ഇന്ത്യയില്‍ ഓരോ വര്‍ഷവും ഡസന്‍ കണക്കിന് ആളുകളാണ്, പ്രത്യേകിച്ച് സ്ത്രീകള്‍ ക്രൂരമായ ആസിഡ് ആക്രമണത്തിന് ഇരകളാകുന്നത്. ശക്തമായ രാസവസ്തു ചര്‍മ്മത്തിലും ഇരയുടെ മനസ്സിലും ശാശ്വതമായ സ്വാധീനം ചെലുത്തുമ്പോള്‍, ആക്രമിക്കപ്പെട്ട വ്യക്തിക്ക് ശരിയായ പ്രഥമശുശ്രൂഷ നല്‍കുന്നതിലൂടെ ആസിഡ് ആക്രമണത്തിന്റെ പ്രഭാവം കുറയ്ക്കാന്‍ കഴിയും. നിര്‍ഭാഗ്യവശാല്‍ നിങ്ങള്‍ ഒരു ആസിഡ് ആക്രമണത്തിന് ഇരയാകുകയോ അല്ലെങ്കില്‍ അത്തരത്തില്‍ ഒരു അപകടം നടക്കുമ്പോള്‍ സാക്ഷ്യം വഹിക്കുകയോ ചെയ്താല്‍ വലിയ അപകടം ഒഴിവാക്കാൻ കഴിയുന്നത്രയും വേഗത്തിൽ പ്രാഥമിക ശുശ്രൂഷ നൽകാൻ ശ്രമിക്കണം. ഒരു ആസിഡ് ആക്രമണമുണ്ടായാല്‍ ആദ്യം ചെയ്യേണ്ട ചില കാര്യങ്ങളുണ്ട്. ഇരയുടെ ശരീരത്തെ മാത്രമല്ല മനസിനെയും ആക്രമണം വളരെയധികം ബാധിക്കും. അവരെ പേടിപ്പിക്കാതെ വേണം കാര്യങ്ങള്‍ ചെയ്യാന്‍. എന്തൊക്കെയാണ് ആസിഡ് ആക്രമണമുണ്ടായാല്‍ ചെയ്യേണ്ടതെന്ന് നോക്കാം
കൈയുറ അല്ലെങ്കില്‍ സാനിറ്റൈസ് ചെയ്ത തുണി ഉപയോഗിക്കുക
ആസിഡ് ആക്രമണമുണ്ടായ ഇരയെ വളരെ ശ്രദ്ധിച്ച് വേണം തൊടാന്‍. സാനിറ്ററി കയ്യുറകള്‍ ധരിച്ചതിന് ശേഷം മാത്രമേ ഇരയെ പരിചരിക്കുകയോ അല്ലെങ്കില്‍ പിടിക്കുകയോ ചെയ്യാന്‍ പാടുള്ളൂ. ഇത് നിങ്ങളെ രാസവസ്തുക്കള്‍ കൊണ്ട് പരിക്കേല്‍ക്കുന്നതില്‍ നിന്നും പൊള്ളലേറ്റുന്നതില്‍ നിന്നും തടയുന്നു മാത്രമല്ല, ഇരയെ ഏതെങ്കിലും അണുബാധയില്‍ നിന്ന് സംരക്ഷിക്കുകയും ചെയ്യുന്നു. ആസിഡ് ആക്രമണത്തിന് ശേഷം, ചര്‍മ്മം ദുര്‍ബലമാവുകയും ഏതെങ്കിലും വൃത്തിഹീനമായ സമ്പര്‍ക്കം കൂടുതല്‍ അണുബാധയ്ക്കോ സെപ്റ്റിക്ക് ആകാനോ കാരണമാവുകയും പ്രശ്നം വഷളാക്കുകയും ചെയ്യും.
പൊള്ളലേറ്റ ഭാഗത്ത് ശുദ്ധജലം ഉപയോഗിക്കുക
വിദഗ്ധരുടെ അഭിപ്രായത്തില്‍, കെമിക്കല്‍ ചിതറിക്കാനും കത്തുന്നത് നിര്‍ത്താനും പൊള്ളലേറ്റ സ്ഥലത്ത് വെള്ളം ഒഴിക്കുന്നത് നല്ലതാണെന്നാണ് പറയപ്പെടുന്നത്. ഈ ആവശ്യത്തിനായി, കുപ്പിവെള്ളമോ ശുദ്ധജലമോ ഉപയോഗിക്കുക. നിങ്ങളുടെ പക്കലുള്ള എന്തെങ്കിലും ഒഴിക്കരുത്.
അപകടമുണ്ടായ സ്ഥലത്ത് ഏകദേശം 20 മിനിറ്റോളം വെള്ളം ഒഴിച്ച് കൊടുക്കണം. പക്ഷെ വെള്ളം എവിടെയും കുമിള പോലെ കെട്ടി നില്‍ക്കുന്നില്ലെന്ന് ഉറപ്പാക്കേണ്ടതും വളരെ പ്രധാനമാണ്
ഒരു രാസവസ്തുവും പ്രയോഗിക്കരുത്
ആസിഡ് എറിയപ്പെട്ട ചര്‍മ്മത്തില്‍ നിങ്ങളോ നിങ്ങളുടെ ചുറ്റുമുള്ളവരോ ഏതെങ്കിലും രാസവസ്തുക്കളോ തൈലമോ പ്രയോഗിക്കുന്നില്ലെന്ന് ഉറപ്പാക്കുക. ഇത് അണുബാധകള്‍, അലര്‍ജികള്‍ അല്ലെങ്കില്‍ പരിക്കുകള്‍ കൂടുതല്‍ വഷളാക്കുന്ന പാര്‍ശ്വഫലങ്ങള്‍ എന്നിവയിലേക്ക് നയിച്ചേക്കാം.
Also Read: Home remedies for cold: മൂക്ക് അടപ്പ് എളുപ്പത്തിൽ മാറ്റാൻ ഈ പൊടികൈകൾ പരീക്ഷിച്ചോളൂ
ഉടന്‍ വൈദ്യസഹായം തേടുക
പ്രഥമശുശ്രൂഷ പ്രധാനമാണെങ്കിലും, നിങ്ങള്‍ ഇരയെ ആശുപത്രിയിലേക്ക് കൊണ്ടുപോകുന്നുണ്ടെന്ന് ഉറപ്പാക്കുക അല്ലെങ്കില്‍ ലൈസന്‍സുള്ള പ്രാക്ടീഷണറില്‍ നിന്ന് എത്രയും വേഗം വൈദ്യസഹായം തേടുക. ആസിഡ് മൂലമുണ്ടാകുന്ന പൊള്ളലേറ്റ മുറിവുകള്‍ ഉടനടി വൈദ്യസഹായം കൂടാതെ സുഖപ്പെടുത്താന്‍ കഴിയില്ല, അതിന് പകരം വയ്ക്കാന്‍ കഴിയില്ല.
