പൊതു ഗതാഗതത്തിന്റെ ഉപയോഗം വര്‍ധിപ്പിക്കാന്‍ റോമാനിയ എന്ന രാജ്യം ചെയ്ത രീതിയാണ് ഇപ്പോള്‍ പ്രശംസ നേടുന്നത്. ആരോഗ്യകരമായ രീതിയില്‍ പൊതു ഗതാഗതത്തിന്റെ ഉപയോഗം വര്‍ധിപ്പിക്കാനാണ് റോമാനിയ ശ്രമിക്കുന്നത്.
ഹൈലൈറ്റ്:
- ബസ് ടിക്കറ്റ് ഫ്രീയായി ലഭിക്കും
- ഇൻസ്റ്റഗ്രാമിലാണ് വീഡിയോ പങ്കുവെച്ചത്
ഇത്തരത്തില്‍ പൊതു ഗതാഗതത്തിന്റെ ഉപയോഗം വര്‍ധിപ്പിക്കാന്‍ റോമാനിയ എന്ന രാജ്യം ചെയ്ത രീതിയാണ് ഇപ്പോള്‍ പ്രശംസ നേടുന്നത്. ആരോഗ്യകരമായ രീതിയില്‍ പൊതു ഗതാഗതത്തിന്റെ ഉപയോഗം വര്‍ധിപ്പിക്കാനാണ് റോമാനിയ ശ്രമിക്കുന്നത്. പൊതു ഗതാഗതം ഉപയോഗിക്കുന്നതിന്റെ ഭാഗമായി ബസിന് ടിക്കറ്റ് ലഭിക്കാന്‍ ഒരു വേറിട്ട രീതിയാണ് ഈ രാജ്യം പിന്തുടരുന്നത്. ബസ് ടിക്കറ്റ് എടുക്കുന്നതിന് ടിക്കറ്റ് ബൂത്തിന് മുന്നില്‍ നിന്ന് സ്‌ക്വാടുകള്‍ ചെയ്താല്‍ ഫ്രീ ടിക്കറ്റുകള്‍ നല്‍കിയാണ് അധികാരികള്‍ പുതിയ രീതി അവലംബിച്ചിരിക്കുന്നത്.
ഇതിന്റെ വീഡിയോ അലീന ബോല്‍കിന എന്ന ഉപയോക്താവാണ് ഇന്‍സ്റ്റാഗ്രാമില്‍ പങ്കുവെച്ചത്. ഒരു ബൂത്തിന് മുന്നില്‍ യുവതി 20 സ്‌ക്വാറ്റുകള്‍ നടത്തുന്നത് വീഡിയോയില്‍ കാണാം. ബൂത്തില്‍ ഒരു ക്യാമറ സ്ഥാപിച്ചിട്ടുണ്ട് കൂടാതെ വ്യക്തി നടത്തുന്ന ഓരോ സ്‌ക്വാറ്റിന്റെയും കണക്കും അവിടെ മോണിറ്ററില്‍ കാണാന്‍ സാധിക്കും. 20 സെറ്റ് പൂര്‍ത്തിയായി കഴിയുമ്പോള്‍ മെഷീനില്‍ നിന്ന് സൗജന്യം ബസ് ടിക്കറ്റ് ലഭിക്കും. ഏറെ രസകരമായ ഈ സംഭവം പലരും ആസ്വദിച്ചാണ് ചെയ്യുന്നത്.
Also Read: വധുവിന് വരൻ നൽകിയ സർപ്രൈസ് സമ്മാനം കണ്ടോ? ആദ്യം വിമർഷിച്ച ആരാധകർ പിന്നീട് കൈയ്യടിച്ചു
ഒക്ടോബറില്‍ പങ്കിട്ട വീഡിയോ വീണ്ടും സോഷ്യല്‍ മീഡിയയില്‍ വൈറലാകുകയായിരുന്നു. അപ്ലോഡ് ചെയ്തതിന് ശേഷം ഇത് ഒരു ദശലക്ഷത്തിലധികം ആളുകളാണ് ഇതുവരെ കണ്ടത്. ആരോഗ്യകരമായ ഈ ഉദ്യമത്തെക്കുറിച്ച് നിരവധി പേരാണ് വീഡിയോയ്ക്ക് താഴെ കമന്റുകളിട്ടിരിക്കുന്നത്. ആളുകളുടെ ജീവിതശൈലിയില്‍ മാറ്റം കൊണ്ടുവരാനും ഈ പുതിയ രീതിക്ക് സാധിക്കുന്നുണ്ട്.
‘ഇത് വളരെ നല്ല ആശയമാണ് എന്നാണ്,’ ഒരു ഉപയോക്താവ് വീഡിയോയ്ക്ക് താഴെ കമന്റിട്ടിരിക്കുന്നത്.
സ്വന്തമായി കാറും ടൂ വീലറുകളും വന്നതോടെ ആളുകൾ പൊതു ഗതാഗതം ഉപയോഗിക്കുന്നത് വളരെയധികം കുറഞ്ഞിരിക്കുകയാണ്. റോഡിൽ ഇറങ്ങുന്ന വാഹനങ്ങളുടെ എണ്ണം കൂടിയതോടെ ആണ് അന്തരീക്ഷ മലിനീകരണം വർധിക്കാൻ കാരണമാകുന്നത്. കാലാവസ്ഥ വ്യതിയാനം മൂലവും വളരെ വലിയ പ്രശ്നങ്ങളാണ് ഇന്നത്തെ സമൂഹം നേരിട്ട് കൊണ്ടിരിക്കുന്നത്. ഈ സാഹചര്യത്തിൽ രാജ്യങ്ങൾ ഇങ്ങനെയുള്ള നടപടികൾ സ്വീകരിക്കുന്നത് വളരെയധികം ഗുണം ചെയ്യും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
