ആശുപത്രിയുടെ സെപ്റ്റിക് ടാങ്കില്‍ വീണ് ഒന്നര വയസുകാരി മരിച്ചു; കേസെടുത്ത് പോലീസ്

മധുര: സർക്കാർ ആശുപത്രിയുടെ സെപ്റ്റിക് ടാങ്കിൽ വീണ് ഒന്നരവയസുകാരി മരിച്ചു. തമിഴ്നാട്ടിലെ മധുര ജില്ലയിലെ കീലക്കുയിൽക്കുടി എന്ന സ്ഥലത്താണ് ദാരുണമായ സംഭവം. കേസെടുത്ത പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.



മദ്യപാനിയായ ഭർത്താവുമായി തർക്കം; രണ്ട് മക്കളെയും കൊന്ന് യുവതി ജീവനൊടുക്കി

കെട്ടിട നിർമ്മാണ തൊഴിലാളി മരേശിൻ്റെ മകൾ ജാനുശ്രീ ആണ് മരിച്ചത്. ഗ്രാമത്തിലെ പ്രാഥമിക ആരോഗ്യ കേന്ദ്രത്തിലാണ് സംഭവം. കുട്ടിയെ കാണാതായതോടെ മാതാപിതാക്കൾ തെരച്ചിൽ ആരംഭിച്ചു. ഏറെ നേരത്തെ പരിശോധനയ്ക്ക് ഒടുവിൽ കുട്ടിയെ സെപ്റ്റിക് ടാങ്കിൽ കണ്ടെത്തി. പുറത്തെടുത്തെങ്കിലും കുട്ടിയുടെ മരണം സംഭവിച്ചിരുന്നു.

കുട്ടിയുടെ മരണത്തിൽ ഗ്രാമവാസികൾ രംഗത്തുവന്നു. കരാറുകാരുടെയും ജനപ്രതിനിധികളുടെയും അശ്രദ്ധയാണ് കുട്ടിയുടെ മരണത്തിൽ കലാശിച്ചതെന്ന് ഇവർ ആരോപിച്ചു. നിർമ്മാണ പ്രവർത്തനങ്ങൾ നടക്കുന്നതിനാൽ സെപ്റ്റിക് ടാങ്കിൻ്റെ മുകൾ ഭാഗം മൂടാത്ത നിലയിലായിരുന്നുവെന്നും കുട്ടി അപകടത്തിൽപ്പെടാനുള്ള കാരണം ഇതാണെന്നും പ്രദേശവാസികൾ പറഞ്ഞു.

കോഴിക്കോട് അഞ്ച് വയസുകാരിയെ മാതാവ് കഴുത്ത് ഞെരിച്ച് കൊന്നു

കഴിഞ്ഞ ദിവസം പെയ്ത മഴയിൽ സെപ്റ്റിക് ടാങ്കിൽ വെള്ളം നിറഞ്ഞിരുന്നു. ഒരാൾക്ക് മാത്രം ഇറങ്ങാൻ കഴിയുന്ന തരത്തിലുള്ള ഭാഗം സെപ്റ്റിക് ടാങ്കിന് മുകളിൽ ഉണ്ടായിരുന്നു. മൂടാത്ത ഈ ഭാഗത്ത് കൂടിയാണ് കുട്ടി ഉള്ളിലേക്ക് വീണതെന്നാണ് റിപ്പോർട്ട്. പ്രാഥമിക ആരോഗ്യ കേന്ദ്രത്തിൽ നിർമ്മാണ പ്രവർത്തനങ്ങൾ തുടരുന്നതിനിടെയാണ് സംഭവം. ആശുപത്രിയ്ക്ക് സമീപത്ത് താമസിക്കുന്ന കെട്ടിട നിര്‍മ്മാണത്തൊഴിലാളിയുടെ മകളാണ് ജാനുശ്രീ.