Gokul Murali | Samayam Malayalam | Updated: 08 Jul 2021, 02:45:00 PM
മദ്യശാലകള്‍ക്ക് മുന്നിൽ കൊവിഡ് മാനദണ്ഡങ്ങള്‍ പാലിക്കുന്നില്ലെന്ന് ചൂണ്ടിക്കാണിച്ച് ഹൈക്കോടതി സ്വമേധയാ കേസെടുത്ത് പരിഗണിക്കവേ ആണ് പരാമര്‍ശമുണ്ടായിരിക്കുന്നത്
കേരള ഹൈക്കോടതി
സാമൂഹിക അകലം പാലിക്കാതെ നൂറുകണക്കിന് ആളുകള്‍ മദ്യശാലകള്‍ക്ക് മുന്നിൽ വരി നിൽക്കുന്നത് ഒരുതരത്തിലും അംഗീകരിക്കാൻ സാധിക്കില്ല. ഇങ്ങനെ നിയന്ത്രണങ്ങളില്ലാതെ ആളുകള്‍ ഔട്ട്ലെറ്റുകള്‍ക്ക് മുന്നിൽ ക്യൂ നിൽക്കുന്നത് രോഗവ്യാപനം ഉയര്‍ത്തില്ലേ എന്നും കോടതി ചോദിച്ചു.
മദ്യശാലകള്‍ക്ക് മുന്നിൽ കൊവിഡ് മാനദണ്ഡങ്ങള്‍ പാലിക്കുന്നില്ലെന്ന് ചൂണ്ടിക്കാണിച്ച് ഹൈക്കോടതി സ്വമേധയാ കേസെടുത്ത് പരിഗണിക്കവേ ആണ് പരാമര്‍ശമുണ്ടായിരിക്കുന്നത്. പത്ത് ദിവസത്തിനുള്ളിൽ ഇക്കാര്യത്തിൽ വിശദമായ സത്യവാങ്മൂലം നൽകാനാണ് എക്സൈസ് കമ്മീഷണര്‍ക്കും ബെവ്കോ എംഡിക്കും കോടതി നിര്‍ദ്ദേശം നൽകിയിരിക്കുന്നത്.
കേസ് കോടതി വീണ്ടും 16ാം തിയതി പരിഗണിക്കുന്നുണ്ട്. അന്നും എക്സൈസ് കമ്മീഷണറും ബെവ്കോ എംഡിയും കോടതിയിൽ ഓൺലൈനായി ഹാജരാകണമെന്ന് നിർദ്ദേശിച്ചിട്ടുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala high court slams govt over bevco que
Malayalam News from malayalam.samayam.com, TIL Network
