Also Read : നവജാതശിശുവിന് അമിതമായി പാൽ നൽകി; അസാധാരണമായ ഛ‍ർദ്ദിൽ, ഏഴ് കുഞ്ഞുങ്ങളുടെ ജീവനെടുത്ത നഴ്സ് കോടതിയിൽ
ശമ്പളവർദ്ധനവ് അടക്കമുള്ള കാര്യങ്ങൾ ആവശ്യപ്പെട്ട് ആശുപത്രിക്ക് മുന്നിലെത്തി സമരം നടത്തിയതോടെ രാജ്യത്തെ ദേശസാൽകൃത ആരോഗ്യ പരിരക്ഷാ സംവിധാനത്തെ പ്രതിസന്ധിയിലാക്കി. 76 സർക്കാർ ആശുപത്രികളുടേയും ആരോഗ്യകേന്ദ്രങ്ങളുടേയും പ്രവർത്തനം തടസ്സപ്പെടുകയും ചെയ്തു.
അടിയന്തര ആവശ്യങ്ങൾക്കായുള്ള കീമോതെറാപ്പി, ഡയാലിസിസ്, ഇൻ്റൻസീവ് കെയർ മേഖലകളെയും പണിമുടക്കിൽ നിന്നും ഒഴിവാക്കിയായിരുന്നു സമരം നടന്നത്.
രാജ്യത്തെ ഏറ്റവും വലിയ നഴ്സിങ് തൊഴിലാളി യൂണിയനായ റോയൽ കോളജ് ഓഫ് നഴ്സിങ് (RCN) ആണ് സമരത്തിന്റെ കടിഞ്ഞാൺ പിടിക്കുന്നത്. 106 വർഷത്തിനിടെ സംഘടിപ്പിക്കുന്ന വലിയ സമരമായിരുന്നു വ്യാഴാഴ്ച സംഘടിപ്പിച്ചത്. ഈ മാസം 20നും പണിമുടക്കുമെന്ന് റോയൽ കോളജ് ഓഫ് നഴ്സിങ് അറിയിച്ചിട്ടുണ്ട്.
കടുത്ത സാമ്പത്തിക പ്രതിസന്ധിയിലൂടെ കടന്നു പോകുന്ന യുകെയിൽ നാണ്യപ്പെരുപ്പം 10 ശതമാനത്തിലേറെയാണ്. അതിനാൽ തന്നെ ജീവിതചെലവ് വർദ്ധിച്ചതായും 19 ശതമാനം ശമ്പളവർധനവ് വേണമെന്നുമാണ് സമരം നടത്തുന്ന നഴ്സിങ് യൂണിയന്റെ ആവശ്യം.
ശമ്പള കാര്യത്തിൽ ചർച്ചകൾക്ക് പോലും സർക്കാർ തയ്യാറാകുന്നില്ലെന്നാണ് നഴ്സിങ് യൂണിയന്റെ ആരോപണം. എന്നാൽ, സ്വതന്ത്ര സമിതി നിശ്ചയിച്ച നാല് മുതൽ അഞ്ച് ശതമാനം വരെയുള്ള വർധനവ് മാത്രമാണ് സാധ്യമായത് എന്നും അതിന് മുകളിലേക്കുള്ളത് സാധ്യമല്ലെന്നുമാണ് സർക്കാരിന്റെ നിലപാട്. ഇതിൽ കൂടുതൽ വർധനവ് വരുത്തിയാൽ മറ്റ് സേവന മേഖലകളെ ബാധിക്കുമെന്ന് ആരോഗ്യമന്ത്രി സ്റ്റീവ് ബാർക്ലേ പറയുന്നു.
“രോഗികളെ പരിചരിക്കുന്നതിന് വേണ്ടിയാണ് ഞാൻ നഴ്‌സിംഗിലേക്ക് തിരിഞ്ഞത്, വർഷങ്ങളായി എന്റെ രോഗികൾക്ക് അർഹമായ പരിചരണം നൽകാനുള്ള എന്റെ കഴിവിൽ ഇന്ന് വിട്ടുവീഴ്ച ചെയ്യേണ്ടി വന്നു.” തെക്കുപടിഞ്ഞാറൻ ഇംഗ്ലണ്ടിലെ ഒരു ആശുപത്രിയിൽ ഏഴ് വർഷമായി നഴ്‌സായി ജോലി ചെയ്ത ആൻഡ്രിയ മക്കെയെ ഉദ്ധരിച്ച് സി എൻ എൻ റിപ്പോർട്ട് ചെയ്യുന്നു.
“എല്ലാ ദിവസവും യുകെയിലുടനീളമുള്ള നഴ്സുമാർ ജീവനക്കാരില്ലാത്ത ആശുപത്രികളിലേക്ക് നടക്കുന്നു എന്നതാണ് യാഥാർത്ഥ്യം,” മക്കെ പറഞ്ഞു. “വർഷങ്ങളായി എൻ എച്ച് എസ് നഴ്‌സുമാരുടെ അനുകമ്പയിലും നന്മയിലുമാണ് ഇത് പ്രവർത്തിക്കുന്നത്… ഇത് സുസ്ഥിരമല്ല.” അവർ കൂട്ടിച്ചേർത്തു.
ബ്രിട്ടനിൽ നടക്കുന്ന സമരത്തിൽ ജനങ്ങളുടെ പിന്തുണയും നഴ്സുമാർക്ക് തന്നെയാണ്. പണിമുടക്കിന് മുൻപ് നടത്തിയ സർവേയിലാണ് ജനങ്ങളുടെ പിന്തുണയ്ക്കുന്ന കണക്കുകൾ പുറത്തുവന്നത്.
Also Read : മൈക്ക് ചതിച്ചു, പ്രധാനമന്ത്രി സഭയിൽ എംപിയെ അസഭ്യം വിളിച്ചത് പുറത്ത്; പിന്നാലെ തന്നെ ക്ഷമ ചോദിച്ച് രംഗത്ത്
അടുത്തിടെ റെയിൽ, പോസ്റ്റൽ, വ്യോമഗതാഗതം അടക്കമുള്ള സർവീസുകളിലും പണിമുടക്കുകൾ നടന്നിരുന്നു. പിന്നാലെയാണ് നഴ്സുമാരും തെരുവിലിറങ്ങിയത്.
Read Latest World News and Malayalam News
പദ്ധതികൾക്ക് കമീഷൻ കൈപ്പറ്റിയ ചോക്കാട് പഞ്ചായത്ത് പ്രസിഡന്റ് രാജിവച്ചു
