ചെമ്പരത്തി എണ്ണ
മുടിയുടെയും തലയോട്ടിയുടെയും ആരോഗ്യത്തിനും മുടിവളർച്ചയെ പ്രോത്സാഹിപ്പിക്കുന്നതിനുമായി നിങ്ങൾക്ക് എളുപ്പത്തിലൊരു ചെമ്പരത്തി ഹെയർ ഓയിൽ തയ്യാറാക്കാം. ഇത് പതിവായി നിങ്ങളുടെ തലമുടിയിൽ ഉപയോഗിക്കുന്നത് വഴി നിങ്ങളുടെ തലമുടിക്ക് മുകളിൽ പറഞ്ഞ എല്ലാ ഗുണങ്ങളും നൽകും. മുടി വേരുകളിൽ ആഴത്തിലുള്ള പോഷണം നൽകാനും രക്തചംക്രമണം മെച്ചപ്പെടുത്താനുമെല്ലാമായി നിങ്ങൾക്ക് ആഴ്ചയിൽ മൂന്ന് തവണ വരെ ഈ എണ്ണ ഉപയോഗിച്ച് മുടിയിൽ മസാജ് ചെയ്യാം.
ഈ സവിശേഷ ഹെയർ ഓയിൽ തയ്യാറാക്കാനായി 8 ചെമ്പരത്തി പൂവിതളുകളും 8 ചെമ്പരത്തി ഇലകളും എടുത്ത് നന്നായി അരച്ചെടുക്കുക. ഒരു കപ്പ് വെളിച്ചെണ്ണ ചൂടാക്കി അതിലേക്ക് ഈ പേസ്റ്റ് ചേർക്കുക. ഈ മിശ്രിതം നന്നായി ചൂടാക്കി തണുക്കാൻ മാറ്റിവയ്ക്കുക. തണുത്തു കഴിഞ്ഞാൽ ഏറ്റവും ഫലപ്രദമായ നിങ്ങളുടെ ചെമ്പരത്തി ഹെയർ ഓയിൽ ഉപയോഗിക്കാൻ തയ്യാറാണ്. നിങ്ങളുടെ തലയോട്ടിയിൽ ഏകദേശം 10 മിനിറ്റ് നേരം ഈ എണ്ണ ഉപയോഗിച്ച് മസാജ് ചെയ്യുക. മികച്ച ഫലങ്ങൾ ലഭിക്കാനായി ഏകദേശം 30 മിനിറ്റ് സൂക്ഷിക്കുക. അതിനുശേഷം, മൃദുവായ എന്തു ഷാംപൂ ഉപയോഗിച്ച് മുടിയും തലയോട്ടിയും കഴുകുക. ഭാവിയിലെ ഉപയോഗിക്കാനായി ഇത് കുപ്പിയിലേക്ക് പകർത്തി അടച്ചുവെച്ച് സൂക്ഷിക്കാം.
മുടി വൃത്തിയാക്കാൻ
മുടിയെ ശുദ്ധീകരിക്കാനും അതുപോലെ പരിപോഷിപ്പിക്കാനുമായി ചെമ്പരത്തി കൊണ്ടുള്ള മറ്റൊരു മികച്ച മാർഗം അത് ഷാംപൂ രൂപത്തിലാക്കി ഉപയോഗിക്കുകയാണ്. ചെമ്പരത്തി ഇലകളും പൂക്കളും ചേർത്ത് തയ്യാറാക്കുന്ന ഷാംപൂ മറ്റുള്ളവയിൽ നിന്ന് വ്യത്യസ്തമായി മുടി പൊട്ടിപോകുന്നത് കുറയ്ക്കാനും മുടിയെ ശുദ്ധീകരിക്കാനും സഹായിക്കുന്നു.
