പുതിയ ഗവർണർമാരായി സ്ത്രീകളാരും ഇല്ലാത്തതെന്തേ? ചോദ്യമുയർത്തി ഖുശ്ബു

ചെന്നൈ: പുതുതായി എട്ട് സംസ്ഥാനങ്ങളിൽ ഗവര്‍ണര്‍മാരെ നിയമിച്ച കേന്ദ്രസര്‍ക്കാര്‍ നടപടിയ്ക്കു പിന്നാലെ വിമര്‍ശനവുമായി നടിയും ബിജെപി നേതാവുമായ ഖുശ്ബു. എട്ട് ഗവര്‍ണര്‍മാരെ നിയമിച്ചിട്ടും ഇതിൽ ഒരു സ്ത്രീ പോലും ഇല്ലാത്തത് എന്തുകൊണ്ടാണെന്നാണ് ഖുശ്ബുവിൻ്റെ ചോദ്യം. രാഷ്ട്രപതി രാം നാഥ് കോവിന്ദിനോടായിരുന്നു ഖുശ്ബുവിൻ്റെ ചോദ്യം.



കര്‍ണാടക, മധ്യപ്രദേശ്, ഹരിയാന, ത്രിപുര, മിസോറാം, ഹിമാചൽ പ്രദേശ്, ഗോവര്‍ധൻ എന്നിവിടങ്ങളിലാണ് പുതിയ ഗവര്‍ണര്‍മാരുടെ നിയമനം. മിസോറം ഗവര്‍ണറായ ശ്രീധരൻ പിള്ളയെ ഗോവര്‍ധനിലേയ്ക്ക് മാറ്റുകയായിരുന്നു. ഹരിബാബു കമ്പംപട്ടിയാണ് പുതിയ മിസോറം ഗവര്‍ണര്‍. താവര്‍ ഹന്ദ് ഗെലാദ് ആണ് പുതിയ കര്‍ണാടക ഗവര്‍ണര്‍. ബന്ധരു ദത്തത്രേയ, രാജേന്ദ്രൻ വിശ്വനാഥ്, മങ്കുബായ് സഹൻബായ് എന്നിവരാണ് പുതുതായി ചുമതലയേറ്റ മറ്റു ഗവര്‍ണര്‍മാര്‍. ഇതിനു പിന്നാലെയാണ് ഖുശ്ബുവിൻ്റെ പ്രതികരണം.

Also Read: ‘അത് സിപിഎമ്മിന്‍റെ ആഭ്യന്തര കാര്യം’; പാലാ തോൽവിയിലെ അന്വേഷണത്തിൽ പ്രതികരണവുമായി ജോസ് കെ മാണി

“ബഹുമാനപ്പെട്ട രാഷ്ട്രപതിയോട് എനിക്കൊരു ചോദ്യം ചോദിക്കാനുണ്ട്. ഒരു സംസ്ഥാനത്തും ഗവര്‍ണറാക്കാൻ പറ്റിയ ഒരു സ്ത്രീയെപ്പോലും താങ്കള്‍ക്ക് കണ്ടെത്താൻ കഴിഞ്ഞില്ലേ? എന്തുകൊണ്ടാണ് ഈ അവഗണന? താങ്കളിൽ നിന്നുണ്ടായ ഈ നടപടിയിൽ ഏറെ വേദനയുണ്ട്. ഇത് താങ്കളെ വേദനിപ്പിക്കുന്നില്ലെന്നു കരുതുന്നു.” ഖുശ്ബു ട്വീറ്റ് ചെയ്തു.

Also Read: ഓണത്തിന് എല്ലാ കാര്‍ഡുടമകള്‍ക്കും സ്‌പെഷ്യല്‍ കിറ്റ്; റേഷൻ വ്യാപാരികൾക്ക് ഇൻഷുറൻസ് പരിരക്ഷ

കഴിഞ്ഞ വര്‍ഷം ഒക്ടോബറിലാണ് കോൺഗ്രസ് നേതാവായിരുന്ന ഖുശ്ബു പദവിയും കോൺഗ്രസ് അംഗത്വവും രാജിവെച്ച് ബിജെപിയിൽ ചേര്‍ന്നത്. തമിഴ്നാട് നിയമസഭാ തെരഞ്ഞെടുപ്പിൽ മത്സരിച്ചിരുന്നെങ്കിലും തൗസൻ്റ് ലൈറ്റ്സ് മണ്ഡലത്തിൽ നിന്നു പരാജയപ്പെട്ടിരുന്നു.