‘നിധി കണ്ടെത്താന്‍ മന്ത്രവാദി പറഞ്ഞ വഴി’; അമ്മയും മകളും ചേര്‍ന്ന് അയൽവക്കത്തെ അഞ്ച് വയസുകാരിയെ കൊന്നു

കാൻപുർ: നിധി കണ്ടെത്താനെന്ന പേരിൽ അയൽവക്കത്തെ അഞ്ച് വയസുകാരിയെ അമ്മയും മകളും ചേർന്ന് കൊലപ്പെടുത്തി. ഉത്തർപ്രദേശിലെ ബാണ്ട ജില്ലയിലാണ് ഞെട്ടിക്കുന്ന സംഭവം നടന്നത്. മന്ത്രവാദിയുടെ വാക്ക് കേട്ട് അമ്മയും മകളും ചേർന്ന് കുട്ടിയെ ബലി നൽകുകയായിരുന്നെന്നാണ് റിപ്പോർട്ട്.



കോട്‍വാലി പോലീസ് സ്റ്റേഷൻ പരിധിയിലെ ഒരു ഗ്രാമത്തിലാണ് സംഭവമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്തു. കുട്ടിയെ ബലിനൽകിയാൽ കുഴിച്ചിട്ടിരിക്കുന്ന നിധി ലഭിക്കുമെന്ന് മന്ത്രവാദി പ്രതിയോട് പറഞ്ഞിരുന്നു. ഈ വാക്ക് വിശ്വസിച്ചാണ് ഇവർ കൃത്യം നടത്തിയതെന്നാണ് പോലീസ് പറയുന്നത്.

വയറിലെ തടിപ്പ് കണ്ടു പരിശോധിച്ചപ്പോൾ 16കാരി ഗർഭിണി; 12 വയസുള്ള സഹോദരൻ കസ്റ്റഡിയിൽ

മന്ത്രവാദി പറഞ്ഞതിനനുസരിച്ച് കുട്ടിയെ ബലി നൽകാൻ തീരുമാനിച്ച സ്ത്രീ തന്‍റെ മകൾക്കൊപ്പം ചേർന്നാണ് പദ്ധതി തയ്യാറാക്കുന്നത്. തുടർന്ന് അയൽവക്കത്തെ അഞ്ചുവയസുകാരിയെ തട്ടിക്കൊണ്ടുപോയ ഇവർ കഴുത്തുമുറിച്ചാണ് കൃത്യം നടത്തിയത്. കുട്ടിയെ കാണാതായതോടെ അമ്മ പോലീസിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിലാണ് കൊലപാതകത്തിന്‍റെ ചുരുളഴിയുന്നത്.

കുട്ടിയുടെ തിരോധനവുമായി ബന്ധപ്പെട്ട് അന്വേഷണം നടത്തിയ പോലീസ് പ്രതിയായ സ്ത്രീയുടെ പ്രായപൂർത്തിയാകാത്ത മകനെ ചോദ്യം ചെയ്തിരുന്നു. ഈ കുട്ടിയിൽ നിന്നാണ് അന്വേഷണ സംഘത്തിന് നിർണായക വിവരങ്ങൾ ലഭിക്കുന്നത്. അമ്മയും സഹോദരിയും ചേര്‍ന്ന് കുട്ടിയെ തട്ടിയെടുത്തെന്നും വലിച്ചെറിഞ്ഞെന്നുമാണ് കുട്ടി പറഞ്ഞത്.

സിബിഐ ഓഫീസർ ചമഞ്ഞു; ബ്രിക്സിൽ മോദിയ്ക്കൊപ്പമുണ്ടായിരുന്ന അഭിഭാഷകൻ ആൾമാറാട്ടത്തിന് അറസ്റ്റിൽ

അഞ്ച് വയസുകാരിയുടെ മൃതദേഹം പോസ്റ്റുമോര്‍ട്ടത്തിന് അയച്ചെന്നും കഴുത്തിൽ മുറിവുകൾ കണ്ടെത്തിയതായും പോലീസ് പറഞ്ഞു. പ്രതികളെ കസ്റ്റഡിയിലെടുത്തെന്നും വിശദമായ അന്വേഷണം നടത്തുമെന്നും ഇൻസ്പെക്ടർ വ്യക്തമാക്കി. കൊല്ലപ്പെട്ട കുട്ടിയുടെ അച്ഛൻ പത്ത് ദിവസങ്ങൾക്ക് മുമ്പ് മരിച്ചിരുന്നെന്നാണ് റിപ്പോർട്ട്. അസുഖ ബാധിതനായിരുന്നു ഇയാൾ.