നിങ്ങൾക്ക് വീട്ടിൽ തന്നെ സ്വന്തമായി ചെമ്പരത്തി ഉപയോഗിച്ചുകൊണ്ടുള്ള ഷാംപൂ തയ്യാറാക്കാവുന്നതേയുള്ളൂ. ഇതിനായി 15 ചെമ്പരത്തി ഇലകളും 5 ചെമ്പരത്തി പുഷ്പങ്ങളും എടുക്കുക. ഇവ ഒരു പാത്രത്തിലിട്ട് അല്പം വെള്ളത്തോടൊപ്പം ചേർത്ത് തിളപ്പിച്ചെടുക്കുക. ഈ പേസ്റ്റിലേക്ക്, നന്നായി പൊടിച്ചെടുത്ത കടലമാവ് ചേർത്ത് നന്നായി കൂട്ടിയോജിപ്പിക്കുക. മുടിക്ക് ഏറ്റവും നല്ല ഗുണങ്ങളെ നൽകാൻ ശേഷിയുള്ള നിങ്ങളുടെ ഷാംപൂ തയ്യാറായിക്കഴിഞ്ഞു. മറ്റു ഷാംപൂവുകളെപ്പോലെ കഴുകുന്ന വേളയിൽ മുടി പൊട്ടി പോകുമെന്ന പേടി ഇത് ഉപയോഗിക്കുമ്പോൾ വേണ്ട.
മിനുസമാർന്ന മുടിക്ക് ചെമ്പരത്തി കണ്ടീഷണർ
ചെമ്പരത്തിയിൽ അടങ്ങിയിരിക്കുന്ന അമിനോ ആസിഡുകൾ ഇതിനെ ഒരു മികച്ച കണ്ടീഷണറാക്കി മാറ്റുന്നു. രോമകൂപങ്ങളെ പരിപോഷിപ്പിക്കുകയും മുടി കൂടുതൽ മൃദുവാക്കി മാറ്റുകയും ചെയ്യാൻ ഇത് സഹായകരമാണ്. ചെമ്പരത്തി ഉപയോഗിച്ചുകൊണ്ട് ഏറ്റവും ഫലപ്രദമായ ഒരു കണ്ടീഷണർ തയ്യാറാക്കേണ്ടത് എങ്ങനെയെന്ന് നോക്കാം.
ഇതിനായി 8 ചെമ്പരത്തി ഇതളുകൾ അല്പം വെള്ളത്തോടൊപ്പം ചേർത്ത് നന്നായി അരച്ചെടുത്ത് ഒരു പേസ്റ്റ് തയ്യാറാക്കുകയാണ് ആദ്യം വേണ്ടത്. നിങ്ങൾക്ക് ഒന്നോ രണ്ടോ തുള്ളി ജാസ്മിൻ ഓയിലോ റോസ് ഓയിലോ ഇതിലേക്ക് ചേർക്കാം. നന്നായി മിക്സ് ചെയ്ത ഈ പേസ്റ്റ് നിങ്ങളുടെ തലയോട്ടിയിലും മുടിയിലും പുരട്ടുക. ഒരു മണിക്കൂറോളം ഇത് തലയിൽ സൂക്ഷിച്ചശേഷം ഇളം ചൂടുള്ള വെള്ളത്തിൽ കഴുകുക. ഈ ലളിതമായ പ്രതിവിധി നിങ്ങളുടെ മുടിക്ക് ആഴത്തിലുള്ള കണ്ടീഷനിംഗ് നൽകാൻ സഹായിക്കുന്ന ഒരു ചികിത്സയായി പ്രവർത്തിക്കും
മുടി തഴച്ച് വളരാൻ
ചെമ്പരത്തി ഉപയോഗിച്ചുകൊണ്ടുള്ള കേശസംരക്ഷണം പണ്ടുമുതലേ ആളുകൾ പിന്തുടരുന്നതാണ്. കേശ സംബന്ധമായ പ്രശ്നങ്ങൾ കുറയ്ക്കാൻ ചെമ്പരത്തി ഏറ്റവും മികച്ച രീതിയിൽ സഹായിക്കുമെന്ന് ആയുർവേദം പോലും ശുപാർശ ചെയ്യുന്നുണ്ട്. ഇത് ഉപയോഗിച്ചുകൊണ്ട് മുടിവളർച്ചയെ പരിപോഷിപ്പിക്കുന്ന ഒരു ഹെയർ മാസ്ക് തയ്യാറാക്കേണ്ടത് എങ്ങനെ എന്ന് നോക്കിയാലോ?
