മാത്യു കുഴൽനാടനെതിരെ അവകാശ ലംഘനത്തിന് നോട്ടീസുമായി എം വിജിൻ

കൊച്ചി: മാത്യു കുഴൽനാടൻ എംഎൽഎക്കെതിരെ അവകാശ ലംഘനത്തിന് നോട്ടീസുമായി കല്യാശേരി എംഎൽഎയും ഡിവൈഎഫ്ഐ കേന്ദ്ര കമ്മിറ്റി അംഗവുമായി എം വിജിൻ എംഎൽഎ. സ്പീക്കർക്കാണ് നോട്ടീസ് നൽകിയത്.



സുരേന്ദ്രൻ രാജിവെയ്ക്കണമെന്ന് ഒരു വിഭാഗം; അച്ചടക്കം ഉറപ്പാക്കുമെന്ന് അധ്യക്ഷൻ; അടിത്തട്ടു മുതൽ അഴിച്ചുപണി

എറണാകുളം ജില്ലയിലെ പോത്താനിക്കാട് പോലീസ് സ്റ്റേഷനിൽ 473 ക്രൈം നമ്പറിൽ രജിസ്റ്റർ ചെയ്തിട്ടുള്ള പോക്സോ കേസിലെ ഒന്നാം പ്രതിയായ പോത്താനിക്കാട് ഇടശേരികുന്നേൽ റിയാസിനെ സഹായിക്കുകയും ഇരയെയും കുടുംബത്തെയും ഭീഷണിപ്പെടുത്തുകയും ചെയ്ത രണ്ടാം പ്രതി ഷാൻ മുഹമ്മദിനെ മാത്യു കുഴൽനാടൻ സംരക്ഷിച്ചെന്നും അയാൾക്കുവേണ്ടി മുൻകൂർ ജാമ്യാപേക്ഷ ഫയൽ ചെയ്യുകയും ചെയ്തെന്നും ഡിവൈഎഫ്ഐ പറയുന്നു. ഈ പശ്ചാത്തലത്തിലാണ് കേരള നിയമസഭയുടെ നടപടിക്രമവും കാര്യനിർവ്വഹണവും സംബന്ധിച്ച് ചട്ടം 154 പ്രകാരം അവകാശ ലംഘനത്തിന് നോട്ടീസ് നൽകിയിരിക്കുന്നത്.

അമൃതാനന്ദമയി ആശ്രമത്തിൽ ഫിൻലാൻഡ് സ്വദേശി തൂങ്ങിമരിച്ച നിലയിൽ

പ്രതിയെ പിന്തുണച്ചും സംരക്ഷിക്കുമെന്ന് പരസ്യമായി പറഞ്ഞും ഫേസ്ബുക്കിൽ പോസ്റ്റിടുകയും ചെയ്തത് ഒരു നിയമസഭാ അംഗം എങ്ങനെയൊക്കെ സഭയ്ക്ക് പുറത്ത് പെരുമാറണം എന്നുള്ള പെരുമാറ്റ ചട്ടങ്ങളുടെയും പൊതുവായ സദാചാര തത്വങ്ങളുടെയും ലംഘനമാണ്. മാത്യു കുഴൽനാടൻ എംഎൽഎയുടെ ഈ പ്രവർത്തികൾ എംഎൽഎ പദവിക്ക് കളങ്കമായി തീരുകയും ഇതുവഴി അംഗങ്ങളുടെയും സഭയുടെയും അന്തസ്സിന് ഹാനി വരുത്തുകയും ചെയ്തെന്നും നോട്ടീസിൽ പറയുന്നു. ഡിവൈഎഫ്ഐ സംസ്ഥാന കമ്മിറ്റിയുടെ തീരുമാന പ്രകാരമാണ് എം വിജിൻ എംഎൽഎ പരാതി നൽകിയത്.