Gokul Murali | Samayam Malayalam | Updated: 08 Jul 2021, 03:22:41 PM
വീഡിയോ പങ്കുവച്ചതിന് പിന്നാലെ ഇവരുടെ വാദമാണ് വിവാദമായത്. പിന്നീട് ഈ വീഡീയോ യൂട്യൂബിൽ നിന്നും പിന്‍വലിക്കുകയും ചെയ്തിരുന്നു.
ലക്ഷക്കണക്കിന് ഫോളോവേഴ്സ്
സമൂഹമാധ്യമങ്ങളില്‍ വലിയ തോതിൽ ഫോളാവേഴ്സ് ഉള്ളയാളാണ് 30 കാരിയായ ഹോഫ്മാൻ. ഇന്‍സ്റ്റാഗ്രാമിൽ മാത്രം ഏഴുപത് ലക്ഷം ഫോളോവേഴ്സും രണ്ട് യൂട്യൂബ് ചാനലുകളിലായി 14 ദശലക്ഷം ഫോളോവേഴ്സാണുള്ളത്. കൗമാരക്കാരിയായ പെണ്‍കുട്ടിയെ ബലാത്സംഗം ചെയ്യുന്നതിന്റെ വീഡിയോ പങ്കുവച്ച കുറ്റത്തിനാണ് ഇവര്‍ അറസ്റ്റിലായത്. ഈ സംഭവം പിന്നീട് ഇവര്‍ക്കെതിരെ കടുത്ത വിമര്‍ശനം ഉന്നയിക്കപ്പെടുകയും ചെയ്തിരുന്നു.
photo/instagram
ഇരയെ കുറ്റപ്പെടുത്താൻ ശ്രമം
2018ലാണ് കേസിനാസ്പദമായ സംഭവമുണ്ടായത്. ഒരു യൂട്യൂബ് വീഡിയോയിൽ ഒരു ഫോണിൽ ബലാത്സംഗത്തിന്റെ വീഡിയോ പ്രദശിപ്പിക്കുകയും അതിൽ ഇരയായ കൗമാരക്കാരിയെ കുറ്റപ്പെടുത്തുകയും ചെയ്യുകയായിരുന്നു. അവര്‍ അന്ന് നടത്തിയ പ്രചരണം ഇങ്ങനെ, “ മൂന്ന് പായ്ക്ക് സിഗരറ്റിന് വേണ്ടി ആ സ്ത്രീ അവരുടെ യോനിയിൽ ഒരു കുപ്പി മൊയ്ത് (മദ്യക്കുപ്പി) കയറ്റാൻ അനുവദിച്ചു. അത്തരമൊരു വനിതയായതിനാലാണ് ഈ സ്ത്രീക്ക് ജനപ്രീതി ലഭിച്ചത്,” പിന്നീട് ഈ വീഡീയോ യൂട്യൂബിൽ നിന്നും പിന്‍വലിക്കുകയും ചെയ്തിരുന്നു.
photo/instagram
ഇരയുടെ പരാതി
2018ൽ തനിക്ക് 16 വയസ് പ്രായമുണ്ടായിരുന്ന സമയത്ത് കൂട്ട ബലാത്സംഗത്തിന് ഇരയായതായി പരാതിക്കാരിയായ പെണ്‍കുട്ടി പറയുന്നു. ഇത് സംബന്ധിച്ച് മാര്‍ച്ച് മാസത്തിൽ പരാതി നൽകുകയും ചെയ്തിരുന്നു. അതിനൊപ്പം തന്നെ തനിക്ക് നേരെയുണ്ടായ ആക്രമണത്തിന്റെ വീഡിയോ ദൃശ്യം ഹോഫ്മാനും ഒപ്പമുണ്ടായിരുന്ന രണ്ട് പുരുഷന്മാരും ചേര്‍ന്ന് പകര്‍ത്തിയെന്നും അവര്‍ പറയുന്നു.
