വയറിലെ തടിപ്പ് കണ്ടു പരിശോധിച്ചപ്പോൾ 16കാരി ഗർഭിണി; 12 വയസുള്ള സഹോദരൻ കസ്റ്റഡിയിൽ

നോയിഡ: വീട്ടുജോലിക്കാരിയുടെ 16കാരിയായ മകളുടെ വയറിൻ്റെ അസാധാരണ വലുപ്പം കണ്ട് സംശയം തോന്നിയ സ്ത്രീയാണ് കുട്ടിയെ ഡോക്ടറുടെ അടുത്തെത്തിച്ച് പരിശോധിക്കാൻ ആവശ്യപ്പെട്ടത്. എന്നാൽ പരിശോധനയിൽ കണ്ടെത്തിയകട്ടെ പ്രായപൂര്‍ത്തിയാകാത്ത പെൺകുട്ടി ഗര്‍ഭിണിയാണെന്ന്. താനുമായി ലൈംഗികബന്ധത്തിൽ ഏര്‍പ്പെട്ടത് 12 വയസുള്ള അനുജനാണെന്നും കുട്ടി വെളിപ്പെടുത്തി.



ഗ്രേറ്റര്‍ നോയിഡയിലാണ് സംഭവം നടന്നത്. അനുജനും താനും തമ്മിൽ രണ്ട് തവണ ബന്ധപ്പെട്ടിട്ടുണ്ടെന്ന് കുട്ടി അമ്മയോടും ഡോക്ടറോടും വെളിപ്പെടുത്തി. നഗരത്തിൽ വാടകയ്ക്ക് താമസിക്കുന്ന ഏഴംഗ കുടുംബത്തിലാണ് സംഭവം നടന്നത്. ദമ്പതികള്‍ക്ക് മൊത്തം അഞ്ച് കുട്ടികളാണുള്ളത്. കുട്ടികളുടെ അച്ഛൻ നിര്‍മാണ ജോലിക്കാരനാണ്. അമ്മ വീട്ടുജോലിക്കാരിയും. ജോലിയ്ക്കായി പോകുന്ന വീട്ടിലെ സ്ത്രീയാണ് മകളെ ഡോക്ടറുടെ അടുത്തെത്തിക്കാൻ ഉപദേശിച്ചതെന്നാണ് ദേശീയ മാധ്യമങ്ങളുടെ റിപ്പോര്‍ട്ട്.

Also Read: ശിവഗിരി മുൻ മഠാധിപതി സ്വാമി പ്രകാശാനന്ദ അന്തരിച്ചു

മൂന്ന് മാസം മുൻപാണ് സഹോദരൻ തന്നെ ദുരുപയോഗിച്ചതെന്നാണ് കുട്ടി പറയുന്നത്. ചെയ്ത കാര്യത്തിൻ്റെ പ്രത്യാഘാതത്തെപ്പറ്റി കുട്ടികള്‍ക്ക് അറിവില്ലായിരുന്നുവെന്നാണ് റിപ്പോര്‍ട്ടുകള്‍. കുട്ടിയുടെ അവസ്ഥ കണ്ട് ജോലിയ്ക്കെത്തിയ വീട്ടിലെ സ്ത്രീ ചൈൽഡ് ലൈനിൽ വിളിച്ച് വിവരമറിയിക്കുകയും തുടര്‍ന്ന് കേസിൽ അന്വേഷണം നടത്തുകയുമായിരുന്നുവെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു. സംഭവത്തിൻ്റെ ഗൗരവത്തെപ്പറ്റി മാതാപിതാക്കള്‍ക്കും അറിവുണ്ടായിരുന്നില്ല.

സംഭവത്തെപ്പറ്റി കുട്ടി അമ്മയോടു പറഞ്ഞിരുന്നുവെന്നും എന്നാൽ അമ്മ വിഷയം ഗൗരവത്തിൽ എടുത്തില്ലെന്നുമാണ് പോലീസ് പറയുന്നത്. കുട്ടി ഗര്‍ഭിണിയാണെന്ന് കുടുംബത്തിന് അറിയില്ലായിരുന്നുവെന്നും എന്തെങ്കിലും രോഗമായിരിക്കുമെന്നാണ് കരുതിയതെന്നും പോലീസ് പറഞ്ഞു.

Also Read: രക്തം ഹോളണ്ടിലേയ്ക്ക് അയക്കും; ആവശ്യമെങ്കിൽ മുഹമ്മദിൻ്റെ ചികിത്സ യുഎസിൽ; നടപടികൾ തുടങ്ങി

അഞ്ച് മക്കളിൽ രണ്ടാമത്തെ കുട്ടിയാണ് ഗര്‍ഭിണിയായതെന്ന് കേസ് അന്വേഷിക്കുന്ന എസ്ഐ ഉഷാ കുശ്വാഹ പറഞ്ഞു. മൂന്നാമത്തെ കുട്ടിയാണ് കേസിലെ പ്രതി. കൊവിഡ് 19 മൂലം സ്കൂളിൽ ക്ലാസുകള്‍ ഇല്ലാത്തതിനാൽ മുഴുവൻ സമയവും കുട്ടികള്‍ വീട്ടിൽ തന്നെയാണ്. അന്വേഷണത്തിനു ശേഷം ആൺകുട്ടിയെ ചൈൽഡ് വെൽഫെയര്‍ കമ്മിറ്റിയ്ക്ക് മുന്നിൽ ഹാജരാക്കി. നോയിഡ ഫേസ് ടുവിലുള്ള ജുവനൈൽ ഹോമിലേയ്ക്ക് കുട്ടിയെ മാറ്റി. പോക്സോ വകുപ്പുകള്‍ പ്രകാരവും ഐപിസിയിലെ ബന്ധപ്പെട്ട വകുപ്പുകള്‍ പ്രകാരവുമാണ് കേസെടുത്തിട്ടുള്ളത്.