ചരിത്ര കുതിപ്പിന് ഇന്ന് യുഎഇ; ആദ്യ ചാന്ദ്ര ദൗത്യത്തിന്‍റെ വിക്ഷേപണം ഇന്ന്

മിഷന്‍ 1-ല്‍ ചന്ദ്രനിലേക്ക് പറക്കുന്ന നിരവധി സര്‍ക്കാര്‍, വാണിജ്യ ഉപകരണങ്ങളില്‍ ഒന്നാണ് റാഷിദ് റോവര്‍. 10 കിലോ ഭാരമുള്ള ഈ റോവര്‍ ദുബായിലെ മുഹമ്മദ് ബിന്‍ റാഷിദ് സ്‌പേസ് സെന്ററില്‍ യുഎഇ ശാസ്ത്രജ്ഞരുടെ ഒരു ചെറുസംഘമാണ് നിര്‍മ്മിച്ചത്. നാലു ചക്രങ്ങളുള്ള റോവര്‍ ചന്ദ്രന്റെ ഭൂമിശാസ്ത്രവും ചന്ദ്രന്റെ പൊടിപടലങ്ങളുടെ സ്വഭാവവും പഠിക്കാന്‍ ചന്ദ്രന്‍റെ ഉപരിതലത്തില്‍ ഒരു ചാന്ദ്ര ദിവസം ചെലവഴിക്കും. 14 ഭൗമ ദിനങ്ങള്‍ക്ക് തുല്യമാണിത്.

ദൗത്യത്തിന് പിന്നില്‍ പ്രവര്‍ത്തിക്കുന്ന യുഎഇ എഞ്ചിനീയര്‍മാര്‍ നേരത്തേ ഫ്ളോറിഡയില്‍ എത്തിയിരുന്നു. ഫാല്‍ക്കണ്‍ 9 റോക്കറ്റ് ലാന്‍ഡറിനെ ബഹിരാകാശത്ത് ഭ്രമണപഥത്തിലേക്ക് കൊണ്ടുപോകും. അവിടെ നിന്ന് ചന്ദ്രനിലേക്ക് തനിച്ചായിരിക്കും റാഷിദ് റോവറിന്‍റെ യാത്ര. ഭൂമിയില്‍ നിന്ന് ഏകദേശം 385,000 കിലോമീറ്റര്‍ അകലേക്കാണ് എമിറേറ്റ്സ് ലൂണാര്‍ മിഷന്‍ കുതിക്കുക. ഏപ്രില്‍ അവസാനത്തോടെ ലാന്‍ഡര്‍ ചന്ദ്രനിലെത്തുമെന്നാണ് പ്രതീക്ഷിക്കുന്നത്. റാഷിദ് റോവര്‍ ചന്ദ്രോപരിതലത്തില്‍ ലാന്‍ഡ് ചെയ്താല്‍, ചന്ദ്രനിലെ മണ്ണിന്‍റെ സവിശേഷതകള്‍, ചന്ദ്രന്‍റെ പെട്രോഗ്രാഫി, ജിയോളജി, ഉപരിതല പ്ലാസ്മ അവസ്ഥകള്‍, ചന്ദ്രന്റെ ഫോട്ടോ ഇലക്ട്രോണ്‍ കവചം തുടങ്ങിയവയെ കുറിച്ച് പഠനം നടത്തും.

Also Read: ശമ്പളം ലഭിക്കാതെ ‘രണ്ടു മാസത്തോളം’; സൗദിയില്‍ ദുരിതത്തിലായ മലയാളിയെ നാട്ടിലെത്തിച്ചു

ചന്ദ്രനിലേക്ക് ഒരു വാണിജ്യ ദൗത്യം നടത്തുന്ന ആദ്യത്തെ സ്വകാര്യ കമ്പനിയാണ് ജപ്പാനിലെ ഐസ്‌പേസ്. ബഹിരാകാശ വ്യവസായത്തില്‍ ഇരു രാജ്യങ്ങളും തമ്മിലുള്ള വലിയ സഹകരണത്തിന് ഈ ദൗത്യം വഴിയൊരുക്കുമെന്നാണ് കരുതപ്പെടുന്നത്. ചന്ദ്രന്‍റെ സാധ്യതകള്‍ തുറന്നുകാട്ടുന്നതിനും അതിനെ ശക്തവും ഊര്‍ജ്ജസ്വലവുമായ ഒരു സാമ്പത്തിക സംവിധാനമാക്കി മാറ്റുന്നതിനുള്ള അടിത്തറ പാകുകയാണ് ഈ ദൗത്യത്തിലൂടെ തങ്ങള്‍ ലക്ഷ്യമിടുന്നതെന്ന് ഐസ്‌പേസിന്‍റെ സ്ഥാപകന്‍ പുതിയ വിക്ഷേപണ തീയതി പ്രഖ്യാപിച്ചു കൊണ്ട് വ്യക്തമാക്കി.



യുഎഇയിലെ മുസ്ലിംങ്ങളല്ലാത്ത പ്രവാസികള്‍ക്ക് വ്യക്തിനിയമം

യുഎഇയില്‍ താമസിക്കുന്ന ഇസ്ലാം മതവിശ്വാസികളല്ലാത്ത പ്രവാസികള്‍ക്ക് അവരവരുടെ വ്യക്തി നിയമങ്ങള്‍ അനുവദിക്കാന്‍ തീരുമാനം. വിവാഹം, വിവാഹമോചനം, കുട്ടികളുടെ സംരക്ഷണം, അനന്തരാവകാശം, വില്‍പത്രം എന്നീ വിഷയങ്ങളില്‍ വ്യക്തിഗത പദവി അനുവദിക്കുന്ന ഫെഡറല്‍ നിയമം അടുത്ത വര്‍ഷം ഫെബ്രുവരി മുതല്‍ നിലവില്‍ വരും. യുഎഇയില്‍ താമസിക്കുന്ന മുസ്ലിം ഇതര വിശ്വാസികള്‍ക്ക് ഏറെ ഉപകാരപ്രദമാവും പുതിയ തീരുമാനം.

വിവാഹകരാറുകള്‍ നിയമപരമാക്കാനും കോടതിക്ക് മുമ്പില്‍ ഹാജരായി വിവാഹമോചനം തേടാനും പുതിയ നിയമത്തിലൂടെ സാധ്യമാകും. വിവാഹ മോചനാനന്തരമുള്ള സാമ്പത്തിക തര്‍ക്കങ്ങള്‍, കുട്ടികളുടെ സംരക്ഷണം, അനന്തരാവകാശം, പിതൃത്വവുമായി ബന്ധപ്പെട്ട കാര്യങ്ങള്‍ എന്നിവയിലെല്ലാം അന്താരാഷ്ട്ര മാനദണ്ഡങ്ങള്‍ പ്രകാരമാണ് കോടതികള്‍ വിധി കല്‍പ്പിക്കുക. 2021 നവംബര്‍ മുതല്‍ അബുദാബി എമിറേറ്റില്‍ നടപ്പിലാക്കിയ നിയമമാണ് ഫെബ്രുവരി മുതല്‍ യുഎഇയിലെ മുഴുവന്‍ എമിറേറ്റുകള്‍ക്കും ബാധകമായ ഫെഡറല്‍ നിമമായി മാറുന്നത്.

Read Latest Gulf New sand Malayalam News