ബെംഗളൂരു: സുഹൃത്തുക്കൾക്കൊപ്പം ലൈംഗിക ബന്ധത്തിൽ ഏർപ്പെടാൻ ഭാര്യയെ നിർബന്ധിച്ച് യുവാവ്. ബെംഗളൂരു തനിസാന്ദ്രയിലെ 37കാരിയായ ടെക്കി യുവതിയാണ് ഭർത്താവിനെതിരെ ഗുരുതര ആരോപണങ്ങളുമായി രംഗത്ത് വന്നത്. സോഫ്റ്റ് വെയർ എഞ്ചിനീയറായ ഭർത്താവ് അയാളുടെ രണ്ട് സുഹൃത്തുക്കൾക്കൊപ്പം ലൈംഗിക ബന്ധത്തിൽ ഏർപ്പെടാൻ നിർബന്ധിക്കുകയും സ്വകാര്യ വീഡിയോകൾ ചിത്രീകരിക്കുകയും ചെയ്തുവെന്നാണ് യുവതിയുടെ പരാതി.
തന്റെ സ്വകാര്യ ദൃശ്യങ്ങൾ പുറത്തുവിടുമെന്ന് ഭർത്താവ് ഭീഷണിപ്പെടുത്തിയതായും യുവതിയുടെ പരാതിയിൽ ചൂണ്ടിക്കാട്ടുന്നു. സുഹൃത്തുക്കൾക്കൊപ്പം കിടക്ക പങ്കിടാൻ വിസമ്മതിച്ചതോടെ ഭർത്താവ് തന്നെ ക്രൂരമായി മർദ്ദിച്ചിരുന്നുവെന്നും യുവതി ആരോപിക്കുന്നു. ഭർത്താവുമായുള്ള വിവാഹ ബന്ധം വേർപെടുത്താൻ യുവതി ശ്രമം നടത്തിയപ്പോൾ സ്വകാര്യ വീഡിയോകൾ പുറത്ത് വിടുമെന്ന് ഇയാൾ ഭീഷണിപ്പെടുത്തിയിരുന്നു. സാംപിഗെഹള്ളിയിലെ താമസക്കാരയ ദമ്പതികൾ 2011ലാണ് വിവാഹിതരായത്. ഇരുവർക്കും ഒരു മകൻ ഉണ്ട്.
ഭർത്താവ് മദ്യപാനിയും ലഹരി മരുന്നുകൾക്ക് അടിമയാണെന്നും യുവതിയുടെ പരാതിയിൽ ചൂണ്ടിക്കാട്ടുന്നു. തന്റെ സഹോദരിയോടും ഭർത്താവ് അപമര്യാദയായി പെരുമാറിയിട്ടുണ്ടെന്ന് യുവതിയുടെ പരാതിയിൽ പറയുന്നു. അതേസമയം സ്വകാര്യ ദൃശ്യങ്ങൾ പുറത്തുവിടുമെന്ന് ഭീഷണിപ്പെടുത്തി യുവതിയുമായി നിർബന്ധപൂർവ്വം ലൈംഗിക ബന്ധത്തിലേർപ്പെട്ട യുവാവിനെ കഴിഞ്ഞ ദിവസം അറസ്റ്റ് ചെയ്തിരുന്നു. സ്വകാര്യ ദൃശ്യങ്ങൾ അശ്ലീല സൈറ്റുകളിൽ പ്രചരിപ്പിക്കുമെന്നായിരുന്നു ബൊമ്മനഹള്ളി സ്വദേശിയായ യുവാവിന്റെ ഭീഷണി. പരാതിയിൽ കൂടുതൽ അന്വേഷണം വേണമെന്ന് പോലീസ് വ്യക്തമാക്കി.
Read Latest National News and Malayalam News
പച്ചമാംസമടക്കം നൽകും; 50ലധികം നായ്ക്കളെ തീറ്റിപ്പോറ്റി നാടോടി സ്ത്രീ, നെടുമങ്ങാട് ടൗണില്‍ ഇറങ്ങാന്‍ ഭയന്ന് ജനംപച്ചമാംസമടക്കം നൽകും; 50ലധികം നായ്ക്കളെ തീറ്റിപ്പോറ്റി നാടോടി സ്ത്രീ, നെടുമങ്ങാട് ടൗണില്‍ ഇറങ്ങാന്‍ ഭയന്ന് ജനം
നടി വീണാ കപൂറിനെ മകൻ കൊലപ്പെടുത്തി
പ്രമുഖ നടി വീണാ കപൂറിനെ മകൻ തലക്കടിച്ച് കൊലപ്പെടുത്തി. സ്വത്ത് തർക്കത്തെ തുടർന്നാണ് കൊലപാതകം. മകൻ സച്ചിൻ കപൂറിനെ പോലീസ് അറസ്റ്റ് ചെയ്തു. ബേസ്‌ബോൾ ബാറ്റുപയോഗിച്ച് തലയ്ക്ക് അടിച്ചായിരുന്നു കൊലപാതകം. ഇതിന് ശേഷം മൃതദേഹം പുഴയിൽ ഉപേക്ഷിക്കുകയായിരുന്നു. ജഹു പോലീസാണ് 43കാരനായ മകൻ സച്ചിൻ കപൂറിനെ അറസ്റ്റ് ചെയ്തത്. മൃതദേഹം ഉപേക്ഷിക്കാൻ സച്ചിനെ സഹായിച്ച വീട്ടുജോലിക്കാരൻ ലാലുകുമാർ മണ്ഡലിനേയും പോലീസ് അറസ്റ്റ് ചെയ്തിട്ടുണ്ട്. കുറച്ച് ദിവസമായി വീണാ കപൂറിനെ പുറത്ത് കാണാതായതോടെ അപ്പാർട്ട്‌മെന്റിലെ സെക്യൂരിറ്റി ജീവനക്കാരൻ പോലീസിൽ വിവരം അറിയിക്കുകയായിരുന്നു.
ഇതോടെ അന്വേഷണം ആരംഭിച്ച പോലീസ് വീണാ കപൂറിന്റെ ഫോൺ ലൊക്കേഷൻ അവരുടെ താമസ സ്ഥലത്തിന് സമീപത്തും മകന്റേത് പനവേലിലുമാണെന്ന് കണ്ടെത്തി. തുടർന്ന് മകനേയും സഹായിയേയും സ്‌റ്റേഷനിലേക്ക് വിളിച്ചുവരുത്തി വിശദമായി ചോദ്യം ചെയ്യുകയായിരുന്നു. വീണാ കപൂറിന്റെ മൂത്ത മകൻ അമേരിക്കയിലാണ് താമസം. ഇളയ മകനുമായി ഏറെക്കാലമായി സ്വത്ത് തർക്കം നിലനിൽക്കുന്നുണ്ടായിരുന്നു.
