ഉപ്പ് ഉപയോഗിച്ച് വൃത്തിയാക്കാം
മരത്തിന്റെ ചോപ്പിംഗ് ബോര്‍ഡില്‍ പച്ചക്കറികള്‍ നുറുക്കിയതിന് ശേഷം നന്നായി വൃത്തിയാക്കി വെക്കണം. ഇത്തരത്തില്‍ വൃത്തിയാക്കുന്നതിന് ഉപ്പ് ഉപയോഗിക്കാവുന്നതാണ്. ഇതിനായി ആദ്യം നിങ്ങളുടെ ചോപ്പിംഗ് ബോര്‍ഡ് നന്നായി കഴുകുക.
ഇതിലേയ്ക്ക് കുറച്ച് ചൂടുവെള്ളത്തില്‍ സോപ്പുംപൊടി ചേര്‍ത്ത് നന്നായി കഴുകണം. അതിനുശേഷം ഇതിന് മുകളില്‍ ഉപ്പിട്ട് നന്നായി ഉരയ്ക്കുക. വേണമെങ്കില്‍ ചെറുനാരങ്ങ ഉരയ്ക്കാനായി ഉപയോഗിക്കാവുന്നതാണ്. ഉപ്പ് അലിയുന്നത് വരെ ഇത്തരത്തില്‍ ചെയ്യുക. അതിനുശേഷം കഴുകി വെക്കാവുന്നതാണ്.
നാരങ്ങ നീര് ഉപയോഗിക്കാവുന്നതാണ്
ചോപ്പിംഗ് ബോര്‍ഡ് വൃത്തിയാക്കി എടുക്കുന്നതിന് നാരങ്ങനീരും ഉപയോഗിക്കാവുന്നതാണ്. ഇത് കറകളെല്ലാം നീക്കം ചെയ്യുന്നതിന് വളരെയധികം സഹായിക്കും. ഇതിലേയ്ക്ക് നാരങ്ങ നീര് നേരിട്ട് തേച്ച് ഉരച്ച് കറകള്‍ നീക്കാവുന്നതാണ്. അല്ലെങ്കില്‍ ചൂടുള്ള വെള്ളത്തില്‍ നാരങ്ങനീര് ചേര്‍ത്ത് ആ വെള്ളം ഉപ.യോഗിച്ച് വൃത്തിയാക്കി എടുക്കുക.
ബേക്കിംഗ് സോഡ ഉപയോഗിക്കാം
ബേക്കിംഗ് സോഡ ഉപയോഗിക്കുന്നതും ചോപ്പിംഗ് ബോര്‍ഡ് വൃത്തിയാക്കി എടുക്കാന്‍ സഹായിക്കുന്നതാണ്. കറപിടിച്ചിരിക്കുന്ന ഭാഗത്ത് ബേക്കിംഗ് സോഡ വിതറുക. അതിനുശേഷം ഒരു തുണി ഉപയോഗിച്ച് നന്നായി ഉരച്ച് കഴുകി വെയിലത്് വെച്ച് ഉണക്കി എടുത്താല്‍ സാധനം ക്ലീന്‍!
വിനാഗിരിയില്‍ മുക്കിവെക്കാം
ഒരു പാത്രത്തില്‍ കുറച്ച് വെള്ളം എടുക്കുക. ഇതിലേയ്ക്ക് വിനാഗിരി ഒഴിക്കണം.അ തിനുശേഷം ഇതിലേയ്ക്ക് ഈ ചോപ്പിംഗ് ബോര്‍ഡ് ഇട്ട് ഒരകു രാത്രി വെക്കണം. പിറ്റേന്ന് ഇതിലെ കറകളെല്ലാം നീക്കം ചെയ്യപ്പെടടിരിക്കുന്നതായി കാണുവാന്‍ സാധിക്കുന്നതാണ്.
സാന്‍ഡ് പേപ്പര്‍ ഉപയോഗിക്കാം
മേല്‍ പറഞ്ഞ കാര്യങ്ങള്‍ ഒന്നും പറ്റിയില്ലെങ്കില്‍ ഒറു സാന്‍ഡ് പേപ്പര്‍ വാങ്ങി അതുകൊണ്ട് ഉരച്ച് ചോപ്പിംഗ് ബോര്‍ഡിലെ കറയും അഴുക്കുമെല്ലാം നീക്കം ചെയ്‌തെടുക്കാന്‍ സാധിക്കുന്നതാണ്. ഇത് ചോപ്പിംഗ് ബോര്‍ഡിന് നല്ല സ്മൂത്ത് ഫിനിഷിംഗ് നല്‍കാനും വളരെയധികം സഹായിക്കും. അതിനാല്‍ ഈ മാര്‍ഗ്ഗവും സ്വീകരിക്കാവുന്നതാണ്.
