തിരസ്‌കാര രൂപത്തിലെത്തുമ്പോഴാണ്
പ്രണയം തിരസ്‌കാര രൂപത്തിലെത്തുമ്പോഴാണ് പലപ്പോഴും മരണം വിരുന്നുകാരനായി ഇടയില്‍ കടന്നു വരുന്നത്. പ്രണയത്തില്‍ നിന്നും ഒരാള്‍ ഒഴിഞ്ഞു പോകാന്‍ ആഗ്രഹിയ്ക്കുമ്പോള്‍, മറ്റേയാള്‍ക്ക് ഇതിന് സമ്മതമല്ലാതെ വരുമ്പോള്‍ ഇവിടെ ഇത് കത്തിയായും ബ്ലേഡായും വിഷമായുമെല്ലാം പ്രതികാര രൂപം പൂണ്ടെത്തുന്നു. ഇത്തരം ധാരാളം സംഭവങ്ങള്‍ നാം കണ്ടു വരുന്നുണ്ട്. പ്രണയത്തില്‍ നിന്നും ഒരാള്‍ പിന്മാറിയാല്‍ പിന്മാറാന്‍ താല്‍പര്യമില്ലാത്തയാള്‍ പ്രതികാരത്തിനായി മറ്റേയാളെ തീര്‍ക്കുന്നു. ഒപ്പം സ്വയമേ എരിഞ്ഞടങ്ങുന്നവരുമുണ്ട്.
സൈക്കോളജി
ഇതിന് ഇതിന്റെ അടുത്ത സൈക്കോളജിയെന്നത് അടര്‍ന്നു മാറാന്‍ തയ്യാറല്ലാത്ത മറ്റേ വ്യക്തിയെ മരണത്തിലൂടെയെങ്കിലും അടര്‍ത്തി മാറ്റി സ്വയം രക്ഷപ്പെടാനുള്ള ത്വരയാണ്. ഇവിടെ ഇതിന് മുതിരുന്നയാള്‍ സ്വാര്‍ത്ഥതയുടെ, സ്വന്തം ഇഷ്ടങ്ങളുടെ മാത്രം കാവല്‍ക്കാരനായി മാറുന്നു. പ്രണയിച്ചയാളെ ഒഴിവാക്കാന്‍ നോക്കിയിട്ട് ഇത് സാധിയ്ക്കാതെ വന്നപ്പോള്‍ അയാളെ വിഷം കൊടുത്ത് ഒഴിവാക്കിയ ഗ്രീഷ്മ എന്ന പെണ്‍കുട്ടി വാര്‍ത്തകളില്‍ നിറയുന്നത് ഇത്തരത്തിലാണ്. ഇതിന് അന്ധവിശ്വാസം പോലുള്ള മറ്റ് കഥകളും വരുന്നുവെങ്കിലും പ്രണയത്തില്‍ നിന്നും പിന്മാറി മറ്റൊരു ജീവിതം നയിക്കാനുളള ശ്രമത്തിന് യുവാവ് തടസമായി വരുന്നുവെന്ന തോന്നലാണ് അടിസ്ഥാന കാരണം അയാളെ എപ്രകാരവും ഒഴിവാക്കി സ്വയം ജീവിതം സുരക്ഷിതമാക്കാനുള്ള താല്‍പര്യം.
പ്രണയം
പ്രണയം ഇരുവരേയും അവസാനിപ്പിയ്ക്കുന്ന ചില സംഭവങ്ങളുമുണ്ട്. ഒരുമിക്കാന്‍ സാധിയ്ക്കില്ലെന്ന് ഉറപ്പായാല്‍ ഒരുമിക്കാന്‍ തടസമായി നില്‍ക്കുന്ന ആളെ അവസാനിപ്പിച്ച് സ്വയമേ അവസാനിപ്പിയ്ക്കുന്ന ത്വര. ഒരുമിച്ച് ജീവിതമില്ലെങ്കില്‍ ഒരുമിച്ച് മരണം എന്ന ചിന്തയും തന്നെ വേണ്ടെന്നു വച്ച അടുത്തയാള്‍ക്ക് തന്റെ കൂടെയല്ലാതെ ജീവിതം വേണ്ടെന്ന സൈക്കോളജിയും ഇതിന് പുറകിലുണ്ട്. ഇതില്‍ രണ്ടാമത്തേതിന് പ്രണയത്തിന്റെ പ്രതികാരവശവും ആദ്യത്തേതിന് പ്രണയത്തിന്റെ തീവ്രതയെന്നോ ചിലപ്പോള്‍ ബുദ്ധിമോശമെന്നോ പേരിട്ടു വിളിയ്ക്കാനാകും.
പ്രണയത്തിലോ അതോ വെറും ഭ്രമത്തിലോ
പലപ്പോഴും തങ്ങള്‍ ചെന്നു പെട്ടിട്ടുള്ളത് പ്രണയത്തിലോ അതോ വെറും ഭ്രമത്തിലോ എന്ന് തിരിച്ചറിയാന്‍ സാധിയ്ക്കാതെ യാഥാര്‍ത്ഥ്യം തിരിച്ചറിയുമ്പോള്‍ പിന്‍മാറേണ്ടി വരുന്ന സാഹചര്യങ്ങളുമുണ്ട്. പ്രത്യേകിച്ചും കൗമാരത്തിലും ചെറുപ്പക്കാര്‍ക്കിടയിലും. പരസ്പരം തോന്നുന്ന ഒരു കൗതുകം, താല്‍പര്യം മാത്രമായിരിയ്ക്കും, പ്രണയമെന്ന പേരില്‍ അവര്‍ മനസിലാക്കി വച്ചിരിയ്ക്കുന്നത്. ഇതിനാല്‍ തന്നെ അല്‍പം പക്വതയോടെ കാര്യങ്ങള്‍ തിരിച്ചറിഞ്ഞു വരുമ്പോള്‍ സ്വയമേ പിന്മാറാന്‍ തയ്യാറാകുന്നവരുണ്ട്. ഇതല്ലാതെ ആത്മാര്‍ത്ഥ പ്രണയമെങ്കില്‍ പോലും മറ്റേയാളുമായി അഭിപ്രായഭിന്നതകള്‍ വരുമ്പോഴും ഒരുമിച്ച് ജീവിയ്ക്കാന്‍ സാധിയ്ക്കില്ലെന്ന് ഉറപ്പു വരുമ്പോഴും അകന്നു മാറുന്നവരുമുണ്ട്. രണ്ടുപേരും ഒരേ രീതിയില്‍ മാറാന്‍ തയ്യാറാകാത്തതും ചിലരില്‍ ഈ ഒഴിഞ്ഞു മാറല്‍ പ്രതികാരമായി മാറുന്നതും ചിലര്‍ അടക്കാനാകാത്ത ദുഖത്താല്‍ ഇത്തരം കടുംകൈകള്‍ പ്രവര്‍ത്തിയ്ക്കുന്നതുമെല്ലാം തന്നെ പ്രണയം ദുരന്തത്തില്‍ ചെന്ന് അവസാനിയ്ക്കുന്നതിന് കാരണമാകുന്നു. ഏതു വിധത്തിലാണെങ്കിലും പ്രണയത്തിന് കണ്ണും കാതുമില്ലെന്ന പഴമൊഴിയെ പ്രസക്തമാക്കിക്കൊണ്ട്. സ്ത്രീയുടെ ദേഷ്യത്തെ പുരുഷന്‍ ഭയക്കുന്ന ആ ശാസ്ത്രം……
