Also Read: 21 ദിവസം പ്രായമുള്ള കുഞ്ഞിന്റെ വയറ്റിൽ 8 ഭ്രൂണം; ലോകത്ത് തന്നെ ആദ്യം
നാല് പേരടങ്ങുന്ന കുടുംബം ദുബായിൽ നിന്ന് ചില ചടങ്ങുകൾക്കായി ചെന്നൈയിൽ എത്തിയപ്പോഴാണ് ദാരുണ അപകടം ഉണ്ടായത്. ഊരമ്പാക്കം റെയിൽവേസ്റ്റേഷന് സമീപമുളള ആർആർ അപ്പാർട്ട്മെന്‍റിലാണ് അപകടം നടന്നത്. വെങ്കിട്ടരാമൻ എന്ന വീട്ടുടമയുടെ ചരമവാർഷികവുമായി ബന്ധപ്പെട്ടാണ് ബന്ധുക്കൾ ചെന്നൈയിലെ വീട്ടിലെത്തിയത്. അപകടത്തിൽ മരിച്ച രാജ്‌കുമാറിന്‍റെ ഭാര്യ ഭാർഗവി, മകൾ ആരാധന എന്നിവർ ആശുപത്രിയിൽ ചികിത്സയിലാണ്.
ഫ്രിഡ്‌ജ്‌ പൊട്ടിത്തെറിച്ചതിനെ തുടർന്ന് വീടിനുള്ളിൽ നിറഞ്ഞ വിഷവാതകം ശ്വസിച്ചാണ് മൂന്ന് പേരും മരിച്ചതെന്നാണ് പ്രാഥമിക നിഗമനം. ഒരു വർഷം മുൻപ് വെങ്കിട്ടരാമൻ അസുഖത്തെ തുടർന്ന് മരിച്ചതിനാൽ ഭാര്യ ഗിരിജ മകനോടൊപ്പം ദുബായിലേക്ക് താമസം മാറ്റിയിരുന്നു. തുടർന്ന് ഒരു വർഷത്തോളം വീട് പൂട്ടിയിട്ടിരിക്കുകയായിരുന്നു. ഇന്ന് വൈകുന്നേരത്തോടെ ഇവർ ജന്മനാട്ടിലേക്ക് മടങ്ങാനിരിക്കെയാണ് അപകടം സംഭവിച്ചത്. വീട്ടിനുള്ളിൽ എല്ലാവരും ഉറങ്ങി കിടക്കുമ്പോഴാണ് ഫ്രിഡ്‌ജ്‌ പൊട്ടിത്തെറിച്ചത്. വീട്ടിൽ നിന്ന് നിലവിളി കേട്ടതിനെ തുടർന്ന് ഓടിയെത്തിയ അയൽവാസികളാണ് ഭാർഗവിയെയും മകളെയും ആശുപത്രിയിലെത്തിച്ചത്. മൃതദേഹങ്ങൾ പിന്നീട് ചെങ്കല്‍പ്പേട്ട് സർക്കാർ ആശുപത്രിയിലേക്ക് മാറ്റി. അപകടം നടന്ന വീടും പരിസരവും ചെങ്കല്‍പ്പേട്ട് ജില്ലാ കളക്ടർ രാഹുൽ നാഥ്‌ പരിശോധിച്ചു.
Read Latest National News and Malayalam News
റെയിൽവേ ട്രാക്കിൽ കുഴികൾ കണ്ടെത്തിയത് ആശങ്ക പടർത്തി
