മെക്‌സിക്കോ: മനുഷ്യന്റെ തലയും കടിച്ചുപിടിച്ച് തെരുവില്‍ കൂടെ ഓടുന്ന നായയുടെ ദൃശ്യങ്ങള്‍ സമൂഹമാധ്യമങ്ങളില്‍ വൈറലാകുന്നു. മെക്‌സിക്കോയിലെ സകാറ്റെകാസിലാണ് സംഭവം. രാത്രിയില്‍ മൃതദേഹത്തിന്റെ തലയും കടിച്ചുപിടിച്ച് തെരുവിലൂടെ ഓടുന്ന നായയുടെ ദൃശ്യങ്ങള്‍ ആശങ്ക പടര്‍ത്തുകയാണ്. ഒരു സംഘര്‍ഷം നടന്ന തെരുവിലൂടെയാണ് തലയും കടിച്ചുപിടിച്ച് നായ ഓടിയത്.
കഴിഞ്ഞ ബുധനാഴ്ചയാണ് സംഭവം നടന്നതെന്ന് ഫോക്‌സ് ന്യൂസ് റിപ്പോര്‍ട്ട് ചെയ്യുന്നു. നോര്‍ത്ത് മെക്‌സിക്കോയിലെ സെകാറ്റകാസില്‍ ഏറ്റുമുട്ടല്‍ നടന്ന സ്ഥലത്ത് നിന്നാണ് നായ മനുഷ്യത്തലയുമായി പോകുന്നതെന്ന് റിപ്പോര്‍ട്ടില്‍ ചൂണ്ടിക്കാട്ടുന്നു. മോണ്ടെ എസ്‌കോബെഡോ നഗരത്തിലെ ഒരു എടിഎം ബൂത്തിന് മുമ്പില്‍ കൊലചെയ്യപ്പട്ടയാളുടെ തല ചിലര്‍ ഉപേക്ഷിച്ചെന്നും അടുത്ത തല നിങ്ങളുടേതാണ് എന്ന മുന്നറിയിപ്പ് ബോര്‍ഡ് സ്ഥാപിച്ചെന്നും അധികൃതര്‍ പറയുന്നു. അതുവഴി വന്ന നായ ഇത് കടിച്ചെടുത്ത് ഓടുകയായിരുന്നുവെന്നാണ് റിപ്പോര്‍ട്ടുകള്‍. വളരെ പണിപ്പെട്ടാണ് ഒരു പോലീസ് ഉദ്യോഗസ്ഥന്‍ നായയുടെ വായയില്‍ നിന്നും മനുഷ്യത്തല വേര്‍പെടുത്തിയെടുത്തത്.
ശുചിമുറിയിൽ നിന്നിറങ്ങി വരവേ ആക്രമണം; വൈദികനെ ആറ് തവണ കുത്തി; ഞെട്ടലിൽ മലയാളികൾ
Read Latest World News and Malayalam News
കൊലപ്പെട്ടയാളെ ഇതുവരെ തിരിച്ചറിഞ്ഞില്ല. മറ്റ് ശരീരഭാഗങ്ങള്‍ കണ്ടെത്താനുള്ള ശ്രമത്തിലാണ് അധികൃതര്‍. അപകടകാരികളായ ലഹരി സംഘങ്ങളാണ് കൊലപാതകത്തിന് പിന്നിലെന്നാണ് കരുതുന്നത്. സെകാറ്റെകസില്‍ ചെറുതും വലുതുമായ ലഹരി സംഘങ്ങളുടെ ഏറ്റുമുട്ടലുകള്‍ പതിവാണെന്നാണ് റിപ്പോര്‍ട്ടുകള്‍.
പോലീസ് ജീപ്പിന് കൈകാട്ടി വിദ്യാർഥി ;അമ്പരന്ന് സിഐ
