മുടി വളരാത്തതിനേക്കാള്‍ മുടി കൊഴിയുന്നതാണ് പലരേയും അലട്ടുന്ന പ്രശ്‌നം. ഇത് ചെറുപ്പക്കാരെ പോലും ബാധിയ്ക്കുന്ന പ്രശ്‌നമാണ്. ചിലര്‍ക്ക് പോകുന്ന മുടി വീണ്ടും വളരുകയും ചെയ്യില്ല. മുടി കൊഴിയാന്‍ ഒന്നല്ല, കാരണങ്ങള്‍ പലതുമുണ്ട്. ഇതില്‍ നാം മുടിയില്‍ ചെയ്തു കൂട്ടുന്ന ചില പരീക്ഷണങ്ങള്‍ മുതല്‍ കഴിയ്ക്കുന്ന ഭക്ഷണത്തിലെ പോരായ്മകള്‍ വരെ വരുന്നു. മുടി കൊഴിച്ചില്‍ മാറാനും മുടി വളരാനുമെല്ലാം തികച്ചും സ്വാഭാവിക വഴികള്‍ തേടുന്നത് തന്നെയാണ് നല്ലത്. ഇതിനായി നമുക്കു വീട്ടില്‍ തന്നെ ചെയ്യാവുന്ന, തികച്ചും പ്രകൃതിദത്തമായ പല വഴികളുമുണ്ട്. മുടി കൊഴിച്ചില്‍ മാറാനും മുടി വളരാനും ആരോഗ്യകരമായി നമുക്കു തന്നെ വീട്ടില്‍ തയ്യാറാക്കാവുന്ന പ്രകൃതിദത്ത ചേരുവയുണ്ട്. ഇതെക്കുറിച്ചറിയൂ.

പേര

ഇതിനായി വേണ്ടത് രണ്ടേ രണ്ടു ചേരുവകള്‍ മാത്രമാണ്, പേരയിലയും വെളിച്ചെണ്ണയുമാണ് വേണ്ടത്. പേരയില മുടിയുടെ ആരോഗ്യത്തിന് ഏറെ മികച്ചതാണ്.ഈ ഇലകളിൽ വിറ്റാമിൻ സി പോലുള്ള ആന്റിഓക്‌സിഡന്റുകളും ക്വെർസെറ്റിൻ പോലുള്ള ഫ്ലേവനോയ്ഡുകളും ധാരാളമുണ്ട്. ആരോഗ്യത്തിനും സൗന്ദര്യത്തിനും ചര്‍മത്തിനുമെല്ലാം ഒരു പോലെ ഉപയോഗിയ്ക്കാവുന്നവയാണ് ഈ പേരയിലകള്‍. ഇത് പ്രത്യേക രീതിയില്‍ ഉപയോഗിയ്ക്കുന്നത് മുടി വളര്‍ച്ച ത്വരിതപ്പെടുത്താനും മുടി കൊഴിച്ചില്‍ അകറ്റാനും സഹായിക്കുന്നു.

വെളിച്ചെണ്ണ

ഇതില്‍ വെളിച്ചെണ്ണയും ഉപയോഗിയ്ക്കും. നല്ല ശുദ്ധമായ വെളിച്ചെണ്ണ വേണം, ഇതില്‍ ഉപയോഗിയ്ക്കാന്‍. ഈ എണ്ണ ശിരോചർമ്മത്തിന് പോഷണം നൽകുകയും, അതുവഴി മുടിയുടെ വളർച്ചയെ സഹായിക്കുകയും ചെയ്യുന്നു. ആന്റിമൈക്രോബയൽ ഗുണങ്ങൾ ഉള്ളതിനാൽ താരൻ പ്രശ്‌നങ്ങളെ നേരിടാൻ വെളിച്ചെണ്ണ സഹായിക്കുന്നു. വെളിച്ചെണ്ണയ്ക്ക് ആഴത്തിലുള്ള പോഷകഗുണമുള്ളതിനാൽ മിക്ക കണ്ടീഷനിംഗ് ഉൽപ്പന്നങ്ങളെയും ഈ കാര്യത്തിൽ അവയ്ക്ക് മറികടക്കാൻ കഴിയും. തലമുടിയിൽ വെളിച്ചെണ്ണ പുരട്ടുന്നത് സൂര്യന്റെ ദോഷകരമായ ഫലങ്ങളിൽ നിന്ന് മുടിയെ സംരക്ഷിക്കാൻ സഹായിക്കും.

​ഇതിനായി

ഇതിനായി മൂത്ത പേരയിലകള്‍ വേണം, എടുക്കാന്‍. ഇത് അരച്ചെടുക്കുക. പിന്നീട് ഇത് അരിച്ച് ഇതിന്റെ നീരെടുക്കണം. ഈ നീരിലേയ്ക്ക് അല്‍പം വെളിച്ചെണ്ണ ചേര്‍ത്ത് നല്ലതു പോലെ ഇളക്കുക. ഇത് ബോട്ടിലില്‍ ഒഴിച്ചു വച്ച് മുടിയില്‍ തേയ്ക്കാം. ഇത് ഇടയ്ക്കിടെ മുടിയില്‍ പുരട്ടുന്നത് മുടി കൊഴിച്ചില്‍ മാറാന്‍ നല്ലതാണ്. ശിരോചര്‍മത്തിലും മുടിയുടെ തുമ്പു വരെയും ഇതു പുരട്ടാം. ഇത് എത്ര തവണ വേണമെങ്കിലും ഏതു തരം മുടിയിലും ഉപയോഗിയ്ക്കാന്‍ സാധിയ്ക്കുന്ന ഒന്നാണ്. മുടി വളരാനും മുടി കൊഴിച്ചില്‍ മാറാനും ഇത് ഏറെ ഉത്തമമാണ്.

​പേരയില

പേരയില മുടിയ്ക്ക് ഏറെ ഗുണകരമാണ്. ഈ പ്രത്യേക വെള്ളം മുടിയ്ക്ക് സ്വാഭാവിക തിളക്കവും മൃദുത്വവുമെല്ലാം നല്‍കുന്നു. അറ്റം പിളര്‍ന്ന മുടിത്തുമ്പിനുള്ള നല്ലൊരു പരിഹാരം കൂടിയാണിത്. മുടിയിലെ താരന്‍ പോലുളള പ്രശ്‌നങ്ങള്‍ക്കും നല്ലൊരു മരുന്നാണ് പേരയില വെള്ളം. മുടിയ്ക്ക് തിളക്കവും മൃദുത്വവുമെല്ലാം നല്‍കാന്‍ സഹായിക്കുന്ന സ്വാഭാവിക മാര്‍ഗം. ഇത് മുടിയ്ക്ക് യാതൊരു ദോഷവും വരുത്തുന്നില്ല. മുടിയെ കരുത്തോടെയും ആരോഗ്യത്തോടെയും വളരാന്‍ സഹായിക്കുകയും ചെയ്യുന്നു. ഇത് ഏതു പ്രായത്തിലുള്ളവര്‍ക്കും ഏതു കാലാവസ്ഥയിലും ഉപയോഗിയ്ക്കാവുന്ന ഒന്നും കൂടിയാണ്. Also read: ചിരട്ട വെന്ത വെളളം മൂത്ത പ്രമേഹവും കുറയ്ക്കും