വിവാഹ മോചന കേസിൽ മൂന്നാമതൊരാളുടെ കോൾ വിശദാംശങ്ങളും മൊബൈൽ ലൊക്കേഷൻ വിവരങ്ങളും സമർപ്പിക്കാൻ മൊബൈൽ സേവന ദാതാവിന് കുടുംബ കോടതി നൽകിയ നിർദ്ദേശമാണ് ഹൈക്കോടതി റദ്ദാക്കിയിരിക്കുന്നത്. വൈവാഹിക തർക്കത്തിൽ കാമുകനെന്ന് ആരോപിക്കപ്പെടുന്ന വ്യക്തിയുടെ മൊബൈൽ വിവരങ്ങൾ പരസ്യപ്പെടുത്തുന്നത് സ്വകാര്യതാ ലംഘനമാണെന്ന് കോടതി നിരീക്ഷിച്ചു. ഭാര്യയുടെ കാമുകൻ എന്ന് ആരോപിക്കപ്പെടുന്ന വ്യക്തിയുടെ ഹ‍ർജിയിലാണ് കോടതി ഉത്തരവുണ്ടായിരിക്കുന്നത്.
6000 മിഠായി കടലാസുകൾ, 15.75 ചതുരശ്ര മീറ്റർ സ്വര്‍ണ മത്സ്യം, സുധീഷ് മാഷ് കയറിയത് ഗിന്നസ് വേള്‍ഡ് റെക്കോഡിലേക്ക്
കേസിൽ നേരിട്ട് ബന്ധമില്ലാത്ത വ്യക്തിയാണ് ഇദ്ദേഹം. വിവാഹേതര ബന്ധം ആരോപിക്കപ്പെടുന്നതു കൊണ്ടു മാത്രം അദ്ദേഹത്തെ കേസിന്റെ ഭാഗമാക്കാൻ സാധിക്കില്ല. സ്വന്തം സ്വകാര്യതയും കുടുംബത്തിന്റെയും വിവാഹ ബന്ധത്തിന്റെയും മറ്റു ബന്ധങ്ങളുടെയും സ്വകാര്യത സംരക്ഷിക്കാൻ ഒരാൾക്ക് അവകാശമുണ്ട്. സിവിൽ കേസുമായി ബന്ധമില്ലാത്ത ഒരു വ്യക്തിയുടെ മൊബൈൽ വിവരങ്ങൾ കൈമാറുന്നത് സ്വകാര്യതയുടെ ലംഘനമാണെന്ന് കോടതി നിരീക്ഷിച്ചു.
Kannur News :ടാങ്കറിൽ പാചക വാതകം, മദ്യപിച്ച് ലക്കുകെട്ട് ഡ്രൈവർ, പിലാത്തറയിൽ വൻ ദുരന്തം ഒഴിവായത് തലനാരിഴയ്ക്ക്
39 കാരനായ ഭർത്താവിന്റെ ക്രൂരമായ പെരുമാറ്റത്തിന്റെ പേരിൽ 37 കാരിയായ സ്ത്രീ 2018ൽ സമ‍ർപ്പിച്ച വിവാഹ മോചന കേസിലാണ് കാമുകന്റെ ഫോൺ വിവരങ്ങൾ സമ‍ർപ്പിക്കണമെന്ന് ബെംഗളുരുവിലെ കുടുംബ കോടതി മൊബൈൽ സേവന ദാതാവിനോട് നി‍ർദ്ദേശിച്ചത്. ഭാര്യക്ക് മറ്റൊരാളുമായി വിവാഹേതര ബന്ധം ഉണ്ടെന്നും അത് തെളിയിക്കുന്നതിനായി ഫോൺ വിവരങ്ങൾ നൽകണമെന്നുമായിരുന്നു ഭർത്താവിന്റെ ആവശ്യം.
2019 ഫെബ്രുവരി 28നാണ് ഭാര്യാ കാമുകന്റെ ഫോൺ വിവരങ്ങൾ സമർപ്പിക്കാൻ കുടുംബ കോടതി നി‍ർദ്ദേശിച്ചത്. ഇതിനു പിന്നാലെയാണ് കാമുകനെന്ന് ആരോപിക്കപ്പെടുന്ന ആൾ ഹൈക്കോടതിയെ സമീപിച്ചത്.
പുതിയ പാലമെന്ന അലക്‌സ് നഗറിലെ ജനങ്ങളുടെ സ്വപ്‌നം കരതൊടുന്നു
