Sumayya P |
Samayam Malayalam | Updated: 24 Nov 2022, 11:36 am
ഇക്കാര്യം ഇന്ത്യയെ ഖത്തര്‍ അധികൃതര്‍ നയതന്ത്ര ചാനലുകള്‍ വഴി ഇന്ത്യയെ അറിയിച്ചതായാണ് റിപ്പോര്‍ട്ട്.
ഉദ്ഘാടന ചടങ്ങില്‍ പങ്കെടുക്കാന്‍ ഇന്ത്യ പിടികിട്ടാ പുള്ളിയായി പ്രഖ്യാപിച്ച സാക്കിര്‍ നായിക്കിനെ ഖത്തര്‍ ക്ഷണിച്ചിരുന്നെങ്കില്‍ ലോകകപ്പ് ഉദ്ഘാടനത്തിലേക്ക് ഇന്ത്യയെ പ്രതിനിധീകരിച്ച് പങ്കെടുക്കുന്ന വൈസ് പ്രസിഡന്റ് ജഗ്ദീപ് ധന്‍കറിന്റെ സന്ദര്‍ശനം റദ്ദാക്കുമെന്ന് ഇന്ത്യ ഖത്തറിനോട് വ്യക്തമായിയിരുന്നു. ഈ പശ്ചാത്തലത്തിലാണ് തങ്ങള്‍ സാക്കിര്‍ നായിക്കിനെ ഔദ്യോഗികമായി ക്ഷണിച്ചിട്ടില്ലെന്ന് ഖത്തര്‍ ഇന്ത്യയെ അറിയിച്ചത്. ഖത്തറിന്റെ പ്രതിച്ഛായ മോശമാക്കാനുള്ള ശ്രമത്തിന്റെ ഭാഗമാണ് വിവാദമെന്നും ഖത്തര്‍ ആരോപിച്ചു. അതേസമയം, സാക്കിര്‍ നായിക് സ്വകാര്യ സന്ദര്‍ശനം നടത്തിയിട്ടുണ്ടാവാമെന്ന നിലപാടിലാണ് ഖത്തര്‍.
Also Read: മഴയത്ത് വാഹനങ്ങള്‍ കൊണ്ട് അഭ്യാസം; നിരവധി കാറുകള്‍ കണ്ടുകെട്ടിയ യുഎഇ പോലിസ്, കനത്ത പിഴയും ചുമത്തി
ലോകകപ്പ് ഉദ്ഘാന ചടങ്ങില്‍ വൈസ് പ്രസിഡന്റ് ധന്‍കര്‍ പങ്കെടുക്കുകയും ഖത്തറിലെ സോക്കര്‍ സ്റ്റേഡിയങ്ങള്‍ നിര്‍മ്മിച്ച ഇന്ത്യന്‍ പ്രവാസി തൊഴിലാളികളെ അദ്ദേഹം സന്ദര്‍ശിക്കുകയും ചെയ്തിരുന്നു. ഈ വര്‍ഷം മാര്‍ച്ചില്‍ കേന്ദ്ര ആഭ്യന്തര മന്ത്രാലയം നായിക് സ്ഥാപിച്ച ഇസ്ലാമിക് റിസര്‍ച്ച് ഫൗണ്ടേഷനെ (ഐആര്‍എഫ്) യുഎപിഎ പ്രകാരം നിയമവിരുദ്ധമായ സംഘടനയായി പ്രഖ്യാപിക്കുകയും അഞ്ച് വര്‍ഷത്തേക്ക് നിരോധിക്കുകയും ചെയ്തിരുന്നു. നിലവില്‍ മലേഷ്യയില്‍ കഴിയുന്ന നായിക്കിനെ വിട്ടുകിട്ടാന്‍ ഇന്ത്യ ആ രാജ്യത്തോട് ആവശ്യപ്പെട്ടിട്ടുണ്ട്. ഭീകരവാദം, കള്ളപ്പണം വെളുപ്പിക്കല്‍ തുടങ്ങിയവയുമായി ബന്ധപ്പെട്ട കേസുകള്‍ നായിക്കിനെതിരേ ഇന്ത്യയില്‍ നിലവിലുണ്ട്.
Read Latest Gulf News and Malayalam News
ലോകത്തെ ഞെട്ടിച്ച കോച്ച് | Argentina | Herve Renard |FIFA
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