photo/instagram
പീഡനം ലക്ഷ്യം വച്ചുള്ള കാംപയിൻ
തനിക്ക് നേരെയുണ്ടായ ആക്രമണത്തിന് ശേഷമുണ്ടായ മാനസിക ആഘാതത്തിന് താൻ ചികിത്സ തേടിയെന്നും ഇരയായ പെൺകുട്ടി പറഞ്ഞു. ഈ വീഡിയോ തനിക്ക് നേരെയുണ്ടായത് പീഡനം ലക്ഷ്യം വച്ചുള്ള കാംപയിന്റെ ഭാഗമായുള്ള നീക്കമാണെന്നും പെൺകുട്ടി പ്രതികരിച്ചു. ആക്രമണത്തിന് ഇരയായതിന് ശേഷവും വീഡിയോയിലൂടെ അപമാനിച്ചതിന് കാരണം ഇതാണെന്നും അവര്‍ പറഞ്ഞു.
photo/instagram
ഗൗരവകരമായ കുറ്റം
ഹോഫ്മാൻ നടത്തിയത് ഗൗരവകരമായ കുറ്റമാണെന്ന് അഭിഭാഷകര്‍ അഭിപ്രായപ്പെടുന്നത്. കുട്ടികളുടെ അശ്ലീല വീഡിയോ അടങ്ങുന്ന ശേഖരിക്കുകയോ അത് ഉപയോഗിക്കുകയോ ചെയ്യുന്നത് ഗുരുതരമായ കുറ്റമാണെന്നാണ് നിയമവിദഗ്ദ്ധര്‍ അഭിപ്രായപ്പെടുന്നത്. ബലാത്സംഗത്തിന്റെ വീഡിയോ അവളുടെ സെൽഫോണിന്റെ സ്ക്രീനിലൂടെ ഫോളോവേഴ്സിനെ കാണിക്കുന്നുവെന്നും വിദഗ്ദ്ധര്‍ ചൂണ്ടിക്കാണിക്കുന്നു.
photo/instagram
നിഷേധിച്ച് യൂട്യൂബര്‍
വിവാദങ്ങളിൽ പ്രതികരിച്ച് ഹോഫ്മാനും രംഗത്തുവന്നു. സമൂഹമാധ്യമങ്ങളിലൂടെയാണ് പ്രതികരണം നടത്തിയത്. ഞാൻ ഒരിക്കലും ചെയ്യാത്ത ഒരു കുറ്റത്തിന് എന്നെ ഉൾപ്പെടുത്താൻ അവർ ശ്രമിക്കുന്നുവെന്നാണ് അവരുടെ പ്രതികരണമുണ്ടായത്. താൻ സത്യത്തിലും സാമാന്യ ബുദ്ധിയിലും ഉറച്ച് വിശ്വസിക്കുന്നു. പല വീഡിയോകളിലും ഞാൻ പറഞ്ഞതുപോലെ, ആരോപണങ്ങൾ പൗരന്മാരുടെ ശാക്തീകരണത്തിനുള്ള ഉപകരണമായിരിക്കണം. നിർഭാഗ്യവശാൽ, യാതോരുവിധ ബന്ധവുമില്ലാത്ത ഒരു പ്രശ്‌നത്തിൽ ഞാൻ ഉൾപ്പെട്ടിരിക്കുന്നു. എന്നാൽ എല്ലാം മായ്‌ച്ച് ഉടൻ പരിഹരിക്കപ്പെടുമെന്ന് പ്രതീക്ഷിക്കുന്നുവെന്നും അവര്‍ സന്ദേശത്തിൽ പറയുന്നു. കേസിൽ കുറ്റക്കാരിയെന്ന് കണ്ടെത്തിയാൽ ഹോഫ്മാന് 14 വര്‍ഷം വരെ തടവ് ശിക്ഷ ലഭിക്കാവുന്ന കുറ്റമാണിത്.
photo/instagram
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : police arrests mexican youtuber yostop yoseline hoffman for posting assault video online and blaming the victim
Malayalam News from malayalam.samayam.com, TIL Network