ഈ ഹെയർ മാസ്ക് തയ്യാറാക്കാനായി ചെമ്പരത്തി ഇലകൾ അല്ലെങ്കിൽ പൂവിതളുകൾ ഏറ്റവും ആദ്യം നന്നായി ഉണക്കിപ്പൊടിച്ച് എടുക്കണം. തുല്യ അളവിൽ ചെമ്പരത്തി പൊടിയും അതോടൊപ്പം നെല്ലിക്ക പൊടിയും ചേർത്ത് വെള്ളത്തിൽ മിക്സ് ചെയ്തു മിനുസമാർന്ന പേസ്റ്റ് രൂപപ്പെടുത്തുക. ഇത് തലമുടിയിലും തലയോട്ടിയിലും പുരട്ടി 40 മിനിറ്റ് സൂക്ഷിക്കുക. തുടർന്ന് വീര്യം കുറഞ്ഞ ഏതെങ്കിലും ഷാംപൂ ഉപയോഗിച്ച് കഴുകുക.
ബലമേറും മുടിയിഴകൾക്ക് തൈര്, ചെമ്പരത്തി
മുടി പൊട്ടി പോകുന്നതിൻ്റെ പ്രശ്നങ്ങൾ നിങ്ങളെ അലട്ടുന്നുണ്ടെങ്കിൽ മുടി വേരുകളെ ശക്തമാക്കാനും മുടികൊഴിച്ചിൽ കുറയ്ക്കാനുമായി തൈര് ചെമ്പരത്തിയോടൊപ്പം ചേർത്ത് ഹെയർ മാസ്ക് തയ്യാറാക്കി ഉപയോഗിക്കാം.
ഈ പേസ്റ്റ് തയ്യാറാക്കാനായി 3-4 ചെമ്പരത്തി ഇലകളും ഒരു ചെമ്പരത്തിപ്പൂവിൻ്റ ഇതളുകളും ചേർത്ത് ഒരു മിക്സറിൽ അരച്ചെടുക്കുക. ഇതിലേക്ക് ഒരു കപ്പ് തൈര് ചേർക്കുക. ഈ മാസ്ക് നിങ്ങളുടെ മുടിയിൽ പുരട്ടി ഒരു മണിക്കൂർ സൂക്ഷിക്കാം. തുടർന്ന് ഇളം ചൂടുള്ള വെള്ളത്തിൽ മുടി കഴുകുക. മൃദുവായ ഏതെങ്കിലും ക്ലെൻസർ ഉപയോഗിച്ച് മുടി ഷാംപൂ ചെയ്യുകയുമാവാം. മുടി വേരുകളെ ശക്തമാക്കുന്നതിനു പുറമേ, മുടിയിലെ അകാല നരയെ ഒഴിവാക്കുന്നതിനും ഈ ഹെയർ മാസ്ക് സഹായിക്കുന്നു.
മുടി കൊഴിയുന്നത് തടയാൻ
ചില ആളുകളിൽ ഉണ്ടാവുന്ന ഒരു മെഡിക്കൽ അവസ്ഥയുടെ പേരാണ് അലോപ്പീഷ്യയ. തലയോട്ടിയിലെ ഒരു ഭാഗത്തെ മുടി പൂർണമായും നഷ്ടപ്പെടുന്ന ഒരു അവസ്ഥയാണിത്. കൃത്യസമയത്ത് വേണ്ട പരിഹാരങ്ങൾ നൽകിയില്ലെങ്കിൽ നഷ്ടപ്പെട്ടുപോയ ഭാഗത്തെ മുടിവളർച്ച അസാധ്യമായി മാറും. ആയുർവേദവിധിപ്രകാരം ഇതിനുള്ള ഇത് പ്രകൃതിദത്ത പരിഹാരമായി ചെമ്പരത്തിയെ കണക്കാക്കിയിരിക്കുന്നു.
ഈ അവസ്ഥയെ ചികിത്സിക്കാനായി ചെമ്പരത്തിയുടെ 6-8 പൂക്കളും ഇലകളും നന്നായി അരച്ചെടുത്ത് പേസ്റ്റ് തയ്യാറാക്കുക. മറ്റൊന്നും കൂട്ടി ചേർക്കാതെ ഇത് നിങ്ങളുടെ തലയോട്ടിയിൽ അലോപേഷ്യ ബാധിത പ്രദേശങ്ങളിൽ പുരട്ടി 3 മണിക്കൂർ സൂക്ഷിക്കുക. മുടി വളർച്ചയെ മെച്ചപ്പെടുത്തുന്നതിനായി ഈയൊരു പരിഹാരമാർഗ്ഗം ആഴ്ചയിൽ രണ്ടുതവണ ആവർത്തിക്കുക.
