സംസ്ഥാനത്ത് മൊത്തമുള്ള 68 സീറ്റുകളിലേക്കും പ്രധാന പാര്‍ട്ടികളായ ബിജെപിയും കോൺഗ്രസും സ്ഥാനാര്‍ത്ഥികളെ നിര്‍ത്തിയിട്ടുണ്ട്. അതേസമയം, 67 സീറ്റുകളില്‍ സ്ഥാനാര്‍ത്ഥികളെ നിര്‍ത്തിയിരിക്കുകയാണ് ആം ആദ്മി പാര്‍ട്ടിയും. ആദ്യമായാണ് ഹിമാചൽ പ്രദേശിൽ ആം ആദ്മി പാര്‍ട്ടി മത്സരിക്കാൻ ഇറങ്ങുന്നത്.
എക്സിറ്റ് പോള്‍ ഫലങ്ങളും മറ്റും ഭരണകക്ഷിയായ ബിജെപിക്ക് മുൻതൂക്കം നൽകിയിരുന്നുവെങ്കിലും കാര്യങ്ങള്‍ അത്രസുഗമമായല്ല പോകുന്നത് എന്നാണ് ആദ്യ ഫലങ്ങള്‍ കാണിക്കുന്നത്. 35 സീറ്റുകളാണ് കേവല ഭൂരിപക്ഷത്തിന് ആവശ്യമായത്. എന്നാൽ, ബിജെപിക്ക് കോൺഗ്രസിനെ മറികടന്ന് ഇഈ മാന്ത്രിക സംഖ്യയിൽ എത്താൻ സാധിക്കുമോ എന്നാണ് കണ്ടറിയേണ്ടത്.
2017ലെ നിയമസഭാ തെരഞ്ഞെടുപ്പിൽ ബിജെപിക്ക് 45 സീറ്റുകളാണ് ലഭിച്ചിരുന്നത്. പ്രധാന പ്രതിപക്ഷമായ കോൺഗ്രസിന് 22 സീറ്റുകളും ലഭിച്ചിരുന്നു. സിപിഎമ്മിന് ഒരു സീറ്റും ലഭിച്ചിരുന്നു.
Also Read : ഗുജറാത്തിൽ ഭരണം ഉറപ്പിച്ച് ബിജെപി; കോൺഗ്രസിന് തിരിച്ചടി
നിയമസഭാ തെരഞ്ഞെടുപ്പ് നടന്ന ഹിമാചൽ പ്രദേശിൽ ഫലം പുറത്തുവരാൻ മണിക്കൂറുകള്‍ മാത്രം അവശേഷിക്കെ 30 പ്രാദേശിക നേതാക്കള്‍ക്കെതിരെ കോൺഗ്രസ് നടപടി സ്വീകരിച്ചത് വാര്‍ത്തയായിരുന്നു. ഷിംല ജില്ലയിൽ ഉള്‍പ്പെടുന്ന ചോപാൽ നിയമസഭാ മണ്ഡലത്തിലെ 30 നേതാക്കളെയാണ് പാര്‍ട്ടി വിരുദ്ധ പ്രവര്‍ത്തനം ആരോപിച്ച് കോൺഗ്രസിൽ നിന്നും ആറ് വര്‍ഷത്തേക്ക് വിലക്കിയത്.
ബ്യൂട്ടി പാര്‍ലറിന്റെ മറവില്‍ അനധികൃത ചിട്ടി ഇടപാട്; യുവാവ് അറസ്റ്റില്‍
