കരിപ്പൂരിലെത്തുന്ന പ്രവാസികളെ യുവതികളെ ഉപയോഗിച്ചാണ് സംഘം വലയിലാക്കിയിരുന്നത്. നിരവധി പ്രവാസികൾ പ്രതികളുടെ തട്ടിപ്പിന് ഇരയായിട്ടുണ്ടെന്നാണ് പോലീസ് പറയുന്നത്.
പ്രതീകാത്മക ചിത്രം |TOI
ഹൈലൈറ്റ്:
- പ്രതികൾ നിരവധിപ്പേരെ തട്ടിച്ചു
- മുഖ്യപ്രതി ജയിലിൽ
- കർണ്ണാടക, ഗോവ എന്നിവിടങ്ങളിൽ നിന്നാണ് യുവതികളെ എത്തിച്ചിരുന്നത്
ഒന്നാം പ്രതി വേങ്ങര വാളക്കുട സ്വദേശി ശിഹാബ് മറ്റൊരു കേസിൽ ജയിലിലാണ്. സംഘത്തിലെ മറ്റുള്ളവ‍ര്‍ക്കായി പോലീസ് അന്വേഷണം വ്യാപിപ്പിച്ചു. പ്രതികളെ കരിപ്പൂ‍ര്‍ വിമാനത്താവള പരിസരത്തെത്തിച്ച് തെളിവെടുത്തു. കരിപ്പൂരിലെത്തുന്ന പ്രവാസികളെ യുവതികളെ ഉപയോഗിച്ചാണ് സംഘം വലയിലാക്കിയിരുന്നത്. ക‍ര്‍ണ്ണാടക, ഗോവ എന്നിവിടങ്ങളിൽ നിന്നാണ് ഇതിനായി യുവതികളെ എത്തിച്ചിരുന്നത്.
കരിപ്പൂരിൽ എത്തുന്ന പ്രവാസിയെ സ്വകാര്യ കേന്ദ്രത്തിലെത്തിച്ചാണ് സംഘം നഗ്ന ചിത്രം പക‍ര്‍ത്തിയത്. കഴിഞ്ഞ വ‍ര്‍ഷം യൂറോപ്പിൽ നിന്നും എത്തിയ പെരിന്തൽമണ്ണ സ്വദേശിക്ക് ഒന്നര ലക്ഷം രൂപ നഷ്ടമായിരുന്നു. പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതികൾ പിടിയിലായത്. സ്ത്രീകൾക്കൊപ്പം ഇരയെ നി‍ര്‍ത്തിയാണ് ചിത്രം പകര്‍ത്തിയതെന്ന് പ്രതികൾ പറഞ്ഞു.
നിരവധി പ്രവാസികൾ പ്രതികളുടെ തട്ടിപ്പിന് ഇരയായിട്ടുണ്ടെന്നാണ് പോലീസ് പറയുന്നത്. നാണക്കേട് പേടിച്ചും വിദേശത്തേക്ക് തിരികെ പോകേണ്ടതിനാൽ പരാതി നൽകാതെ വന്നതുമാണ് പ്രതികളുടെ ആത്മവിശ്വാസം വ‍ര്‍ദ്ധിപ്പിച്ചത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : two arrest in karipur honey trap
Malayalam News from malayalam.samayam.com, TIL Network
