ചുമതലയേൽക്കുന്നതിനു മുമ്പ് പൂജ; കസേരയിൽ മന്ത്രിച്ച ചരട്; ആരോഗ്യ മന്ത്രിയുടെ തുടക്കം ഇങ്ങനെ

ന്യൂഡൽഹി: രണ്ടാം മോദി സർക്കാരിലെ പുതിയ ആരോഗ്യ മന്ത്രിയായി മൻസുഖ് മാണ്ഡവ്യ ചുമതലയേറ്റു. പ്രത്യേക പൂജയ്ക്ക് ശേഷമാണ് അദ്ദേഹം സ്ഥാനം ഏറ്റെടുത്തത്. മന്ത്രിച്ച ചരട് കസേരയിൽ കെട്ടിയ ശേഷമായിരുന്നു അദ്ദേഹം ഇരുന്നത്. പൂജയുടെ ദൃശ്യങ്ങൾ പുറത്തുവന്നിട്ടുണ്ട്.



മൻസുഖ് മാണ്ഡവ്യ: അധികമാരും അറിയാത്ത ഒരാൾ കേന്ദ്ര ആരോഗ്യമന്ത്രിയായത് എങ്ങനെ?

ഡോ ഹർഷ് വർദ്ധനെ മാറ്റിയ ശേഷമാണ് മൻസുഖിനെ ദൗത്യം ഏൽപ്പിച്ചിരിക്കുന്നത്. കൊവിഡ് പ്രതിരോധ പ്രവ‍ര്‍ത്തനങ്ങളിൽ കേന്ദ്രസ‍ർക്കാ‍ര്‍ പരാജയമാണെന്ന വിമ‍ര്‍ശനങ്ങൾക്കിടെയാണ് ഹര്‍ഷ് വര്‍ദ്ധന് സ്ഥാനം നഷ്ടമായത്. ഹ‍ര്‍ഷ് വര്‍ദ്ധന്റെ പിൻഗാമിയായാണ് മൻസുഖിന്റെ വരവ്. നേരത്തെ വിവാദ ട്വീറ്റുകളിലൂടെ മൻസുഖ് വാ‍ര്‍ത്തകളിൽ ഇടം നേടിയിരുന്നു. മഹാത്മാഗാന്ധി പിതാവിന്റെ രാഷ്ട്രമാണെന്നായിരുന്നു ട്വീറ്റുകളിൽ ഒന്ന്.

വിഡ്ഢിത്തം നിറഞ്ഞ ട്വീറ്റുകൾ ഇപ്പോഴും മന്ത്രി തന്റെ അക്കൗണ്ടിൽ നിന്നും ഒഴിവാക്കിയിട്ടില്ല. രാഹുൽ ഗാന്ധി മഹാത്മാഗാന്ധിയുടെ കൊച്ചു മകനാണെന്നും അദ്ദേഹം ഒരിക്കിൽ ട്വീറ്റ് ചെയ്തിരുന്നു.

സ്റ്റാൻ സ്വാമിയോട് ചോദിക്കാൻ ഒന്നുമില്ലായിരുന്നു; അറസ്റ്റിലായ ശേഷം എൻഐഎ അദ്ദേഹത്തെ ചോദ്യം ചെയ്തിട്ടില്ലെന്ന് അഭിഭാഷകൻ

ഗുജറാത്തിൽ നിന്നുള്ള രാജ്യസഭാംഗമാണ് മൻസുഖ്. തുറമുഖം, ജലപാത, ഷിപ്പിങ് സഹമന്ത്രിയായിരുന്നു ഇദ്ദേഹം. സ്ത്രീകളുടെ ആ‍ര്‍ത്തവ ശുചിത്വവുമായി ബന്ധപ്പെട്ട സംഭാവനകൾക്ക് മൻസുഖിന് യൂണിസെഫിന്റെ ആദരം ലഭിച്ചിരുന്നു. ഭാവ്നഗ‍ര്‍ സര്‍വ്വകലാശാലയിൽ നിന്നും പൊളിറ്റിക്കൽ സയൻസിൽ ബിരുദാനന്ദര ബിരുദം അദ്ദേഹത്തിന് ലഭിച്ചിട്ടുണ്ട്.