മിനുസമുള്ള മുടിക്ക് കറ്റാർ വാഴ, ചെമ്പരത്തി
പ്രകൃതിദത്തമായ കറ്റാർ വാഴ നീരിനൊപ്പം ചെമ്പരത്തിയിലെ ഗുണങ്ങൾ ചേർത്തുപയോഗിച്ചു കഴിഞ്ഞാൽ മുടിയുടെ പ്രശ്നങ്ങളെ ഒരു പരിധി വരെ കുറയ്ക്കാൻ സാധിക്കും. മുടിയിൽ അടിഞ്ഞുകൂടുന്ന അധികമായ എണ്ണമയം നീക്കം ചെയ്തുകൊണ്ട് മുടിക്ക് വശ്യമായ തിളക്കം നൽകാനും മുടി ചുരുണ്ടു പോകുന്നതും ജട പിടിക്കുന്നതും കുറയ്ക്കാനും ഇത് സഹായിക്കും.
അരച്ചെടുത്ത ചെമ്പരത്തി ഇലകൾ കറ്റാർവാഴ ജെല്ലിനോടൊപ്പം ചേർത്ത് മിക്സ് ചെയ്ത് ഏറ്റവും നേർത്ത പേസ്റ്റ് തയ്യാറാക്കി നിങ്ങളുടെ മുടിയിൽ പുരട്ടാം. 45 മിനിറ്റോളം ഇത് സൂക്ഷിച്ചശേഷം ഇളം ചൂടുള്ള വെള്ളത്തിൽ കഴുകിക്കളയുക. ഈ ഹെയർ മാസ്ക് നിങ്ങളുടെ മുടിക്ക് കൂടുതൽ തിളക്കം പകരുകയും അവയെ മൃദുലവും മിനുസമാർന്നതുമാക്കി മാറ്റുകയും ചെയ്യും.
താരൻ അകറ്റാൻ ചെമ്പരത്തി
താരൻ മൂലം വല്ലാതെ ബുദ്ധിമുട്ട് അനുഭവിക്കുന്നവരാണ് നിങ്ങളെങ്കിൽ ഇതിനുള്ള പരിഹാരമായി ചെമ്പരത്തി ഉപയോഗിക്കാം. ചെമ്പരത്തിയോടൊപ്പം മൈലാഞ്ചി പൊടിയും ചേർത്ത് തലയിൽ പുരട്ടിയാൽ താരനും അതിൻറെ ലക്ഷണങ്ങളും പമ്പ കടക്കും. ഈയൊരു ഹെയർ പായ്ക്ക് തയ്യാറാക്കാനായി ചെമ്പരത്തി ഇലകളും മൈലാഞ്ചി പൊടിയും എടുത്ത് നന്നായി മിക്സ് ചെയ്യുക. ഈ മിശ്രിതത്തിലേക്ക് അര ടീസ്പൂൺ നാരങ്ങ നീര് ചേർത്ത് തലയോട്ടിയിലും മുടിയിലും നന്നായി തേച്ചു പിടിപ്പിക്കുക.
ഈ പായ്ക്ക് നിങ്ങളുടെ തലയോട്ടിയിലെ പിഎച്ച് ലെവൽ സന്തുലിതമാക്കുന്നതിനും എണ്ണമയത്തിനെതിരെ പോരാടുന്നതിനും താരൻ്റെ എല്ലാ ലക്ഷണങ്ങളും ഒഴിവാക്കുന്നതിനും സഹായം ചെയ്യും. ഒരു മണിക്കൂറോളം ഇത് തലയിൽ സൂക്ഷിച്ചശേഷം മിതമായ ഏതെങ്കിലും ക്ലെൻസർ ഉപയോഗിച്ച് മുടി കഴുകുക.
