പുതിയ മന്ത്രിമാർ സത്യപ്രതിജ്ഞ ചെയ്യുന്നു; മന്ത്രിസഭയുടെ ഭാഗമാകുന്നത് 43 പേർ

ന്യൂഡൽഹി: മന്ത്രിസഭാ വികസനത്തിന്റെ ഭാഗമായി പുതിയ 43 പേർ മന്ത്രിമാരായി സത്യപ്രതിജ്ഞ ചെയ്തു. കൊവിഡ് പ്രതിരോധത്തിൽ കേന്ദ്രം പരാജയപ്പെട്ടുവെന്ന വിമർശനം ശക്തമായിരിക്കെയാണ് മോദി സർക്കാർ മുഖം മിനുക്കുന്നത്.



മഹാരാഷ്ട്രയിൽ നിന്നുള്ള രാജ്യസഭാംഗവും മഹാരാഷ്ട്ര മുൻ മുഖ്യമന്ത്രിയുമായ നാരായൺ റാണെയാണ് ആദ്യം സത്യപ്രതിജ്ഞ ചെയ്തത്. പിന്നാലെ അസം മുൻ മുഖ്യമന്ത്രി സർബാനന്ദ സോനോവാൾ സത്യപ്രതിജ്ഞ ചെയ്തു. സത്യപ്രതിജ്ഞ തുടരുകയാണ്.

നാരായൺ റാണെ, സർബാനന്ദ സോനോവാൾ, ഡോ. വീരേന്ദ്ര കുമാർ, ജ്യോതിരാദിത്യ സിന്ധ്യ, രാമചന്ദ്ര പ്രസാദ് സിങ്, അശ്വിനി വൈഷ്ണോ, പശുപതി കുമാർ പരസ്, കിരൺ റിജിജു, രാജ് കുമാർ സിങ്, ഹർദീപ് സിങ് പുരി, മൻസുക് മന്ദാവിയ, ഭൂപേന്ദർ യാദവ്, പർഷോത്തം റുപാല, ജി കിഷൻ റെഡ്ഡി, അനുരാഗ് സിങ് ഠാക്കൂർ, പങ്കജ് ചൗധരി, അനുപ്രിയ സിങ് പട്ടേൽ, ഡോ. സത്യപാൽ സിങ് ബാഗേൽ, രാജീവ് ചന്ദ്രശേഖർ. ശോഭ കരന്ദലാജെ, ഭാനു പ്രതാപ് സിങ് വർമ, ദർശന വിക്രം ജർദോഷ്, മീനാക്ഷി ലേഖി, അന്നപൂർണ ദേവി, എ. നാരായണ സ്വാമി, കൗശൽ കിഷോർ‌, അജയ് ഭട്ട്, ബി.എൽ. വർമ, അജയ് കുമാർ, ചൗഹാൻ ദേവ്സിൻഹ്, ഭഗ്‍വന്ദ് ഖുബ, കപിൽ മൊറേശ്വർ പാട്ടീൽ, പ്രതിമ ഭൗമിക്, ഡോ. ശുഭാസ് സർക്കാർ, ഡോ.ഭഗ്‍വദ് കിഷന്‍‍റാവു കരദ്, ഡോ. രാജ്കുമാർ രഞ്ജൻ സിങ്, ഡോ. ഭാരതി പ്രവീൺ പവാർ, ബിശ്വേശ്വർ തുഡു, ശന്തനു ഠാക്കൂർ, ഡോ. മു‍ഞ്ചപര മഹേന്ദ്രഭായ്, ജോൺ ബർല, ഡോ. എൽ. മുരുകൻ, നിഷിധ് പ്രമാണിത് എന്നിവരാണ് മന്ത്രിസഭയുടെ ഭാഗമാകുന്നത്.

അതേസമയം 12 പേർക്കാണ് കേന്ദ്ര മന്ത്രി സഭയിൽ നിന്നും രാജിവെക്കേണ്ടി വന്നത്. സദാനന്ദ ഗൗഡ, രവിശങ്കർ പ്രസാദ്, തവർചന്ദ് ഗെഹ്‍ലോട്ട്, രമേശ് പൊക്രിയാൽ, ഹർഷ വ‍ർദ്ദൻ, പ്രകാശ് ജാവദേക്കർ, സന്തോഷ് ഗംഗ്‌വാർ, ദേബശ്രീ ചൗധരി, സഞ്ജയ് ധോത്ത്രേ, പ്രതാപ് സാരംഗി, ബാബുൽ സുപ്രിയോ, രത്തൻ ലാൽ, എന്നിവരാണ് മന്ത്രിസഭയിൽ നിന്നും പുറത്തായത്.