തൈരും മുട്ടയും
കേള്‍ക്കുമ്പോള്‍ ഇത് എന്ത് കോമ്പിനേഷന്‍ എന്ന് തോന്നുമെങ്കിലും മുടിയ്ക്ക് ഏറ്റവും മികച്ചതാണ് ഈ ഹെയര്‍ പാക്ക്. മുട്ടയില്‍ അടങ്ങിയിരിക്കുന്ന പല ഘടകങ്ങളും മുടിയുടെ ആരോഗ്യത്തിന് മികച്ചതാണ്. മുടി വളര്‍ച്ചയ്ക്ക് ഏറ്റവും അധികം സഹായിക്കുന്ന മാര്‍ഗങ്ങളിലൊന്നായി പൂര്‍വികര്‍ ഉപയോഗിച്ചിരുന്നതാണ് ഈ മാസ്‌ക്. കേടായ മുടിയിഴകളെ ചികിത്സിച്ച് ഭേദമാക്കാന്‍ മുട്ടയ്ക്ക് കഴിയും. കൂടാതെ ജലാംശവും മൃദുത്വവും നിലനിര്‍ത്താനും ഇത് സഹായിക്കും.
2 മുട്ടയും 2 ടേബിള്‍ സ്പൂണ്‍ തൈരും യോജിപ്പിച്ച് പേസ്റ്റ് രൂപത്തിലാക്കുക. ഇത് തലയില്‍ തേച്ച് 30 മിനിറ്റിന് ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകി കളയാം.
തൈര്- മൈലാഞ്ചി- കടുക് എണ്ണ
മുടികൊഴിച്ചില്‍ തടയാന്‍ ഏറ്റവും മികച്ചൊരു മാസ്‌കാണിത്.
നിങ്ങളുടെ തലയോട്ടിയിലെ അധിക എണ്ണമയവും അഴുക്കും നീക്കം ചെയ്ത് താരന്‍ തടയാന്‍ മൈലാഞ്ചി സഹായിക്കും. കൂടാതെ വരണ്ട തലയോട്ടിയില്‍ ജലാംശം നല്‍കാനും ഇതിന് കഴിയും. മൈലാഞ്ചിയില്‍ പ്രകൃതിദത്തമായ ആന്റി ഫംഗല്‍, ആന്റിമൈക്രോബയല്‍ ഗുണങ്ങളുണ്ട്. ഇത് നിങ്ങളുട തലയോട്ടിയെ തണുപ്പിച്ച് തലയോട്ടിയിലെ ചൊറിച്ചില്‍ ഇല്ലാതാക്കുന്നു. അതുകൊണ്ട് തൈരിനോടൊപ്പം മൈലാഞ്ചിയും ഇരട്ടി ഫലം നല്‍കും.
ഏകദേശം 250 മില്ലി കടുകെണ്ണയില്‍ കുറച്ച് മൈലാഞ്ചി ഇലകള്‍ ചേര്‍ത്ത് തിളപ്പിക്കുക. എണ്ണ മിശ്രിതം തണുക്കാന്‍ അനുവദിക്കുക. ഇത് ഒരു പാത്രത്തില്‍ സൂക്ഷിക്കുക. നിങ്ങളുടെ പതിവ് ഹെയര്‍ ഓയില്‍ പുരട്ടുന്നതിനുപകരം, ഈ മൈലാഞ്ചി-കടുകെണ്ണ മിശ്രിതം ഉപയോഗിച്ച് തലയോട്ടിയില്‍ മസാജ് ചെയ്യുക. നിങ്ങളുടെ മുടിയില്‍ എണ്ണ പുരട്ടുന്നതിന് മുമ്പ്, നിങ്ങളുടെ തലമുടി അധിക ജലാംശം നിലനിര്‍ത്താന്‍ ഒരു തുള്ളി തൈരും ചേര്‍ക്കാവുന്നതാണ്.
തൈര് ഉളളി നീരും ഉലുവയും
മുടിയുടെ എല്ലാ പ്രശ്‌നങ്ങള്‍ക്കും പരിഹാരം നല്‍കുന്നതാണ് ഉലുവ. ഉലുവയുടെ ആരോഗ്യ ഗുണങ്ങളും വളരെ പ്രശസ്തമാണ്. മുടിയിലെ താരന്‍ മാത്രമല്ല, തലയോട്ടിയിലെ ചൊറിച്ചില്‍, താരന്‍ തുടങ്ങി എല്ലാ പ്രശ്‌നങ്ങളും മാറ്റാന്‍ ഇത് സഹായിക്കും.
4 ടേബിള്‍സ്പൂണ്‍ തൈര്, ഒരു ടീസ്പൂണ്‍ പൊടിച്ച ഉലുവ, 3 ടീസ്പൂണ്‍ ഉള്ളി നീര് എന്നിവ എടുക്കുക. എല്ലാ ചേരുവകളും ഒരുമിച്ച് യോജിപ്പിക്കുക. 30 മിനിറ്റോളം ഈ മാസ്‌ക് നിങ്ങളുടെ തലയില്‍ വച്ച ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകിക്കളയുക. താരന്‍ കളയാന്‍ ഏറ്റവും മികച്ച മാര്‍ഗമാണിത്.
Also Read: Dark circles: കണ്ണിന് അടിയിലെ കറുപ്പ് എളുപ്പത്തിൽ മാറ്റാൻ 6 വഴികൾ
തൈര് -തേന്‍ -മുട്ട
തൈര് ഒരു പ്രകൃതിദത്ത കണ്ടീഷണറാണെന്ന് അറിയാമെങ്കിലും മുട്ട രോമകൂപങ്ങളെ ശക്തിപ്പെടുത്തുകയും മുടികൊഴിച്ചില്‍ കുറയ്ക്കുകയും ചെയ്യുന്നു. കേടായ മുടിയെ പോഷിപ്പിക്കുന്ന പ്രകൃതിദത്ത മോയ്‌സ്ചറൈസറാണ് തേന്‍.
ഒരു മുട്ട നന്നായി പതപ്പിച്ച് അടിച്ച് എടുക്കുക. ഈ മാസ്‌ക് തയ്യാറാക്കാന്‍ 6 ടേബിള്‍സ്പൂണ്‍ തൈരും 2 ടീസ്പൂണ്‍ തേനും ചേര്‍ക്കുക. മുടിയില്‍ പുരട്ടി 20 മിനിറ്റിനു ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകുക.
