവിഡ് വ്യാപനത്തിന്റെ തോത് കുറഞ്ഞാൽ മാത്രമേ മറ്റ് ഇളവുകൾ അനുവദിക്കൂ. ആൾക്കൂട്ടം ഒരു കാരണവശാലും അനുവദിക്കില്ല. എല്ലാ പ്രദേശങ്ങളിലും ടെസ്റ്റുകളുടെ എണ്ണം വര്‍ദ്ധിപ്പിക്കാൻ നിര്‍ദ്ദേശം നൽകി. താൽക്കാലിക ജീവനക്കാരെ ഈ ഘട്ടത്തിൽ പിരിച്ചു വിടരുതെന്നും നി‍ര്‍ദ്ദേശമുണ്ട്.