തെരഞ്ഞെടുപ്പ് ഫലം വന്ന് രണ്ട് ദിവസങ്ങൾ കഴിയുമ്പോഴാണ് ഹിമാചലിൽ കോൺഗ്രസ് മുഖ്യമന്ത്രി സ്ഥാനാർഥിയിലേക്ക് എത്തുന്നത്. ഇന്നലെ മുഖ്യമന്ത്രിയെ തീരുമാനിക്കാൻ നിയമസഭാകക്ഷി യോഗം ചേർന്നെങ്കിലും സമവായമാകാതെ പിരിയുകയായിരുന്നു. ഇതോടെയാണ് തീരുമാനം ഹൈക്കമാൻഡിന് വിടുന്നത്. സുഖ്‌വിന്ദർ സുഖു മുഖ്യമന്ത്രിയാകുമെന്ന റിപ്പോർട്ടുകൾ പുറത്തുവന്നതോടെ പ്രതിഭയെ അനുകൂലിക്കുന്ന ഒരുവിഭാഗം പ്രതിഷേധവുമായി രംഗത്തെത്തുകയായിരുന്നു.
Also Read : ഹിമാചലിലെ തോൽവി: നദ്ദയേയും അനുരാഗ് ഠാക്കൂറിനുമെതിരെ കടുത്ത വിമര്‍ശനം; മാറ്റണമെന്ന് അണികള്‍
ഹമിർപുർ ജില്ലയിലെ നദൗൻ മണ്ഡലത്തിൽ തുടർജയങ്ങളോടെ നിയമസഭയിൽ എത്തിയ വ്യക്തിയാണ് സുഖ്‌വിന്ദർ സിങ് സുഖു. 3363 വോട്ടിന്‍റെ ഭൂരിപക്ഷത്തിലാണ് ഇത്തവണത്തെ വിജയം. നിയമസഭ തെരഞ്ഞെടുപ്പിൽ പ്രചാരണ സമിതി തലവനായിരുന്ന അദ്ദേഹം പാർട്ടി അധികാരത്തിലെത്തുന്നതിൽ നിർണായക പങ്കുവഹിച്ച വ്യക്തികൂടിയാണ്.
25 എംഎൽഎമാരുടെ പിന്തുണ സുഖ്‌വിന്ദറിന് ഉണ്ടെന്നാണ് റിപ്പോർട്ടുകൾ. എൽഎൽബി ബിരുദധാരിയായ ഇദ്ദേഹം വിദ്യാർഥി സംഘടനയായ നാഷനൽ സ്റ്റുഡന്‍റ്സ് യൂണിയനിലൂടെയാണ് രാഷ്ട്രീയത്തിലേക്ക് എത്തുന്നത്. മുഖ്യമന്ത്രി സ്ഥാനത്തേക്ക് ആദ്യമേ ഉയർന്ന പേര് സുഖുവിന്‍റേതായിരുന്നു. എന്നാൽ പ്രതിഭാ സിങ്ങിനായി ഒരുവിഭാഗം രംഗത്തെത്തിയതോടെയാണ് തീരുമാനം നീണ്ട് പോയത്.
Also Read : ‘കമ്പിയും സിമന്‍റുമില്ലാതെ’ മേൽക്കൂര; കെട്ടിടത്തിൽ പോലീസ് സ്റ്റേഷൻ പ്രവർത്തിച്ചത് 18 വർഷം; പുറത്തു വരുന്നത് അഴിമതി കഥകൾ
ഹിമാചൽ ജനസംഖ്യയുടെ 33 ശതമാനത്തോളം വരുന്ന രജ്പുത്ത് വിഭാഗത്തിൽനിന്നുള്ള നേതാവാണെന്നതും സുഖുവിന് കാര്യങ്ങൾ എളുപ്പമാക്കും. 1998 മുതൽ 2008 വരെ സംസ്ഥാന യൂത്ത് കോൺഗ്രസ് അധ്യക്ഷനായിരുന്ന ഇദ്ദേഹം 2009ലാണ് സംസ്ഥാന കോൺഗ്രസ് അധ്യക്ഷ കസേരയിലെത്തുന്നത്. 10 വർഷം ഈ പദവിയിൽ തുടരുകയും ചെയ്തു.
സഞ്ജുവിന് പിന്തുണയുമായി ആരാധകർ | Sanju samson Painting
