കുഞ്ഞിന് ആരോഗ്യവും സുരക്ഷയും നല്‍കുന്ന ഭക്ഷണങ്ങള്‍ ഗര്‍ഭകാലത്ത് തിരഞ്ഞെടുക്കാന്‍ സ്ത്രീകള്‍ ശ്രദ്ധിക്കേണ്ടത് വളരെ അത്യാവശ്യമാണ്. ഇതിനായി സ്ത്രീകള്‍ മികച്ച ഭക്ഷണങ്ങള്‍ തിരഞ്ഞെടുക്കേണ്ടതുണ്ട്. ഒപ്റ്റിമല്‍ ആരോഗ്യത്തിനായി പോഷകാഹാര കേന്ദ്രീകൃതമായതിനാല്‍ അവ പോഷകങ്ങള്‍ വര്‍ദ്ധിപ്പിക്കുന്ന പ്രധാന വസ്തുക്കളിലൊന്നാണ്. നിങ്ങള്‍ ഗര്‍ഭം ധരിക്കാന്‍ ആഗ്രഹിക്കുന്നുണ്ടെങ്കില്‍ പ്രത്യുല്‍പാദന ശേഷി വര്‍ധിപ്പിക്കാനായി തിരഞ്ഞെടുക്കേണ്ട ചില പ്രധാന ഭക്ഷണങ്ങളിതാ…
Also Read: Pregnancy diabetes: ഗര്‍ഭകാലത്തെ പ്രമേഹത്തെ കരുതലോടെ നേരിടാം
അത്തിപ്പഴം
പോഷകാഹാര വിദഗ്ധരുടെ പട്ടികയിലെ ആദ്യത്തെ സൂപ്പര്‍ഫുഡ് അത്തിപ്പഴമാണ്. ഇന്‍സുലിന്‍ കുറയ്ക്കുന്ന ഗുണങ്ങള്‍ക്ക് പേരുകേട്ട അത്തിപ്പഴം വന്ധ്യതയ്ക്ക് കാരണമാകുന്ന പിസിഒഎസിലും ഗുണം ചെയ്യും. വൈറ്റമിന്‍ എ, ബി 1, ബി 2, കാല്‍സ്യം, അയണ്‍, ഫോസ്ഫറസ്, മാഗനീസ്, പൊട്ടാസ്യം തുടങ്ങിയവയാല്‍ സമ്പുഷ്ടമാണ് അത്തിപ്പഴം.
മാതളം
ആന്റിഓക്‌സിഡന്റുകളും പോഷകങ്ങളാലും സമ്പുഷ്ടമാണ് മാതളം. പൊതുവെ നമ്മുടെ നാട്ടില്‍ വളരെ സുലഭമായി ലഭിക്കുന്ന മാതളനാരങ്ങളയില്‍ വളരെയധികം ഗുണങ്ങള്‍ അടങ്ങിയിട്ടുണ്ട്. ഇതില്‍ അടങ്ങിയിരിക്കുന്ന ഫോളേറ്റ്, സിങ്ക് എന്നിവ സ്ത്രീകളിലും പുരുഷന്മാരിലും പ്രത്യുല്‍പാദനശേഷി വര്‍ധിപ്പിക്കാന്‍ സഹായിക്കും. അണ്ഡകോശങ്ങളെയും ബീജങ്ങളെയും ദോഷകരമായി ബാധിക്കുന്ന ഫ്രീ റാഡിക്കലുകളെ ഇല്ലാതാക്കാന്‍ മാതളം നിങ്ങളെ സഹായിക്കുന്നു. പഴങ്ങള്‍, പച്ചക്കറികള്‍, ധാന്യങ്ങള്‍, പരിപ്പ് തുടങ്ങിയ ഭക്ഷണങ്ങളില്‍ ഈ ഗുണം ചെയ്യുന്ന ആന്റിഓക്സിഡന്റുകള്‍ നിറഞ്ഞിരിക്കുന്നു.
അണ്ടിപരിപ്പ്
അണ്ടിപ്പരിപ്പില്‍ ധാരാളം സിങ്ക് അടങ്ങിയിട്ടുണ്ട്. പ്രത്യുല്‍പാദന ശേഷി വര്‍ധിപ്പിക്കാന്‍ ഏറ്റവും അധികമായി ആവശ്യമുള്ളതാണ് സിങ്ക്. ഇത് കൂടാതെ ഡാര്‍ക് ചോക്ലൈറ്റ്, തൈര്, ഓട്‌സ് എന്നിവയെല്ലാം നിങ്ങളുടെ ഭക്ഷണക്രമത്തില്‍ ഉള്‍പ്പെടുത്താവുന്നതാണ്.
കറുവപ്പട്ട
സ്ത്രീകളുടെ മെറ്റബോളിസത്തിന് ഏറ്റവും അധികം സഹായിക്കുന്നതാണ് കറുവപ്പട്ട. ഇത് കൂടാതെ ആര്‍ത്തവത്തെ കൃത്യമായി നിയന്ത്രിച്ച് പ്രത്യുല്‍പാദനശേഷി കൂട്ടാനും സഹായിക്കും.
പശുവിന്‍ പാല്‍
നല്ല ആരോഗ്യത്തിനുള്ള ഏറ്റവും മികച്ച പാനീയമാണ് പാല്‍. പ്രത്യുല്‍പാദനശേഷി വര്‍ധിപ്പിക്കാനും ഗര്‍ഭകാലത്തും പാല്‍ കുടിക്കുന്നത് വളരെ നല്ലതാണെന്നാണ് ആരോഗ്യ വിദഗ്ധരുടെ അഭിപ്രായം. വൈറ്റമിന്‍ എ, ഡി, ഇ, കെ, കെ2 എന്നിവയെല്ലാം ഇതില്‍ അടങ്ങിയിട്ടുണ്ട്.
