ചോറ്
നിങ്ങളുടെ വയറ്റില്‍ ഗ്യാസ് നിറഞ്ഞ് ബുദ്ധിമുട്ടുകള്‍ അനുഭവിക്കുന്ന സമയത്ത് കുറച്ച് ചോറി എടുത്ത് കഴിക്കുന്നത് വളരെ നല്ലതാണ്. കാരണം, ചോറില്‍ അടങ്ങിയിരിക്കുന്ന പശ വയറ്റിലെ ഗ്യാസ്ട്രിക് കണ്ടീഷനെ ഇല്ലാതാക്കാന്‍ സഹായിക്കുന്നുണ്ട്.
കൂടാതെ, ചോറ് കഴിച്ചാലും വേഗത്തില്‍ ദഹിക്കും. അതിനാല്‍ തന്നെ വയറിന്റെ ബുദ്ധിമുട്ടുകള്‍ കുറയ്ക്കാന്‍ ഇത് സഹായിക്കുന്നുണ്ട്. അതുപോലെ, ചില പഠനങ്ങള്‍ പ്രകാരം നെഞ്ചെരിച്ചില്‍ പോലെയുള്ള പ്രശ്‌നങ്ങള്‍ കുറയ്ക്കാനും ഇത് സഹായിക്കുന്നുണ്ട്.
പഴം
ആഹാരം കഴിച്ചതിന് ശേഷം പഴം കഴിക്കുന്നവരെ കണ്ടിട്ടുണ്ടാകും. നമ്മള്‍ കഴിച്ച ആഹാരം കൃത്യമായി ദഹിക്കുന്നതിനാണ് പലരും പഴങ്ങള്‍ കഴിക്കുന്നത്. അതിനാല്‍, നിങ്ങള്‍ക്ക് ദഹന പ്രശ്‌നങ്ങള്‍ അല്ലെങ്കില്‍ വയറ്റില്‍ ഗ്യാസ് കയറുന്ന പ്രശ്‌നം ഉണ്ടാകുമ്പോള്‍ പഴം കഴിക്കുന്നത് വളരെ നല്ലതാണ്. ഇത് അസിഡിറ്റിലെ കുറയ്ക്കാന്‍ സഹായിക്കുന്നുണ്ട്.
സാലഡ് വെള്ളരി
ഇതില്‍ ആല്‍ക്കലി അടങ്ങിയിരിക്കുന്നു. അതിനാല്‍ വയറ്റിലെ അസിഡിറ്റി കുറച്ച് ശാന്തമാക്കാന്‍ വെള്ളരി കഴിക്കുന്നതിലൂടെ സാധിക്കും. ഇത് അമിതമായിട്ടുണ്ടാകുന്ന അസിഡിറ്റിയെ കുറച്ച് വയറിന്റെ ആരോഗ്യം മെച്ചപ്പെടുത്താന്‍ സഹായിക്കുന്നുണ്ട്. ഇതില്‍ വെള്ളത്തിന്റെ അംശം അമിതമായി അടങ്ങിയിരിക്കുന്നതിനാല്‍ തന്നെ കൂടുതല്‍ കഴിച്ചാലും ആരോഗ്യത്തിന് ദോഷമല്ല മറിച്ച് ഗുണമാണ് ഉണ്ടാകുന്നത്.
കസ്‌കസ്
നമ്മള്‍ സര്‍ബത്തില്‍ എല്ലാം ഇട്ട് കഴിക്കുന്ന കസ്‌കസ് വയറിനെ കൂളാക്കി എടുക്കാന്‍ ഏറ്റവും നല്ലതാണ്. ഇത് വളരെ നാച്വറലായിതന്നെ വയറ്റിലെ ഗ്യാസ് പ്രശ്‌നങ്ങള്‍ പരിഹരിക്കാന്‍ സഹായിക്കുന്നു. കൂടാതെ, നെഞ്ചെരിച്ചില്‍ പോലെയുള്ള പ്രശ്‌നങ്ങള്‍ കുറയ്ക്കാനും ഇത് സഹായിക്കുന്നുണ്ട്.
ഇത് ഉപയോഗിക്കുന്നതിനായി കസ്‌കസ് എടുത്ത് വെള്ളത്തില്‍ കുതിര്‍ക്കാന്‍ ഇടണം. ഇത് നന്നായി കുതിര്‍ന്ന് വരുമ്പോള്‍ ചീര്‍ത്ത് വരും. ഇത് കഴിക്കുന്നത് വയറിന്റെ ആരോഗ്യത്തിന് വളരെ നല്ലതാണ്.
മണ്ണിനടിയില്‍ ഉണ്ടാകുന്ന കിഴങ്ങുവര്‍ഗ്ഗങ്ങള്‍
അസിഡിറ്റി കുറയ്ക്കാന്‍ നല്ലതാണ് മണ്ണിനടിയില്‍ ഉണ്ടാകുന്ന കിഴങ്ങു വര്‍ഗ്ഗങ്ങള്‍. പ്രത്യേകിച്ച് ബീറ്റ്‌റൂട്ട്, ക്യാരറ്റ്, ഉരുളക്കിഴങ്ങ് എന്നിവയെല്ലാം. ഇത് നെഞ്ചെരിച്ചില്‍ കുറയ്ക്കുന്നതിനും അതുപോലെ, അസിഡിറ്റി വേഗത്തില്‍ കുറയ്ക്കുന്നതിനും വളരെയധികം സഹായിക്കുന്നു.
