Sumayya P | Samayam Malayalam | Updated: 08 Jul 2021, 11:18:18 AM
വജ്രവും മറ്റ് അമൂല്യ രത്നാഭരണങ്ങളും നിര്‍മിക്കാന്‍ സൗകര്യമുള്ള പുതിയ ആഭരണ നിര്‍മാണ ശാല ഖത്തറിലെ ഇത്തരത്തിലുള്ള ആദ്യത്തെ കേന്ദ്രമാകും.
ദോഹ: ഖത്തറില്‍ മലബാര്‍ ഗോള്‍ഡ് ആന്റ് ഡയമണ്ട്സിന്റെ വിശാലമായ ആഭരണ നിര്‍മാണ ഫാക്ടറി വരുന്നു. ആഭരണ നിര്‍മാണ കേന്ദ്രത്തിന്റെ ശിലാസ്ഥാപനം ഷെയ്ഖ് ഹമദ് നാസര്‍ അല്‍താനി, ഷെയ്ഖ് അബ്ദുല്ല നാസര്‍ അല്‍താനി എന്നിവര്‍ ചേര്‍ന്ന് നിര്‍വഹിച്ചു. ഖത്തറിലെ മനാത്തിക്ക് എക്കണോമിക് സോണിലെ ബിര്‍ക്കത്ത് അല്‍ അവാമര്‍ ലോജിസ്റ്റിക് പാര്‍ക്കില്‍ ലീസിന് എടുത്ത സ്ഥലത്ത് 3,000 ചതുരശ്ര മീറ്റര്‍ വിസ്തീര്‍ണത്തിലാണ് ആഭരണനിര്‍മാണ ശാല ഉയരുന്നത്. 2022 ജൂലൈയോടെ ആഭരണ നിര്‍മാണശാല പ്രവര്‍ത്തനമാരംഭിക്കും. തറക്കല്ലിടല്‍ ചടങ്ങില്‍ മലബാര്‍ ഗോള്‍ഡ് റീജ്യണല്‍ ഹെഡ് ടി വി സന്തോഷ്, സോണല്‍ ഹെഡ് ടി നൗഫല്‍, എ കെ ഉസ്മാന്‍ എന്നിവര്‍ സന്നിഹിതരായിരുന്നു.
പ്രതിവര്‍ഷം 5,000 കിലോ സ്വര്‍ണാഭരണം നിര്‍മിക്കും
പുതിയ ആഭരണ നിര്‍മാണ ശാലയില്‍ നിന്ന് പ്രതിവര്‍ഷം 5,000 കിലോഗ്രാം സ്വര്‍ണാഭരണം നിര്‍മിക്കാനാകുമെന്നാണ് കണക്കാക്കപ്പെടുന്നത്. കാസ്റ്റിംഗ്, സിഎന്‍സി, കാഡ്-ക്യാം ത്രീഡി പോലുള്ള പുതിയ സാങ്കേതികവിദ്യകള്‍ ഉപയോഗപ്പെടുത്തി ഉയര്‍ന്ന നിലവാരവും രൂപഭംഗിയുമുള്ള വൈവിധ്യമാര്‍ന്ന സ്വര്‍ണാഭരണങ്ങള്‍ ഇവിടെ നിര്‍മിക്കും. സിഎന്‍സി കട്ടിംഗ്, മാലകള്‍, പാദസരങ്ങള്‍, മോതിരങ്ങള്‍, വളകള്‍, 22 കാരറ്റിലും 24 കാരറ്റിലുമുള്ള സ്വര്‍ണ നാണയങ്ങള്‍, കുവൈത്തി നെക്ലേസ് തുടങ്ങിയവ നിര്‍മിക്കുന്നതിനുള്ള പ്രത്യേക വിഭാഗങ്ങള്‍ ഇവിടെ പ്രവര്‍ത്തിക്കും.
200ഓളം പേര്‍ക്ക് തൊഴിലവസരങ്ങള്‍
വജ്രവും മറ്റ് അമൂല്യ രത്നാഭരണങ്ങളും നിര്‍മിക്കാന്‍ സൗകര്യമുള്ള പുതിയ ആഭരണ നിര്‍മാണ ശാല ഖത്തറിലെ ഇത്തരത്തിലുള്ള ആദ്യത്തെ കേന്ദ്രമാകും. 2013 മുതല്‍ ഖത്തറില്‍ പ്രവര്‍ത്തിച്ചുവരുന്ന നിലവിലുള്ള കേന്ദ്രത്തിന് പുറമെയാണിത്. 50 വിദഗ്ധരായ ആഭരണ നിര്‍മാണത്തൊഴിലാളികള്‍ ജോലി ചെയ്യുന്ന നിലവിലുള്ള ഫാക്ടറിയില്‍ നിന്ന് പ്രതിവര്‍ഷം 1200 കിലോ ആഭരണമാണ് നിര്‍മിക്കുന്നത്. പുതിയ ഫാക്ടറി 200ഓളം പുതിയ തൊഴിലവസരങ്ങള്‍ സൃഷ്ടിക്കും. പ്രകൃതി സൗഹൃദ രീതിയിലായിരിക്കും നിര്‍മാണ ശാലയുടെ രൂപകല്‍പ്പനയെന്നും അധികൃതര്‍ അറിയിച്ചു. ഇന്ത്യയുള്‍പ്പെടെയുള്ള 10 രാജ്യങ്ങളിലായി 260 ഔട്ട് ലെറ്റുകളുള്ള മലബാള്‍ ഗോള്‍ഡിന് മിഡിലീസിറ്റില്‍ മാത്രം 14 ആഭരണ നിര്‍മാണ യൂനിറ്റുകളും 14 ഹോള്‍സെയില്‍ യൂനിറ്റുകളുമുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : malabar gold and diamonds to open new manufacturing facility in qatar
Malayalam News from malayalam.samayam.com, TIL Network
