Sumayya P | Lipi | Updated: 07 Jul 2021, 10:18:00 AM
കെവിഡ് കാലത്ത് സേവനങ്ങള്‍ നടത്തിയ തിരഞ്ഞെടുക്കപ്പെട്ട ഡ്രൈവര്‍മാരുടെ പട്ടികയും സ്റ്റിക്കറും ഫ്രാഞ്ചൈസികള്‍ക്കും ദുബായ് ടാക്സി കോര്‍പറേഷനും ആര്‍ടിഎ കൈമാറി.
ഹൈലൈറ്റ്:
- കാറുകള്‍ക്കു മുകളില്‍ ഇനി ടാക്സി ഡ്രൈവര്‍മാരുടെ പേരു കൂടി തെളിയും
- ഡ്രൈവര്‍മാരുടെ പ്രര്‍ത്തനങ്ങളെ പ്രോത്സാഹിപ്പിക്കാന്‍ തങ്ങള്‍ എന്നും മുന്നിലുണ്ടെന്നും ആര്‍ടിഎ
ദുബായില്‍ 638 കാറുകളുടെ മുകളിലാണ് ഡ്രൈവര്‍മാര്‍ക്ക് ആദരമൊരുക്കി അവരുടെ പേര് പ്രദര്‍ശിപ്പിച്ചിരിക്കുന്നത്. കൊവിഡ് കാലത്ത് സമയം പരിഗണിക്കാതെ ജോലി ചെയ്തവരെയും കൊവിഡ് പ്രതിരോധത്തിന്റെ മുന്നണിയില്‍ പ്രവര്‍ത്തിച്ചവരെയും ആദരിക്കുന്നതിന്റെ ഭാഗമായാണ് ദുബായ് റോഡ് ട്രാന്‍സ്‌പോര്‍ട്ട് അതോറിറ്റിയുടെ നടപടി. വാഹനങ്ങള്‍ക്ക് മുകളില്‍ മഞ്ഞ നിറത്തില്‍ ടാക്സി എന്നെഴുതിയ ബോര്‍ഡിന് പകരമായിരിക്കും ഡ്രൈവര്‍മാരുടെ പേര് പ്രദര്‍ശിപ്പിക്കുക. തിരഞ്ഞെടുക്കപ്പെട്ട ഡ്രൈവര്‍മാരുടെ പട്ടികയും സ്റ്റിക്കറും ഫ്രാഞ്ചൈസികള്‍ക്കും ദുബായ് ടാക്സി കോര്‍പറേഷനും ആര്‍ടിഎ കൈമാറി.
Also Read: 
സ്‌പോണ്‍സറെ തലക്കടിച്ച് കൊലപ്പെടുത്തിയ പ്രവാസി ഡ്രൈവര്‍ അറസ്റ്റില്‍
കൊവിഡ് മഹാമാരിയില്‍ ലോകം വിറങ്ങലിച്ചു നിന്ന സമയത്ത് തങ്ങളുടെ സുരക്ഷ പോലും ബലി കഴിച്ച് ആത്മസമര്‍പ്പണത്തോടെ ജോലി ചെയ്ത ഡ്രൈവര്‍മാര്‍ പ്രകടിപ്പിച്ച സാമൂഹിക ഉത്തരവാദിത്തത്തെ അംഗീകരിക്കുകയാണ് ഇതിലൂടെ ആര്‍ടിഎ ചെയ്യുന്നത്.
ഡ്രൈവര്‍മാരുടെ പ്രര്‍ത്തനങ്ങളെ പ്രോത്സാഹിപ്പിക്കാന്‍ തങ്ങള്‍ എന്നും മുന്നിലുണ്ടെന്നും ആര്‍ടിഎ ട്വിറ്റര്‍ സന്ദേശത്തില്‍ പറഞ്ഞു. സത്യസന്ധരായ ഡ്രൈവര്‍മാരെ എല്ലാ മാസവും ആദരിച്ചക്കുന്ന പദ്ധതി ഇതിന്റെ ഭാഗമാണ്. മികച്ച ഡ്രൈവര്‍മാര്‍ക്ക് പ്രോത്സാഹനം നല്‍കുന്നതിന് എല്ലാ വര്‍ഷവും 20 ലക്ഷം ദിര്‍ഹമാണ് മാറ്റിവെക്കുന്നതെന്നും ആര്‍ടിഎ അറിയിച്ചു. മികച്ച ഡ്രൈവര്‍മാരായി തെരഞ്ഞെടുക്കപ്പെടുന്നവര്‍ക്ക് അവരുടെ കുടുംബത്തെ വിസിറ്റ് വിസയില്‍ സൗജന്യമായി കൊണ്ടുവരാനുള്ള അവസരവും ആര്‍ടിഎ നല്‍കാറുണ്ട്.
ശുദ്ധജലത്തിലും വളര്‍ത്താം കണ്ടല്‍; ഇത് നീലേശ്വരത്തെ ‘കര്‍ഷക ശാസ്ത്രജ്ഞ’ൻ്റെ കണ്ടെത്തൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : dubai honours 638 taxi drivers by installing their names atop cabs
Malayalam News from malayalam.samayam.com, TIL Network
