Teena Mathew |
Samayam Malayalam | Updated: 1 Dec 2022, 11:21 am
നാടെങ്ങും ഫുട്‌ബോളിന്റെ ആവേശത്തില്‍ ആയിരിക്കുമ്പോള്‍ യാത്രക്കാര്‍ക്കും ആ സ്‌ന്തോഷത്തില്‍ പങ്കെടുക്കാനുള്ള അവസരം ഒരുക്കി നല്‍കുകയായിരുന്നു എയര്‍ലൈന്‍സ്.
ഹൈലൈറ്റ്:
- ഇൻസ്റ്റഗ്രാമിലൂടെയാണ് വീഡിയോ പുറത്ത് വന്നത്
- നിരവധി പേരാണ് വീഡിയോയ്ക്ക് താഴെ കമൻ്റുകളുമായി എത്തിയിരിക്കുന്നത്
എത്ര വലിയ ആരാധകര്‍ ആണെങ്കിലും ഒഴിച്ചുകൂടാനാവാത്ത യാത്രകള്‍ വന്നാല്‍ ചിലപ്പോള്‍ കളി കാണാന്‍ കുറച്ച് കഷ്ടപ്പാടായിരിക്കും. പ്രത്യേകിച്ച് വിമാനത്തില്‍ യാത്ര ചെയ്യുമ്പോള്‍. എന്നാല്‍ കഴിഞ്ഞ ദിവസം വിമാനത്തില്‍ യാത്ര ചെയ്യുമ്പോള്‍ ഫുട്‌ബോള്‍ കളി കാണുന്ന യാത്രക്കാരുടെ വീഡിയോയാണ് ഇപ്പോള്‍ വൈറലായി കൊണ്ടിരിക്കുന്നത്.
നാടെങ്ങും ഫുട്‌ബോളിന്റെ ആവേശത്തില്‍ ആയിരിക്കുമ്പോള്‍ യാത്രക്കാര്‍ക്കും ആ സ്‌ന്തോഷത്തില്‍ പങ്കെടുക്കാനുള്ള അവസരം ഒരുക്കി നല്‍കുകയായിരുന്നു എയര്‍ലൈന്‍സ്. വിമാനത്തിലെ മിക്ക യാത്രക്കാരും അവരുടെ സീറ്റിനോട് ചേര്‍ന്നുള്ള സ്‌ക്രീനില്‍ തത്സമയം കളി ആസ്വദിക്കുന്നതിന്റെ വീഡിയോയാണിത്.
Also Read: 65ാം വയസിലും സ്റ്റുഡിയോ നടത്തിയൊരു അമ്മ; സോഷ്യൽ മീഡിയയിൽ വൈറലായി വീഡിയോ
ഇന്‍സ്റ്റഗ്രാമിലെ pubity എന്ന പേജിലൂടെയാണ് വീഡിയോ പങ്കുവെച്ചിരിക്കുന്നത്. വിമാനത്തിലെ ഭൂരിഭാഗം സ്‌ക്രീനുകളിലും ഫിഫ വേള്‍ഡ് കപ്പിന്റെ ലൈവ് സംപ്രേക്ഷണമാണ് നടക്കുന്നത്. ഏറെ രസകരമായ വീഡിയോ നിരവധി പേരാണ് കണ്ടത്. പലരും വീഡിയോയ്ക്ക് താഴെ കമന്റുകളുമിട്ടിട്ടുണ്ട്. മിക്ക എയര്‍ലൈന്‍സുകളും ലൈവ് സംപ്രേക്ഷണം ഏര്‍പ്പെടുത്തിയിട്ടുണ്ടെന്നാണ് റിപ്പോര്‍ട്ട്. പല വിമാനക്കമ്പനികളും വ്യത്യസ്തമായ പല പാക്കേജുകളും ദോഹയിലേക്ക് പോകുന്നവര്‍ക്കായി ഒരുക്കിയിട്ടുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
