Also Read: പെരിയയിൽ സുബൈദയെ കൊലപ്പെടുത്തിയ കേസിൽ ഒന്നാം പ്രതിക്ക് ജീവപര്യന്തം തടവ്, മൂന്നാം പ്രതി അർഷാദിനെ വിട്ടയച്ചു, രണ്ടാം പ്രതി ഇപ്പോഴും ഒളിവിൽ
മധേപൂർ ഡിഎസ്പി സ്ഥലത്തെത്തി അന്വേഷണം ആരംഭിച്ചു. 2016 ഏപ്രിൽ മുതൽ ബീഹാറിൽ മദ്യവിൽപ്പനയും ഉപഭോഗവും പൂർണമായി നിരോധിച്ചിരുന്നു. അതുകൊണ്ട് തന്നെ ചോദ്യം ചെയ്യപ്പെടുമെന്ന ഭയത്താൽ വ്യാജ മദ്യം കഴിച്ചവരിൽ പലരും ഒളിവിലാണ്. അത്തരത്തിലുള്ളവരെ പോലീസ് കണ്ടെത്താൻ ശ്രമിക്കുകയാണ്. കഴിഞ്ഞ ദിവസം മൂന്ന് പേരായിരുന്നു മരിച്ചത്.
ജില്ലാ പോലീസ് സേന ഛപ്ര സദര്‍ ആശുപത്രിയിലെത്തി അമിതിന്റെ മൃതദേഹം കൂടുതല്‍ അന്വേഷണത്തിനായി കസ്റ്റഡിയിലെടുത്തിട്ടുണ്ട്. അതേസമയം വ്യാജമദ്യം കഴിച്ചുളള മരണസംഖ്യ ഉയരുന്നതിനെക്കുറിച്ച് ഭരണകൂടം ഇതുവരെ പ്രതികരിക്കാന്‍ തയ്യാറായിട്ടില്ല. ദുരന്തത്തിന് പിന്നാലെ രോക്ഷാകപലരായ ജനങ്ങൾ ഹനുമാൻ ചൗക്കിലെ ദേശീയ പാത ഉരപരോധിച്ചു.
ജില്ല ഭരണകൂടത്തിനെതിരെ രൂക്ഷ വിമർശനമാണ് ജനങ്ങൾ ഉന്നയിക്കുന്നത്. കഴിഞ്ഞ മാർച്ചിൽ വ്യാജമദ്യം കുടിച്ച് 32 പേർ മരിച്ചിരുന്നു. ഓഗസ്റ്റിൽ സരൺ ജില്ലയിലും സമാന സംഭവം നടന്നിരുന്നു. 11 പേരുടെ ജീവനാണ് അന്ന് വ്യാജ മദ്യദുരന്തമെടുത്തത്. 12-ഓളം പേർക്ക് ഗുരുതരമായ അസുഖം ബാധിക്കുകയും പലർക്കും കാഴ്ച നഷ്ടപ്പെടുകയും ചെയ്തിരുന്നു.
ബിഹാറിലെ വ്യാജ മദ്യ ദുരന്തം ലോക്സഭയിലെ സിറോ അവറിൽ ഉന്നയിക്കപ്പെട്ടു. സരൺ പോലീസ് സൂപ്രണ്ടിനെ ഉടൻ സസ്‌പെൻഡ് ചെയ്യണമെന്ന് ആവശ്യപ്പെട്ട് ബിജെപി അംഗം ജനാർദൻ സിംഗ് സിഗ്രിവാൾ ലോക് സഭയിൽ ഉന്നയിക്കുകയായിരുന്നു. ബീഹാറിൽ അനധികൃത മദ്യം കഴിച്ച് പ്രതിദിനം നൂറുകണക്കിന് ആളുകൾ മരിക്കുന്നുണ്ടെന്ന് ജനാർദൻ സിംഗ് സിഗ്രിവാൾ അവകാശപ്പെട്ടു. മറ്റൊരു ബിജെപി എംപി ശുക്ല വിഷയം വിശദമായി പരിശോധിക്കാൻ ആരോഗ്യ മന്ത്രാലയം ഒരു കമ്മിറ്റി രൂപീകരിക്കണമെന്ന് ആവശ്യപ്പെട്ടു.
Also Rea
