കൂട്ടവധശിക്ഷയ്‌ക്കെതിരേ അന്താരാഷ്ട്ര പ്രതിഷേധം; ആഭ്യന്തര കാര്യങ്ങളില്‍ ഇടപെടല്‍ വേണ്ടെന്ന് കുവൈറ്റ്

Also Read: ഖത്തര്‍ ലോകകപ്പ് അറബ് ലോകത്തിന്റെ മൊത്തം അഭിമാനമെന്ന് ദുബായ് ഭരണാധികാരി ഷെയ്ഖ് മുഹമ്മദ്

ആഭ്യന്തര കാര്യങ്ങളില്‍ ഇടപെടരുതെന്ന് കുവൈറ്റ്

അതേസമയം, യൂറോപ്യന്‍ യൂണിയന്റെ നിലപാടിനെ ശക്തമായ ഭാഷയില്‍ വിമര്‍ശിച്ച് കുവൈറ്റ് വിദേശകാര്യ മന്ത്രി ശെയ്ഖ് സാലിം അബ്ദുല്ല അല്‍ ജാബര്‍ അല്‍ സബാഹ് രംഗത്തെത്തി. രാജ്യത്തിന്റെ ആഭ്യന്തര കാര്യങ്ങളില്‍ ഇടപെടാല്‍ സുഹൃത്തുക്കള്‍ എന്ന് വിശേഷിപ്പിക്കപ്പെടുന്ന രാജ്യങ്ങളായാല്‍ പോലും അവകാശമില്ലെന്ന് അദ്ദേഹം പറഞ്ഞു. നീതിന്യായ നടപടികളെ രാഷ്ട്രീയവത്കരിക്കുന്നതില്‍ നിന്നും യൂറോപ്യന്‍ രാജ്യങ്ങള്‍ വിട്ട് നില്‍ക്കണമെന്നും വിദേശകാര്യ മന്ത്രി ആവശ്യപ്പെട്ടു. കുവൈറ്റ് ഒരു ജനാധിപത്യ രാഷ്ട്രമാണ്. കോടതി തീരുമാനങ്ങളില്‍ ഭരണകൂടം കൈകടത്താറില്ല. ജുഡീഷ്യല്‍ സംവിധാനങ്ങള്‍ എടുക്കുന്ന തീരുമാനങ്ങള്‍ ആഭ്യന്തരമായോ വിദേശത്തോ യാതൊരു ഇടപെടലും കൂടാതെ സ്വതന്ത്രമാണെന്നും മന്ത്രി ചൂണ്ടിക്കാട്ടി.

തൂക്കിലേറ്റപ്പെട്ടത് നാല് സ്വദേശികളും മൂന്ന് വിദേശികളും

അഞ്ച് വര്‍ഷത്തെ ഇടവേളക്ക് ശേഷമാണ് കുവൈറ്റ് ഒരുമിച്ച് ഏഴ് പേരെ കഴിഞ്ഞ ദിവസം വധശിക്ഷക്ക് വിധേയമാക്കിയത്. നാല് കുവൈറ്റ് പൗരന്‍മാരും പാകിസ്താന്‍, സിറിയ, എത്യോപ്യ എന്നിവിടങ്ങളില്‍ നിന്നുള്ള ഓരോരുത്തരും അടക്കം ഏഴു പേരെയാണ് കുവൈറ്റ് പബ്ലിക് പ്രൊസിക്യൂഷന്റെ നേതൃത്വത്തില്‍ വധിച്ചത്. കുവൈറ്റ് പൗരന്‍മാരായ ഖാലിദ് സാദ് മുഹമ്മദ് അല്‍ ഖഹ്താനി, അല്‍ ജാബിരി, റബാബ് അദ്‌ലി മുസ്തഫ ഷെഹാദ, മിഷാന്‍ മുഹമ്മദ് മുത്ലഖ് അല്‍-ഒതൈബി, സിറിയന്‍ പൗരന്‍ ഹമദ് അഹമ്മദ് മഹ്മൂദ് അല്‍ ഖലഫ്, പാകിസ്താന്‍ പൗരന്‍ ആഷിദ് അഹമ്മദ് നസീര്‍ മഹ്മൂദ്, എത്യോപ്യന്‍ സ്വദേശി ഐഷ നെമോ വിസോ എന്നിവര്‍ക്കെതിരായ വധശിക്ഷയാണ് കഴിഞ്ഞ ദിവസം നടപ്പിലാക്കിയത്. കൊലപാതകം, തോക്കുകളും വെടിക്കോപ്പുകളും കൈവശം വയ്ക്കല്‍, പൊതുസ്ഥലത്ത് ലഹരിപാനീയം ഉപയോഗിക്കല്‍, വിവാഹേതര ലൈംഗിക ബന്ധം, തട്ടിക്കൊണ്ടുപോകല്‍, മോഷണം തുടങ്ങിയ കുറ്റകൃത്യങ്ങളുടെ പേരിലായിരുന്നു ശിക്ഷ.

Read Latest Gulf News and Malayalam News