Also Read: Acne: സൗന്ദര്യ ഉത്പ്പന്നങ്ങളിലെ ഈ ചേരുവകള്‍ മുഖക്കുരുവിന് കാരണമായേക്കും
തക്കാളി
കറികളില്‍ സ്വാദ് കൂട്ടാന്‍ വേണ്ടി മാത്രമല്ല, മുഖം തിളങ്ങാന്‍ തക്കാളി ഏറ്റവും മികച്ചൊരു പരിഹാര മാര്‍ഗമാണ്. ചര്‍മ്മത്തിലെ കരുവാളിപ്പ് അകറ്റാന്‍ തക്കാളി ഫലപ്രദമായി ഉപയോഗിക്കാം. ചര്‍മ്മത്തിലെ എണ്ണമയവും തുറന്ന സുഷിരങ്ങളും കുറയ്ക്കുന്നതിന് തക്കാളി ഒരു ഉത്തമ പ്രതിവിധി ആണ്. ചര്‍മ്മം മോയ്‌സ്ചറൈസ് ചെയ്യാനും കൂടുതല്‍ സോഫ്റ്റ് ആകാനും ഇത് നല്ലൊരു മാര്‍ഗ്ഗമാണ്.
പഞ്ചസാര
സൂര്യതാപം, പൊടി, മലിനീകരണം തുടങ്ങിയ പ്രശ്‌നങ്ങളെല്ലാം ദൈനംദിന ജീവിതത്തിന്റെ ഭാഗമായി മാറി കൊണ്ടിരിക്കുകയാണ്. ഇത് ചര്‍മ്മ കോശങ്ങളെ നിര്‍ജ്ജീവമാക്കി ബ്ലാക്ക് ഹെഡ്‌സ്, ടാന്നുകള്‍ തുടങ്ങിയ ലക്ഷണങ്ങള്‍ക്ക് കാരണമാകുകയും ചെയ്യുന്നു. ഇത്തരത്തില്‍ കേടായ ചര്‍മ്മ കോശങ്ങളെ ഇല്ലാതാക്കാന്‍ സഹായിക്കുകയും ചര്‍മ്മത്തിന്റെ ആരേഗ്യം മെച്ചപ്പെടുത്താന്‍ എക്‌സ്‌ഫോളിയിറ്റേഷനിലൂടെ കഴിയും. നമ്മുടെ അടുക്കളയില്‍ ലഭിക്കുന്ന ഏറ്റവും നല്ല എക്‌സ്‌ഫോളിയേറ്ററാണ് പഞ്ചസാര. പഞ്ചസാര എക്‌സ്‌ഫോളിയേറ്റ് ചെയ്യാന്‍ മികച്ചതാണെന്ന് എല്ലാവര്‍ക്കുമറിയാം. പഞ്ചസാരയില്‍ ഗ്ലൈക്കോളിക് ആസിഡ് അടങ്ങിയിട്ടുണ്ട്. ഇതൊരു മികച്ച എക്‌സ്‌ഫോളിയേറ്ററാണ്. ഗ്ലൈക്കോളിക് ആസിഡ് ചര്‍മ്മത്തിന്റെ പുനരുജ്ജീവന പ്രവര്‍ത്തനത്തെ ഉത്തേജിപ്പിക്കുകയും സൂര്യപ്രകാശം ചര്‍മ്മത്തില്‍ വരുത്തുന്ന വാര്‍ദ്ധക്യ ലക്ഷണങ്ങളെ കുറയ്ക്കുകയും ചെയ്യുന്നു.
മഞ്ഞള്‍ പൊടി
ചര്‍മ്മത്തിന്റെ എല്ലാ ്പ്രശ്‌നങ്ങള്‍ക്കും പരിഹാരം കാണാന്‍ മഞ്ഞളിന് കഴിയും. പണ്ട് കാലങ്ങളില്‍ ആളുകള്‍ എല്ലാ പ്രശ്‌നങ്ങള്‍ക്കും പരിഹാരം ലഭിക്കാനായി ഏറ്റവും കൂടുതല്‍ ഉപയോഗിച്ചിരുന്നതാണ് മഞ്ഞള്‍. ഇതൊരു പ്രകൃതിദത്തമായ ഔഷധമാണ്. മഞ്ഞള്‍ ഒരു ആന്റി ബാക്ടീരിയല്‍ ഘടകം കൂടിയാണ്, ഇത് ബാക്ടീരിയകള്‍ അടിഞ്ഞുകൂടിയത് മൂലം സുഷിരങ്ങള്‍ അടഞ്ഞുപോകുന്നത് തടയുന്നു.
ഇതുകൊണ്ടുതന്നെ മുഖക്കുരവടക്കമുള്ള പല ചര്‍മപ്രശ്നങ്ങള്‍ക്കും ഇത ഉത്തമ ഉപാധിയുമാണ്.ചര്‍മത്തിന് നിറം വര്‍ദ്ധിപ്പിയ്ക്കുമന്ന് അവകാശപ്പെട്ടിറങ്ങുന്ന മിക്കവാറും ക്രീമുകളില്‍ മഞ്ഞള്‍ പ്രധാന ചേരുവയാണ്.
എങ്ങനെയാണ് ചെയ്യേണ്ടതെന്ന് നോക്കാം..
ഒരു തക്കാളിയെടുത്ത് രണ്ടായി മുറിക്കുക. ഇതില്‍ ഒരു കഷണം തക്കാളിയെടുത്ത് അതില്‍ പഞ്ചസാര മുക്കുക. അതിന് ശേഷം തക്കാളിയില്‍ പഞ്ചസാര മുക്കിയ ഭാഗം വച്ച് മുഖത്ത് നന്നായി ഉരയ്ക്കുക. വലിയ കഷണങ്ങളുള്ള പഞ്ചസാരയാണെങ്കില്‍ സൂക്ഷിച്ച് വേണം ഉരയ്ക്കാന്‍. ഇത് ഒരു മികച്ച് എക്‌സ്‌ഫോളിയേറ്ററാണ്.
ഇതിന് ശേഷം അടുത്ത കഷണം തക്കാളി മഞ്ഞള്‍ പൊടിയില്‍ മുക്കിയ ശേഷം വീണ്ടും മുഖത്ത് ഉരയ്ക്കണം. പഞ്ചസാര കഴുകി കളയേണ്ട ആവശ്യമില്ല. തക്കാളി നീര് മുഖത്തിന് നിറം നല്‍കാന്‍ വളരെയധികം സഹായിക്കും. ഒരു 15 മിനിറ്റ് ഇങ്ങനെ ചെയ്ത ശേഷം 10 മിനിറ്റ് കഴിഞ്ഞ് സാധാരണ വെള്ളത്തില്‍ കഴുകി കളയാം.
