പുകവലി കൊണ്ട് തൊലിപ്പുറത്ത് ഉണ്ടാകുന്ന പ്രശ്‌നങ്ങള്‍
1. തൊലിയുടെ കനം കുറയുന്നു
പുകവലിയെക്കുറിച്ച് പല പഠനങ്ങളും നടന്നിട്ടുണ്ട്. ചെറുപ്പക്കാരില്‍ പുകവലി വര്‍ധിക്കുന്നത് വലിയ ആശങ്കയാണ് സൃഷ്ടിക്കുന്നത്. പുകവലിക്കുന്നത് നിങ്ങളുടെ തൊലിയുടെ കനം കുറയ്ക്കാന്‍ കാരണമാകുന്നുവെന്നാണ് പഠനങ്ങള്‍ പറയുന്നത്. സാധാരണ ആളുകളില്‍ നിന്ന് വ്യത്യസ്തമായി പുകവലിക്കുന്നവരുടെ തൊലി 40 ശതമാനം കനം കുറഞ്ഞതായിരിക്കുമെന്നാണ് പഠനങ്ങള്‍ പറയുന്നത്.
2. വേഗത്തില്‍ പ്രായമാവുക
നിങ്ങള്‍ക്ക് നേരത്തെ പ്രായമാകാന്‍ താല്‍പ്പര്യമില്ലെങ്കില്‍, ആ സിഗരറ്റ് ഉപേക്ഷിക്കുന്നതാണ് നല്ലത്. പുകവലി ശരീരത്തിലെ വിറ്റാമിന്‍ സി ഉപയോഗിക്കുന്നതിലൂടെ അകാല ചുളിവുകള്‍ക്കും വാര്‍ദ്ധക്യത്തിനും കാരണമാകുന്നു. കൂടാതെ കൊളാജന്റെ അളവ് കുറയുന്നതിലേക്ക് നയിക്കുമെന്നും പോഷകാഹാര വിദഗ്ധന്‍ കൂട്ടിച്ചേര്‍ക്കുന്നു. നമ്മുടെ ചര്‍മ്മത്തിന് തടിച്ചതും യുവത്വമുള്ളതുമായ രൂപം നല്‍കുന്നതിനാണ്് കൊളാജന്‍.
3. ചുളിവകുള്‍ വര്‍ധിക്കുന്നു
പുകവലി നമ്മുടെ ചര്‍മ്മത്തിന് ശക്തിയും ഇലാസ്തികതയും നല്‍കുന്ന എലാസ്റ്റിന്‍ നാരുകളെ നശിപ്പിക്കുന്നു. ഇത് ചര്‍മ്മത്തിലെ ചുളിവുകള്‍ വേഗത്തിലാക്കുന്നു, അതിനാല്‍ പുകവലിക്കാരന് പുകവലിക്കാത്തവരേക്കാള്‍ കൂടുതല്‍ ചുളിവുകള്‍ അനുഭവപ്പെടാം.
4. ശരീരത്തിന്റെ ആകൃതിയെ ബാധിക്കുന്നു
ചര്‍മ്മത്തിന് പുറമേ, പുകവലി ശരീരത്തിന്റെ മൊത്തത്തിലുള്ള രൂപത്തെയും ബാധിക്കുകയും ഒരു വ്യക്തിയുടെ അരക്കെട്ട്- ഇടുപ്പ് അനുപാതം വര്‍ദ്ധിപ്പിക്കുകയും ചെയ്യുന്നു. ശരീരത്തിലെ ഹോര്‍മോണ്‍ സ്രവത്തിന് കാരണമാകുന്ന എന്‍ഡോക്രൈനല്‍ സിസ്റ്റത്തെ പുകവലി ബാധിക്കുന്നതിനാലാണ് ഇത് സംഭവിക്കുന്നത്.
5. നിറം മാറിയ വിരലുകള്‍
സ്ഥിരമായി പുകവലിക്കുന്നവര്‍ സിഗരറ്റ് പിടിക്കാന്‍ ഉപയോഗിക്കുന്ന കൈകളിലെ വിരലുകളുടെയും നഖങ്ങളുടെയും നിറം മാറുന്നതും കാണാം. പല്ലില്‍ മഞ്ഞനിറം അല്ലെങ്കില്‍ വായ്‌നാറ്റം എന്നിവയും ദീര്‍ഘനേരം പുകവലിക്ക് കാരണമാകുന്ന ചില പ്രശ്നങ്ങളാണ്.
6. സോറിയാസിസ്
പുകവലി സോറിയാസിസ് എന്നറിയപ്പെടുന്ന ഒരു വിട്ടുമാറാത്ത ചര്‍മ്മ അവസ്ഥയ്ക്കും കാരണമാകും. പോഷകാഹാര വിദഗ്ധന്‍ പറയുന്നതനുസരിച്ച്, പുകവലിക്കാത്തവരേക്കാള്‍ പുകവലിക്കാര്‍ക്ക് രോഗം വരാനുള്ള സാധ്യത രണ്ടോ മൂന്നോ മടങ്ങ് കൂടുതലാണ്.
7. പ്രതിരോധശേഷിയെ ബാധിക്കുന്നു
പുകവലി ശരീരത്തിലെ ഫ്രീ റാഡിക്കലുകളുടെ ലോഡ് വര്‍ദ്ധിപ്പിക്കുന്നു, ഇത് ചര്‍മ്മത്തെ നശിപ്പിക്കുകയും രോഗപ്രതിരോധ സംവിധാനത്തെ അടിച്ചമര്‍ത്തുകയും ചെയ്യുന്നു.
