വെള്ളം കെട്ടി നില്‍ക്കുന്ന പ്രദേശങ്ങളില്‍ നിന്ന് പൊതുജനങ്ങള്‍ അകലം പാലിക്കണമെന്നും വാദികള്‍ മുറിച്ചു കടക്കരുതെന്നും നിര്‍ദേശത്തില്‍ പറയുന്നു. വിവിധ മാധ്യമങ്ങള്‍ വഴിയും സോഷ്യല്‍ നെറ്റ്‌വര്‍ക്കിങ് സൈറ്റുകളിലൂടെയും സമയാസമയങ്ങളില്‍ അധികൃതര്‍ പുറപ്പെടുവിക്കുന്ന മുന്നറിയിപ്പുകള്‍ എപ്പോഴും ശ്രദ്ധിക്കണമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. സൗദി അറേബ്യയുടെ ഔദ്യോഗിക വാര്‍ത്താ ഏജന്‍സിയിലൂടെ പുറത്തിറക്കിയ പ്രസ്താവനയിലാണ് ദേശീയ കാലാവസ്ഥാ നിരീക്ഷണ കേന്ദ്രം ഇക്കാര്യം അറിയിച്ചത്.
ഹായില്‍, അല്‍ ഖസീം എന്നിവിടങ്ങളിലും രാജ്യത്തെ ഒട്ടുമിക്ക ഗവര്‍ണറേറ്റുകളിലും വെള്ളിയാഴ്ചയും ശനിയാഴ്ചയും മഴയ്ക്ക് സാധ്യതയുണ്ട്. റിയാദ് മേഖലയില്‍ സുല്‍ഫി, ശര്‍ഖ, മജ്മഅ, റമഃ, അല്‍ ദവാദിമി, അഫിഫ്, അല്‍ മുസാഹിമിയ, അല്‍ ഖുവൈയ, അല്‍ ഖര്‍ജ് ഗവര്‍ണറേറ്റുകളില്‍ മഴയ്ക്ക് സാധ്യതയുണ്ടെന്നും മുന്നറിയിപ്പില്‍ പറയുന്നു.
Also Read: ജോലിക്കിടെ അപകടം, കൈ നഷ്ടമായി, ജോലി ചെയ്യാനാവില്ല; 22 ലക്ഷത്തിലധികം രൂപ നഷ്ടപരിഹാരം നല്‍കാന്‍ കോടതി വിധി
സൗദിയില്‍ കിഴക്കന്‍ പ്രവിശ്യയില്‍ ജുബൈല്‍, നൈറിയ, ഖത്തീഫ്, ദമാം, ദഹ്‌റാന്‍, അല്‍ ഖോബാര്‍, അബ്‌ഖൈഖ്, അല്‍ അഹ്‌സ എന്നിവിടങ്ങളിലും മഴ പെയ്യും. കനത്ത മഴയ്ക്ക് പുറമെ കാറ്റിനും ഇടിമിന്നലിലും ആലിപ്പഴ വര്‍ഷത്തിനും സാധ്യതയുണ്ട്. ഈ മേഖലകളിലെ റോഡുകളില്‍ ദൂരക്കാഴ്ച ഗണ്യമായി കുറയുമെന്നും അധികൃതര്‍ പുറത്തിറക്കിയ മുന്നറിയിപ്പില്‍ വ്യക്തമാക്കുന്നു.
ബഹ്‌റൈനില്‍ ഇടിയോടും കാറ്റോടും കൂടിയ മഴയ്ക്ക് സാധ്യത
ബഹ്‌റൈനില്‍ ഇടിയോടും കാറ്റോടുകൂടിയ മഴയ്ക്ക് സാധ്യതയുള്ളതായി കാലാവസ്ഥാ വിഭാഗം അറിയിച്ചു. കടലില്‍ പോകുന്നവരോടും പൊതുജനങ്ങളോടും വേണ്ട മുന്‍കരുതലുകള്‍ പാലിക്കണമെന്ന് അധികൃതര്‍ നിര്‍ദേശിച്ചു.
Read Latest Gulf News and Malayalam News
അപകടത്തിൽ പെട്ട സ്‌കൂട്ടറിൽ ഒന്നേക്കാൽ കിലോ കഞ്ചാവ്