Also read: താരൻ അകറ്റാൻ ഈ നാട്ടുവൈദ്യങ്ങൾ പരീക്ഷിക്കാം
അറ്റം പിളരാതിരിക്കാൻ ചെമ്പരത്തിയും തേങ്ങാപ്പാലും
വരണ്ട തലമുടിയുടെ പ്രശ്നങ്ങളെ നേരിടാനുള്ള ഉത്തമ പ്രതിവിധിയാണ് തേങ്ങാപ്പാൽ. ചെമ്പരത്തിയോടൊപ്പം ചേർത്ത് ഉപയോഗിച്ചാൽ ഇത് നിങ്ങളുടെ മുടിക്ക് കണ്ടീഷണിങ്ങ് ഗുണങ്ങളെ നൽകും. മുടിയെ നല്ല രീതിയിൽ കണ്ടീഷനിംഗ് ചെയ്യുന്നത് മുടിയുടെ അറ്റം പിളരുന്ന പ്രശ്നങ്ങളെ പരിഹരിക്കാൻ സഹായിക്കും.
തേങ്ങാപ്പാലിലേക്ക് നന്നായി അരച്ചെടുത്ത ചെമ്പരത്തി പൂവിതളുകൾ ചേർത്ത് മിക്സ് ചെയ്ത് പേസ്റ്റ് തയ്യാറാക്കുക. ഇതിലേക്ക് ഒരു ടീസ്പൂൺ തേൻ, കറ്റാർ വാഴ, തൈര് എന്നിവ ചേർത്ത് നന്നായി മിക്സ് ചെയ്യാം. ഈ പേസ്റ്റ് മുടിയിൽ പുരട്ടി വച്ച് 30 മിനിറ്റ് സൂക്ഷിച്ച ശേഷം ഇളംചൂടുള്ള വെള്ളത്തിൽ കഴുകിക്കളയുക. ഈ ഹെയർ മാസ്ക് വരൾച്ച മൂലം നിങ്ങളുടെ മുടിയുടെ അറ്റം പിളരുന്നതിനുള്ള പരിഹാരമായി പ്രവർത്തിക്കും. സ്പ്ലിറ്റ് എൻഡ് പ്രശ്നങ്ങൾ നിങ്ങളെ വിടാതെ പിന്തുടരുന്നുണ്ടെങ്കിൽ ആഴ്ചയിൽ ഒരിക്കലെങ്കിലും ഇത് മുടിയിൽ ഉപയോഗിക്കുന്നത് പരിഗണിക്കണം.
Also read: മുടി സമൃദ്ധമായി വളരാൻ അരി കഴുകിയ വെള്ളം + ഗ്രീൻ ടീ ഹെയർ വാഷ്
മുടി വളരാൻ വേപ്പിലകളും ചെമ്പരത്തിയും
തലയോട്ടിയിലെ ആരോഗ്യം നഷ്ടപ്പെടാതെ കാത്തുസൂക്ഷിക്കാനായി ആയുർവേദത്തിൽ ശുപാർശ ചെയ്യുന്ന പ്രതിവിധിയാണ് വേപ്പ്. വേപ്പിലയോടൊപ്പം ചെമ്പരത്തിയും ചേർത്ത് നിങ്ങളുടെ മുടിയിൽ പ്രയോഗിക്കുന്നത് മുടികൊഴിച്ചിൽ കുറച്ചുകൊണ്ട് മുടിവളർച്ചയെ ഉത്തേജിപ്പിക്കും
വേപ്പില നന്നായി ചതച്ചെടുത്ത് മാറ്റി വയ്ക്കുക. ഇതിലേക്ക് ചെമ്പരത്തി ഇലകൾ അരച്ച് ചേർക്കുക. നന്നായി മിക്സ് ചെയ്തു ഇത് നിങ്ങളുടെ തലയോട്ടിയിലും മുടിയിലും പുരട്ടി 20 മിനിറ്റ് നൽകാം. അതിനുശേഷം, ഇളം ചൂടുള്ള വെള്ളത്തിൽ കഴുകുക. മുടികൊഴിച്ചിലിനെ നിയന്ത്രിച്ചു നിർത്തുന്നതിനും തലയോട്ടിയ ആരോഗ്യമുള്ളതാക്കി മാറ്റുന്നതിനുമായി ആഴ്ചയിൽ രണ്ടുതവണ ഈ മിശ്രിതം മുടിയിൽ പ്രയോഗിക്കാം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 10 ways to use hibiscus on hair
Malayalam News from malayalam.samayam.com, TIL Network
