പൂച്ചെടി ലോറിയിൽ കഞ്ചാവ് കടത്ത്; ആന്ധ്രയിൽ നിന്നെത്തിച്ച 56 കിലോ കഞ്ചാവ് പാലക്കാട് പിടികൂടി

പാലക്കാട്: പൂച്ചെടി ലോറിയിൽ ഒളിപ്പിച്ച് കടത്തുകയായിരുന്ന കഞ്ചാവ് പാലക്കാട് പിടികൂടി. ആന്ധ്രാപ്രദേശിൽ നിന്നും അങ്കമാലിയിലേക്ക് കൊണ്ടുവന്ന കഞ്ചാവാണ് പാലക്കാട് നിന്ന് എക്സൈസ് സംഘം പിടികൂടിയത്. 56 കിലോയിലധികം കഞ്ചാവാണ് ലോറിയിലുണ്ടായിരുന്നതെന്നാണ് റിപ്പോർട്ട്.



കഞ്ചാവ് കടത്തുമായി ബന്ധപ്പെട്ട് രണ്ട് പേരെ എക്സൈസ് കസ്റ്റഡിയിൽ എടുത്തതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു. ചാലക്കുടി സ്വദേശി സുനു ആന്‍റണി, വയനാട് സ്വദേശി നിഖിൽ എന്നിവരാണ് പിടിയിലായത്. എക്സൈസ് സ്റ്റേറ്റ് എൻഫോഴ്സ്മെന്‍റ് സംഘത്തിന് കിട്ടിയ രഹസ്യ വിവരത്തെ തുടർന്ന് നടത്തിയ പരിശോധനയിലാണ് കഞ്ചാവ് കടത്തുകയായിരുന്ന വാഹനം പിടികൂടിയത്.

Also Read : പാലാ വോട്ട് ചോർച്ചയിലും അമ്പലപ്പുഴയിലും നടപടി ഉണ്ടാകുമോ? സിപിഎം സംസ്ഥാന സമിതി യോഗം ഇന്നും നാളെയും



പൂച്ചെടി ലോഡ് എന്ന വ്യാജേനയായിരുന്നു സംഘം കഞ്ചാവ് കടത്തിയത് വാഹന പരിശോധനയ്ക്കിടെയാണ് വാഹനത്തിൽ കഞ്ചാവ് ഉള്ളതായി വ്യക്തമാകുന്നത്. ലോറിയുടെ ഡ്രൈവിംഗ് സീറ്റിനോട് ചേർന്ന ബോക്സിലാണ് കഞ്ചാവ് ഒളിപ്പിച്ചിരുന്നതെന്നാണ് റിപ്പോർട്ട്.

Also Read : അഫ്ഗാനിൽ സര്‍ക്കാര്‍ ഉണ്ടാക്കുന്നത് യുഎസ് ലക്ഷ്യമല്ല; നീണ്ട യുദ്ധം അവസാനിപ്പിക്കുന്നെന്ന് ബൈഡൻ