തെന്നിന്ത്യന്‍ സൂപ്പര്‍ നായിക സമാന്ത പ്രഭുവിന്റെ രോഗത്തെക്കുറിച്ച് ഏറെ വേദനയോടെ ആണ് ആരാധകര്‍ അറിഞ്ഞത്. ഇന്‍സ്റ്റഗ്രാമില്‍ താരം പങ്കുവെച്ച കുറിപ്പിലൂടെയാണ് താരത്തിന് മയോസൈറ്റിസ് (Myositis) എന്ന രോഗമാണെന്ന് ആരാധകര്‍ തിരിച്ചറിഞ്ഞത്. എന്താണ് ഈ രോഗമെന്നാണ് പലരും അന്വേഷിക്കുന്നത്. അധികം കേട്ട് പരിചയമില്ലാത്ത ഈ രോഗത്തെക്കുറിച്ച് പലരും വിശദമായി അന്വേഷിക്കുന്നുണ്ട്. പേശികളെ ബാധിക്കുന്ന വീക്കമാണ് ഈ രോഗം. ചികിത്സിച്ച് ഭേദപ്പെടുത്താന്‍ കുറച്ച് സമയമെടുക്കുമെന്നാണ് താരം ആരാധകരെ അറിയിച്ചത്.
പ്രായഭേദമന്യേ എല്ലാവരെയും ബാധിക്കുന്ന രോഗമാണിത്. മുതിര്‍ന്നവര്‍ക്കും കുട്ടികള്‍ക്കുമൊക്കെ ഈ രോഗമുണ്ടാകാനുള്ള സാധ്യതയുണ്ട്. പേശികളുടെ ബലക്കുറവ്, വേദന എന്നിവയാം ഈ രോഗത്തിന്റെ പ്രധാന ലക്ഷണങ്ങള്‍. ഈ രോഗത്തെക്കുറിച്ചും അതിന്റെ പ്രധാന ലക്ഷണങ്ങളെയും ചികിത്സയെക്കുറിച്ചും സീതാറാം ഭാരതിയ ഇന്‍സ്റ്റിറ്റ്യൂട്ട് ആന്‍ഡ് ഹോളി ഫാമിലി ആശുപത്രിയിലെ സീനിയര്‍ ഓര്‍ത്തോപീഡിക് ആന്‍ഡ് ജോയിന്റ് റീപ്ലേസ്‌മെന്റ് സര്‍ജനുമായ ഡോ. ബിരെന്‍ നദ്കര്‍ണി സംസാരിക്കുന്നു.
എന്താണ് ഈ രോഗം?
മയോസൈറ്റിസ് എന്ന് പറയുന്നത് ഒരു സന്ധിവാധ പ്രശ്‌നമാണ് ഈ രോഗം. വാതരോഗ വിദഗ്ധനോ അല്ലെങ്കില്‍ ന്യൂറോളജിസ്റ്റിനോ ആണ് ഈ രോഗത്തിന് ചികിത്സ നല്‍കാന്‍ കഴിയുന്നത്. അതേസമയം, ഓര്‍ത്തോപീഡിക്‌സ് സര്‍ജന് ഈ ചികിത്സയില്‍ പരിമിതമായ പങ്കുമാത്രമേ ഉള്ളൂ.
ഈ രോഗമുണ്ടാകാനുള്ള കൃത്യമായ കാരണം അജ്ഞാതമാണെന്നാണ് ഡോ. ബിരെന്‍ നദ്കര്‍ണി പറയുന്നത്.
ഒരാള്‍ ചലനങ്ങള്‍ക്കായി ഉപയോഗിക്കുന്ന കൈകള്‍, കാലുകള്‍, തോളുകള്‍, ഇടുപ്പ്, നടു എന്നീ ഭാഗങ്ങളിലെ പേശിയെയാണ് ഈ രോഗം ബാധിക്കുന്നത്. രോഗം ഗുരുതരമാകുമ്പോള്‍ അന്നനാളത്തിന്റെ പേശികള്‍ (ഭക്ഷണമിറക്കുന്ന പൈപ്പ്), ഡയഫ്രം, കണ്ണുകള്‍ എന്നിവയെ ഈ രോഗം ബാധിച്ചേക്കാം. രോഗികള്‍ക്ക് സാധാരണയായി ഇരിക്കുന്ന സ്ഥാനത്ത് നിന്ന് എഴുന്നേല്‍ക്കാനും പടികള്‍ കയറാനും സാധനങ്ങള്‍ ഉയര്‍ത്താനും ഇവര്‍ക്ക് ബുദ്ധിമുട്ട് ഉണ്ടാകുമെന്നും ഡോ. ബിരേന്‍ നദ്കര്‍ണി വിശദീകരിച്ചു.
പനി, ഭാരക്കുറവ്, സന്ധി വേദന, ക്ഷീണം, പേശി വേദന തുടങ്ങിയ മയോസിറ്റിസ് ലക്ഷണങ്ങള്‍ പലപ്പോഴും ക്ലിനിക്കല്‍ പരിശോധന, ബ്ലഡ് ചെക്ക് അപ്പ് എംആര്‍ ഇമേജിംഗ്, ഇഎംജി, മസില്‍ ബൈപോസി എന്നിവയിലൂടെ മാത്രമാണ് നിര്‍ണ്ണയിക്കപ്പെടുന്നത്.
Also Read:Samantha Disease: നടി സമാന്തയ്ക്ക് സ്ഥിരീകരിച്ച മയോസിറ്റിസ് എന്ന് രോഗം എന്താണ്? രോഗം കാരണവും ലക്ഷണങ്ങളും അറിയാം..
എന്താണ് ചികിത്സ
സാധാരണയായി, പ്രതിരോധ ശേഷി കുറയ്ക്കുന്ന മരുന്നുകളും സ്റ്റിറോയിഡുകളുമാണ് ഈ രോഗത്തെ ചികിത്സിക്കാന്‍ ഉപയോഗിക്കുന്നത്. ഫിസിയോ തെറാപ്പി, വ്യായാമം, സ്‌ട്രെച്ചിംഗ്, യോഗ എന്നിവയ്ക്കൊപ്പം രോഗ പ്രതിരോധ മരുന്നുകളുമാണ് ഇതിനുള്ള ചികിത്സ. കൃത്യമായി എല്ലാവര്‍ക്കും പ്രവര്‍ത്തിക്കുന്ന ഒരു മെഡിക്കല്‍ ചികിത്സയും ഇല്ല. പേശികളെ വഴക്കമുള്ളതും ശക്തവുമാക്കുകയും പേശികളുടെ അട്രോഫി തടയാനും ഇത് സഹായിക്കുമെന്നും ഡോക്ടര്‍ പറയുന്നു.
‘മെഡിക്കല്‍ ഇടപെടലുകള്‍ക്കും ഫിസിക്കല്‍ തെറാപ്പിക്കും പുറമേ, ശരിയായ പോഷകാഹാരം രോഗത്തെ നിയന്ത്രിക്കുന്നതില്‍ നിര്‍ണായകമാണ്. അതിനാല്‍ നിങ്ങളുടെ ഭക്ഷണക്രമം ശ്രദ്ധയോടെ തിരഞ്ഞെടുക്കണമെന്നും ഡോക്ടര്‍ കൂട്ടിച്ചേര്‍ത്തു.
