അറിയണം കറിവേപ്പിലയുടെ ഈ ഗുണങ്ങൾ

ഏറ്റവും ജനപ്രിയമായ പാചക ചേരുവകളിൽ ഒന്നായ കറിവേപ്പിലയെ ചിലപ്പോൾ അത്ഭുത ഗുണങ്ങളുള്ള വേപ്പ് എന്നും വിളിക്കാറുണ്ട്. ഇത് പ്രധാനമായും ഇന്ത്യൻ വിഭവങ്ങളിൽ രുചി പകരുവാൻ ഉപയോഗിക്കുന്നു. സുഗന്ധവും രുചിയുമുള്ള ഈ ഇലകൾ കറികൾ, ഇറച്ചി വിഭവങ്ങൾ, പച്ചക്കറികൾ, ചട്ണികൾ എന്നിവയിൽ ചേർക്കുന്നു. അവയുടെ സ്വാദിനുപുറമെ, കറിവേപ്പിലയ്ക്ക് നിരവധി ആരോഗ്യഗുണങ്ങളുമുണ്ട്, അത് അവയെ ഒരു ‘സൂപ്പർഫുഡ്’ ആക്കുന്നു.



മികച്ച ഫലങ്ങൾക്കായി കറിവേപ്പില നിങ്ങളുടെ ഭക്ഷണത്തിൽ ഉൾപ്പെടുത്തുന്നതിനുള്ള മാർഗ്ഗങ്ങൾക്കൊപ്പം ആരോഗ്യകരവും ഭക്ഷണപരവുമായ നിരവധി ആനുകൂല്യങ്ങൾ ഇവിടെ നിന്ന് മനസ്സിലാക്കാം.

കറിവേപ്പിലയുടെ പല ഗുണങ്ങൾ



കറിവേപ്പില കഴിക്കുന്നതിന് ആരോഗ്യപരമായ പല ഗുണങ്ങളും ഉണ്ട്. കറിവേപ്പിലയിൽ കാർബോഹൈഡ്രേറ്റ്, നാരുകൾ എന്നിവ അടങ്ങിയിട്ടുണ്ട്. കൂടാതെ, വിറ്റാമിൻ എ, വിറ്റാമിൻ സി, വിറ്റാമിൻ ഇ, വിറ്റാമിൻ ബി എന്നിവയാൽ സമ്പന്നവുമാണ് അവ. ആന്റി ഇൻഫ്ലമേറ്ററി, ആൻറി ബാക്ടീരിയൽ ഗുണങ്ങളുള്ള കറിവേപ്പില ഛർദ്ദി തടയുന്നതിനും, പ്രമേഹം നിയന്ത്രിക്കുവാനും, ദഹനം മെച്ചപ്പെടുത്തുവാനും ധാരാളം ഗുണങ്ങൾ പകരുന്നു.

കൂടാതെ, എല്ലാ ദിവസവും കറിവേപ്പില കഴിക്കുന്നത് നിങ്ങളുടെ കാഴ്ച മെച്ചപ്പെടുത്തുകയും കൊളസ്ട്രോൾ കുറയ്ക്കുകയും ദന്ത സംരക്ഷണം മെച്ചപ്പെടുത്തുകയും ഹൃദയത്തിന്റെ പ്രവർത്തനം നല്ല നിലയിലാക്കുകയും ചെയ്യും.

ഇനി സൗന്ദര്യ സംരക്ഷണത്തിന്റെ കാര്യമെടുത്താൽ കറിവേപ്പില ചർമ്മത്തിന് തിളക്കം നൽകുകയും മുഖക്കുരു, പിഗ്മെന്റേഷൻ എന്നിവയിൽ നിന്ന് മുക്തി നേടിത്തരികയും ചെയ്യും. ഇത് വേരുകളിൽ നിന്ന് മുടിയെ ശക്തമാക്കുകയും തിളക്കമുള്ളതാക്കുകയും ചെയ്യും.

ശരീരത്തിൽ പ്രോട്ടീൻ കുറവ് എങ്ങനെ തിരിച്ചറിയാം?

ഉപയോഗിക്കേണ്ടത്



നിങ്ങളുടെ പച്ചക്കറി ജ്യൂസിൽ 8-10 ഇലകൾ ചേർത്ത് കറിവേപ്പില നിങ്ങളുടെ പതിവ് ഭക്ഷണക്രമത്തിൽ എളുപ്പത്തിൽ ഉൾപ്പെടുത്താം. അല്ലെങ്കിൽ നിങ്ങൾക്ക് ഇലകൾ ഉണക്കി നന്നായി പൊടിച്ച് വായുസഞ്ചാരമില്ലാത്ത പാത്രത്തിൽ സൂക്ഷിക്കാം. എല്ലാ ദിവസവും ഈ പൊടി ഒരു ടീസ്പൂൺ കഴിക്കുന്നത്, പ്രത്യേകിച്ച് പ്രഭാത രോഗവും ഓക്കാനവും അനുഭവിക്കുന്ന ഗർഭിണികൾക്ക് സഹായകരമാണ്. വായുകോപത്തിൽ നിന്ന് ആശ്വാസം ലഭിക്കുന്നതിന് നിങ്ങൾക്ക് അര ടീസ്പൂൺ കറിവേപ്പില പൊടി വെണ്ണയിൽ ചേർത്ത് കഴിക്കാം.

അതുകൊണ്ട്, ദിവസവും ഇനി മുതൽ കറിവേപ്പില ഭക്ഷണത്തിന്റെ ഭാഗമാക്കൂ, അതിശയകരമായ ഈ ആനുകൂല്യങ്ങൾ നഷ്‌ടപ്പെടുത്തരുത്.

ശ്രദ്ധിക്കുക: ഉപദേശം ഉൾപ്പെടെയുള്ള ഈ ഉള്ളടക്കം പൊതുവായ വിവരങ്ങൾ മാത്രം നൽകുന്നു. ഇത് ഒരു തരത്തിലും ഒരു വിദഗ്‌ദ്ധ വൈദ്യോപദേശത്തിന് പകരമാവില്ല. കൂടുതൽ വിവരങ്ങൾക്ക് എല്ലായ്പ്പോഴും ഒരു സ്പെഷ്യലിസ്റ്റിനെയോ നിങ്ങളുടെ സ്വന്തം ഡോക്ടറെയോ ബന്ധപ്പെടുക.